-
Die eerste weergawe van hierdie struktuur van Paul McCann het verskyn in die Colophon Magazine June 1999. Die struktuur is van so aard dat die gedig van bo na onder en weer van onder na bo gelees kan word.
Dit kan handel oor enige onderwerp maar moet ritmies lees en na beide kante nog woord vir woord 'sin' maak. Hierdie struktuur bied 'n wonderlike uitdagende skrywers-oefening aan ons.
Al wat Paul McCann vra as ons die hand waag aan hierdie vorm, dat ons terugverwys na die skakel:
http://home.vicnet.net.au/~poems/ps/html/mirror_loop.html
Liefdesriviere
Eindeloos ...
vloei liefdesriviere.
Dag na dag
en keer op keer,
onbewus teer ons.
Ek en jy
smagtend - vasgevang
Onvervuld ...
***
Onvervuld ...
vasgevang - smagtend
Jy en ek.
Ons teer onbewus,
keer op keer en
dag na dag.
Liefdesriviere vloei
eindeloos ...
©
-
Hierdie "omgekeerde" stukture smokkel met my brein. :icon_biggrin: Dit is nie maklik nie, maar ek sal weer probeer. Ons eie "Naas Langkop" sal moet kom help.
-
Gewis nie maklik nie, ek stem saam! Maar sooooo groot vreugde as mens dit regkry!!
-
Reggekry! oops! dalkies nie HELP!
Hier is my neederige probeerslag:
Sorgloos
Kinders speel
sorgloos
Hand aan hand
salig onbewus
grootmens vrees verteer
bang-bang
kindwees sing la-la
salig onbewus
***
salig onbewus
la-la sing kindwees
bang-bang
verteer vrees grootmens
onbewus salig
hand aan hand
sorgloos
kinders speel
© Ah,Willa!
http://home.vicnet.net.au/~poems/ps/html/mirror_loop.html
-
Pragtig Willa. Vir jou eerste probeerslag is hierdie 'n wonderlike voorbeeld :notworthy:
Let net op na waar jou gediggie van onder na bo gelees word dat jy die woorde reg inspan: salig onbewus/onbewus salig. En ook by eerste en laaste reels: kinders speel/speel kinders.
Ek sal graag voorstel dat jy leestekens gebruik (groot hulpmiddel met die soort van weerkaatsde verse) sodat, met die teruglees van dit - die reels nog sin maak. Soos bv.
Kinders speel
sorgloos.
Hand aan hand
salig onbewus;
grootmens-vrees verteer
bang-bang;
kindwees sing la-la,
salig onbewus.
***
Onbewus salig;
la-la sing kindwees.
Bang-bang
verteer vrees grootmens.
Onbewus; salig
hand aan hand,
sorgloos -
speel kinders.
© Ah,Willa!
-
Hier's ek ook weer, uiteindelik!
Raaitjie, help ook hier asseblief. Ek weet nie of dit ook kan werk nie.
Ontberings
kort is vakansie
werk is lank
gewis pyn ons
eensaam en alleen
monde loop leeg
ons kerm en murmureer onophoudelik
op en af af en op wipplank ons
weer koud dan eers warm
water sonder krag dan krag sonder water
toerusting sonder seine dan seine sonder toerusting
gewis pyn ons
werk is lank
kort is vakansie
-
Met hierdie struktuur moet daar 'n middelpunt wees vanwaar die gedig gereflekteer word en dan van regs na links weergee word. Ons lees dus agteruit aan dieselfde reels waar woorde so geplaas is dat dit nog steeds sin maak. As ons die gedig van onder na bo lees tot by die middelpunt, moet dit presies dieselfde lees as van bo na onder tot by dieselfde punt.
Kom ons kyk na hierdie kort kringloop Haiku voorbeeld van Naas wat ek in die woordskuur bewaar het, kan jy sien waar sy gedig 'draai'om van regs na links te lees?
Politiek. Waar?
Waar politiek is
Lieg hulle en hulle lieg.
Is politiek waar?
©
Ek kan nie presies agterkom waar jou gedig begin reflekteer nie mater, wat ek wil kan sien is dat jy die eerste drie verse weer herhaal in geheel onder, maar dit lees nog steeds van links na regs.
Kom ons nommer jou reels:
1 kort is vakansie
2 werk is lank
3 gewis pyn ons
4 monde loop leeg
5 ons kerm en murmureer onophoudelik
6 op en af af en op wipplank ons
7 weer koud dan eers warm
*hierdie reels sal almal agterste voor gelees kan word
*met die volgende reels het jy reeds die woorde omgedraai
8 water sonder krag dan krag sonder water
9 toerusting sonder seine dan seine sonder toerusting
*hier het jy weer die sinne in geheel net herhaal van onder na bo
3 gewis pyn ons
2 werk is lank
1 kort is vakansie
In samevatting: Met hierdie struktuur moet daar 'n middelpunt wees vanwaar die gedig gereflekteer word en dan van regs na links weergee word.
Ek gaan gou my gedig vir jou weer vassit hier en nommer:
Liefdesriviere
1 Eindeloos ...
2 vloei liefdesriviere.
3 Dag na dag
4 en keer op keer,
5 onbewus teer ons.
6 Ek en jy
7 smagtend - vasgevang
8 Onvervuld ...
*** Nou moet die reels se woorde (nie letters nie net woorde) agteruit geplaas word
8 Onvervuld ...
7 vasgevang - smagtend
6 Jy en ek.
5 Ons teer onbewus,
4 keer op keer en
3 dag na dag.
2 Liefdesriviere vloei
1 eindeloos ...
Ons kan met leestekens die omgedraaide woorde duideliker laat uitstaan indien nodig na die reflekteerpunt.
Hoop dit maak die struktuur bietjie makliker vir jou?
-
Kaas oom Naas se politiek mooi in boek no 2!!! WOW - hoekom kan ek nie so slim wees nie.
PM - hierdie challenge het my brein selle nou aan die gang hoor - dis nogal glad nie so maklik as wat dit lyk nie
Raaitjie dankie vir die verbetering op my poging ... ek het meer op die woorde as gevoel of leestekens gekonsentreer ..
ek gaan weer nog een probeer :-)
net dalk word ek so slim soos Naas :-)
-
Die weerkaatsde Kruis
Ek kniel dankbaar
-- Here my Here --
Vergewe Vader Asseblief
vra ek, verlore en gevlek, sondaar
Golgota en Houtkruis - sinoniem - vasgespyker en deurboor was U
Verag en verraai - Onverdiend Doringkroon - geslaan en gespoeg
Dankbaar sondaarstem weerklink nou skoongewas
Hallelujah Hallelujah
-Ek is vry en gered-
Hemels styg lofsang
***************
Lofsang styg hemels
-Gered en vry is ek-
Hallelujah Hallelujah
Skoongewas nou weerklink sondaarstem dankbaar
Gespoeg en geslaan - Doringkroon Onverdiend - verraai en verag
U was deurboor en vasgespyker - sinoniem - Houtkruis en Golgota
sondaar, gevlek en verlore, ek vra
Asseblief Vader Vergewe
-- Here my Here --
Dankbaar kniel ek
© Meraai vannie baai
VARIASIE: HIER IS 'N VOORBEELD AS ONS REELS IN GEHEEL LAAT REFLEKTEER:
Hier draai my gedig by 'kan' wat eers uitroepteken, dan vraagteken word.
Spieëlbeeld van die groot K
Kan een siekte soveel leed bring?
Kan een siekte selle verwoes?
Kan een siekte so seëvier?
Kan dit die dood roep?
Kanker se angels
K die groot K
Kan !?
K die groot K
Kanker se angels
Kan dit die dood roep?
Kan een siekte so seëvier?
Kan een siekte selle verwoes?
Kan een siekte soveel leed bring?
© Meraai vannie baai
-
Dit is 'n pragtige gedig Raaitjie. Tien uit tien vir jou!
Baie dankie vir jou inset, ek sal terugkeer na die skryftafel sodra ek 'n kansie het. Pak eers vandag en trek. Ons het nou genoeg gehad.
-
Raaitjie gaan braai in die warmplek, want sy lei my in versoeking om heeldag net mooi netjies hier te bly sit ...
WOW vir die K-spieelbeeld Raaitjie - nou wag ek vir die W spieelbeeld terwyl ek nog herkou aan die gewone spieelbeel ... MP waar is jou spieelbeeld??
-
Bly jy geniet Willa. Hier is twee pragtige Engelse voorbeelde te siene:
http://home.vicnet.net.au/~poems/ps/html/mirror_loop_examples.html
-
O liewe land, ek moet nog eers gaan kyk hoe ek die sirkeltjie kan regkry Wils. :icon_biggrin:
Dinge gebeur nou te vinnig hier by ons, sal baie tyd moet maak en baie hulp kry voordat ek daai een sal regkry! :bootyshake:
-
Raaitjie, kom help 'n bietjie matertjie, asseblief.
Die volgende twee versreëls het vir my verskillende betekenisse as jy dit in een sin lees:
water sonder krag dan krag sonder water
en ook
as jy sein het is daar nie krag nie dan werk jou toerusting (selfoon en rekenaar) nie, as jy krag het werk die toerusting maar dan het jy nie sein nie.
8 water sonder krag dan krag sonder water
9 toerusting sonder seine dan seine sonder toerusting
wat stel jy voor, hoe ruk ek dit reg?
-
PM, vir 'n ware kringloop gedig - waar ons eers van links na regs tot onder lees (tot by laaste woord) en dan vandaar van regs na links weer na bo lees (tot by jou eerste woord), sal die eindresultaat van jou pronkskepping so vertoon matertjie, jy moet nou net loer of die kopkrapsinne vir jou sinmaak so :icon_scratch:
*was nuuskierig om te sien hoe dit gesentreerd gaan vertoon:
Ontberings
kort is vakansie
werk is lank
gewis pyn ons
monde loop leeg
ons kerm en murmureer onophoudelik
op en af af en op wipplank ons
weer koud dan eers warm
water sonder krag dan krag sonder water
toerusting sonder seine dan seine sonder toerusting
***
toerusting sonder seine dan seine sonder toerusting
water sonder krag dan krag sonder water
warm eers dan koud weer
ons wipplank op en af af en op
onophoudelik murmeer en kerm ons
leeg loop monde
ons pyn gewis
lank is werk
vakansie is kort
©
ek lief jou gedig :book1: :notworthy:
-
Baie dankie Raaitjie, jy is 'n genius. :love7:
-
PM en Raaitjie is Circle Geniuses .. ek probeer nog ... ek wil ook 'n genius wees .. maar moet nog eers baie oefen ha ah
ek hou van PM se diggie en hoe Raaitjie dit reg getrek het van hoekie tot hoekie - pragtig!
-
Ag wat Willa, ek "try my luck" so nou en dan, maar Raatjie ruk my altyd in die bek!
Met Raaitjie hier rond weet ek dat ons altyd 'n kwaliteit produk, wat aan al die vereistes voldoen, op die tafel sal lê. Dit is mos wat ons wil hê: hoë standaarde!
Daar is baie ouens wat saam wil skryf aan die boek, maar ongelukkig word almal nie gekeur nie.
Ons wil nie sommer net "'n boek" uitgee nie. Dit moet aan die vereistes voldoen.
-
Natuurlik moet daar aan vereistes voldoen word ... en as ons nou uitval - beteken dit nie ons kan nie genoeg groei na boek 3 nie ... ons is mos hier om saam te leer, saam te groei, saam te kuier, saam te huil, saam te lag en saam te juig ... :bootyshake:
-
Ek dink nie hier in ons geledere gaan iemand uitval nie. Nee, ons werk hard daaraan om deel te wees van boek twee.
-
Lief lief lief julle passie en woorde. Wonderlike voorreg om soms te kan help om die woordosse in die regte volgorde in te span :love7: :notworthy: :icon_salut: :book1:
-
En wat 'n voorreg om deur meesters gehelp te word, wat ook eens deur ander meesters geslyp is ... eendag as ek mooi groot gegroei het, sal ek ook 'n rowe diamant help slyp - wie weet .. dalk die volgende generasie Langenhoven ... want in hierdie generasie had ons vir Naas
-
Dierbare Willa - ons is almal rowwe diamante wat in die woordsakkie knus teenmekaar skuur en skaaf - eendag as iemand die sakkie uitskud gaan ons ABC liggies die hele omgewing verblind :love7: :book1:
-
Maar 'n feit Meraai is dat van die diamte in ons sakkie al beter gesluip is as ander van ons en wat te voorreg om saam met julle in 'n sakkie gegooi te wees om saam te slyp ... :icon_study:
-
Ek sluip gou weer terug ... beslis is ander al meer geslyp mater, maar soms skuil bekoring juis in die aardsheid van ons ongeslypte, ruwe klippies :love7:
-
:wav:
-
Ek mis ons saamspeel in die woord-sandput :love7: :crybaby2:
-
Ontberings Mooi gedig ek hou daarvan.
-
Loer ek oor 'n gas se skouer en kom op hierdie kosbare kosbare bydraes af. Ek kry 'n warm gevoel in my hart vir Willatjie. Sy is beslis een van ons diamandjies. :love7: