Die Afrikaanse Forum
Kom skryf saam in jou eie plekkie => Kom deel jou woordwerke => Adéle se plek => Topic started by: adele on May 26, 2011, 07:11:42 PM
-
Grasstingels wieg teen ons aan
en in die sagte ruising
fluister jou oë 'n
verhaal
van rou verwagting.
Elke asemteug
word 'n woord
wat klop teenoor
my hart
se sametrekkings en
ons verlange in
kode uitspel.
Oor donswit grassade vlug
'n paar kiewiete se
geskinder
sonder inhibisies
met my versugting
oor die vlakte heen,
tot waar
die rivierstroom in
stukkies en
brokkies oor
vlak graniet,
voortkrabbel
met skeursels
sonstraalvreugde.
:grommit: