Die Afrikaanse Forum

Kom skryf saam in jou eie plekkie => Kom deel jou woordwerke => Ans Botha se plek => Topic started by: Ans Botha on October 22, 2013, 05:03:35 PM

Title: Vroue Monument
Post by: Ans Botha on October 22, 2013, 05:03:35 PM

uit koue blou grys graniet
is jy gevorm tot vrou
met oë wat oor vlaktes staar
met slap kind op jou skoot

geveg vir volk en vaderland
jou stem verhef teen vyand
met geweld jou verset
vir kos en drank

op jou knieë jou verneder
gesmeek vir medikasie
vir siek kind
gevloek en geskel was jy

jou trane het hul laat lag
hul gespot het jou verhard
sterk gemaak vir more
wanneer son weer skyn

voor haar bedjie op vloer
het jy biddend gesmeek vir genesing
slap het jy vorentoe geval
moeg van uitputting het slaap jou oorval

sonder trane het jy gestaan
langs oop graffie afskeid geneem
van jou dierbare kind
wat niemand wou help

Title: Re: Vroue Monument
Post by: PM on October 23, 2013, 10:10:22 AM

Baie mooi Ans.  Jou skryfwerk verbeter by die dag.   :icon_salut:

Title: Re: Vroue Monument
Post by: adele on October 23, 2013, 12:59:30 PM

pragtig Ans.
verlede naweek was daar heeltyd feesvieringe by die Vrouemonument wat vanjaar 100jr oud is. die volkspelers het die mooiste vertoning gegee... met spel, sweepslag en beesvelgooi.

 :grommit:

Title: Re: Vroue Monument
Post by: Ans Botha on October 23, 2013, 03:38:04 PM

Dankie PM. Ja Adele op skool het ek ook volkspele gedoen, min geweet watse impak dit vandag op my sou he. Op skool verstaan 'n mens nie werklik alles nie, jy geniet die geskiedenis maar verstaan nie alles soos jy dit moet verstaan nie. Ek wens ek kon daardie plegtigheid bygewoon het.

Title: Re: Vroue Monument
Post by: Rainier on October 24, 2013, 04:27:13 PM

Dis so diep, heil die vroue van ons volk! Baie mooi, ek is mal oor die gedig.

Title: Re: Vroue Monument
Post by: Ans Botha on October 24, 2013, 04:44:24 PM

Dankie Rainier ek waardeer jou kommentaar.

Title: Re: Vroue Monument
Post by: PM on October 28, 2013, 07:21:20 AM

Adéle, kom vertel vir my wat is "beesvelgooi", anders sal ek oningelig bly.   :icon_biggrin:

Title: Re: Vroue Monument
Post by: adele on October 28, 2013, 10:12:19 AM

hi vriendin,
gaan kyk hierso om die foto mooi te sien, dis geneem tydens verlede jaar se junior-toer na Europa.

die beesvel is 'n saggebreide vel met lussies aan en elke neef vat 'n lus in elke hand vas, dan klim 'n kind daarop en begin die mans die vel op en af wieg ... tot hulle dit lekker aan die beweeg het en dan skiet hulle die kind die lug in. dit was 'n item tydens die voortrekkerjare se ontspanningstye... word met groot omsigtigheid gedoen en daardie kind moet ook weet hoe om te val. hy moet heeltyd sy arms om sy knieë vashou want as hy los en sy arms in die lug gooi, val hy soos 'n vrot vel met swaaiende arms en bene terug.  :icon_biggrin: 

https://www.facebook.com/photo.php?fbid=1424898984403644&set=a.1424899077736968.1073741827.1424894374404105&type=1&theater

Title: Re: Vroue Monument
Post by: PM on October 28, 2013, 10:43:20 AM

Baie dankie vir die inligting en sommer nog 'n foto daarby.   :icon_biggrin:  Ek lief jou matertjie.   :love7:

Title: Re: Vroue Monument
Post by: Ans Botha on October 28, 2013, 04:20:34 PM

Dankie vir die inligting adele. Het my laat terug verlang na Oupa plaas se tye toe. Die tien seuns het hulle kinders op die plaas so vermaak daardie tyd.

Title: Re: Vroue Monument
Post by: Fransi on October 29, 2013, 07:37:44 AM

Aangrypend geskryf.

Baie interessante inligting oor die beesvel.

Title: Re: Vroue Monument
Post by: adele on November 02, 2013, 06:26:37 PM

hierdie is baie kort maar as julle deurkyk, sal julle sien hoe word die beesvelgooi gedoen.

http://www.youtube.com/watch?v=Qy_fII_y4-s

 :grommit:

Title: Re: Vroue Monument
Post by: Ans Botha on November 02, 2013, 09:56:20 PM

Dankie Adele dit is te oulik