Die Afrikaanse Forum

Kom skryf saam in jou eie plekkie => Kom deel jou woordwerke => Naas se plek => Topic started by: Naas on September 14, 2015, 02:47:54 PM

Title: Bliksem
Post by: Naas on September 14, 2015, 02:47:54 PM

Skielik bliksem die donnerweer.
Helder flits die donker dood,
hoorbaar plof die druppels neer,
swoel, swaar, swanger groot
Om kraters in die stof te plof,
te ratelklop op die dak se sink.
As donkerte die flits verdof
Sal dorstig grond die vog indrink.

Deur wolke leeg en grys
breek helder son se straal
om weer natuur se prag te wys.
Bome wuif met lower hand
wyl diere dans en juig.
Uit nat deurdrenkte grond
steek groen sy grasvingers.
Uit bliksem lewe weer die land.


 :icon_bigsmurf:

Title: Re: Bliksem
Post by: Meraai vannie Baai on September 15, 2015, 04:27:11 AM

Daar kom min dinge by die woordplesier wanneer jy aansit by 'n keurig gedekte ABC tafel soos hierdie Naas  :hello2: :notworthy:

Title: Re: Bliksem
Post by: Jeannedarc on September 15, 2015, 10:53:45 AM

well spoken and painted. made me think of my poem Raindrop Symphony

Title: Re: Bliksem
Post by: PM on September 15, 2015, 11:51:57 AM

Baie mooi.