Die Afrikaanse Forum

Kom skryf saam in jou eie plekkie => Kom deel jou woordwerke => Adéle se plek => Topic started by: adele on July 26, 2014, 10:09:49 PM

Title: mannin van my hart
Post by: adele on July 26, 2014, 10:09:49 PM

gee my die kader
van jou liefde
mosaïek die goue grens
van ons minnelewe 
met maansteen
en bloedrooi robyn

mannin van my hart
teer beskerm jy
die klop van my lewe
adem ek ’n aandgeur
uit die waskelke
van wilde katjiepiering

eva kom vat my hand
en lei my met jou mee
saam met jou geheimenisse
sweef ek willoos onvry
na die misbanke oor ons
eie vreugdevolle jordaanvallei

Title: Re: mannin van my hart
Post by: Fransi on July 28, 2014, 08:23:46 AM

Jou beelde is altyd werklik baie mooi en roerend geskryf.

Title: Re: mannin van my hart
Post by: adele on September 06, 2014, 11:56:22 AM

dankie Fransi   :wave:

Title: Re: mannin van my hart
Post by: PM on October 02, 2014, 09:34:28 AM

Mooi geskryf Adele.   :love7: