Die Afrikaanse Forum
Kom skryf saam in jou eie plekkie => Kom deel jou woordwerke => Maruis se plek => Topic started by: Marius on June 10, 2013, 03:17:19 PM
-
Eros Appokalipsis
Jy, my,
eg, erg gekompliseerd,
tot raserny drywend,
atoomsampioenwolkblom ,
rukwindgolf deur my beton,
druk my geigerteller in die rooi, my nooi,
terwyl ek,
reaktor nommer vier gek,
met atome buite beheer,
natuurtoe wil terugkeer,
Chernobil jy binne my,
te laat vir hazmatpak aankry,
jy't my klaar bestraal,
jou radiasie fataal,
rus in vrede,
my alleenloper verlede!