Die Afrikaanse Forum
Kom skryf saam in jou eie plekkie => Kom deel jou woordwerke => Angelica se plek => Topic started by: Angelica on May 01, 2013, 06:00:40 PM
-
Tiemietakkie Romanse
Ek voel witpens-na-bo-vis
in 'n besoedelde gemoedsrivier
maar jy spoel my af met sjarme
blaas lewe in my dooie bestaan
by News Cafè
waar jy my sitmaak
en bestel rugspek en sunny side up
ons eet fried tomatoes met tiemietakkies
wat jy in my mond sit
jou vingers rus sag
op die klam van my tong
ons knieë raak maak lank vergete emosies los
ek veg ek huil
ek probeer my dooie varkies op hok hou
maar hulle bars uit en spat in rigtings
die ou ek sterf
jy soen my cupido, raak aan my wang
tussen slukke koffie
my geel gespinde jas val soos vodde
stukkie vir stukkie en drapeer stralend
om my voete
ons gaan haal vir ons drome
van agter die twaalf apostels
en gooi dit voor ons voete oop
jy pluk 'n geel gerf aan die rand
van die koringland
en druk 'n rooi papawer in my hare
ek trek my bont rok aan
op die mat van Namakwaland
in ons droomlose agters
is geen spasie meer vir nagmerries
ek vee die spore weg by my agterdeur
en gooi my voordeur oop
vir lèèf
saam met jou.
©Elsabé
-
So besonders mooi.
-
Pragtig pragtig. Ek lief dit Els. Dit gaan nou dadelik boek toe. :hello2:
-
Dankie, dankie. :love7: