Die Afrikaanse Forum
Kom skryf saam in jou eie plekkie => Kom deel jou woordwerke => Elsabe => Topic started by: Elsabe Oosthuizen on June 24, 2014, 03:14:59 PM
-
'n Koue staalgrys gesig
stuur 'n ontstuimige boodskap uitdagend terug
saamgepersde pers-blou wolke
afwisselend met donderslae van veraf bewus
'n rustelose gejaagdheid
vind voetgangers motors
almal skielik oppad
huis toe skuiling soek
ongeduld
niemand wil wag
bome skud gretig hul laaste winteroorblyfsels af
wind 'n haastige ongedierte
vermeng stof blaar pers jakarandas
in genadelose slierte
slingerend in hulpelose figure
strate se advertensie naamborde
staan sterk teenoor bouperseelhyskrane
vorm 'n aksentuasie van die onweers-grynslag
die spruit-kroteske Wilgers
swaar in somervrag
word onverskillig
heen en weer geslinger
eerste oorywerige druppels
plons gretig neer
donderslae blitse
meng in harmonie-simfonie
die eerste somerreën
wat 'n welkome gesig!
-
Elsabe jou skryfstyl is vir my mooi. Anders as wat ek in 'n lang tyd raakgelees het. So ook hierdie gedig.
-
Ek geniet die "witspasies" - tipografiese wit - wat jy gebruik.
-
voorspel tot die groot reën in die stad ... mooi.