Die Afrikaanse Forum

Kom skryf saam in jou eie plekkie => Kom deel jou woordwerke => Naas se plek => Topic started by: Naas on May 25, 2011, 10:11:33 AM

Title: Seekos
Post by: Naas on May 25, 2011, 10:11:33 AM

Onderstebo bos
dans die kelp met Madusakapsel,
‘n wiegende wals
saam met die trek en stoot van die branders.

Yskas skuim
Omvou my kop met onderwater simfonie
soos ek ver-een
met die ritme van die vloeiende milieu.

Silwer flitsend
swiep skubgevaarte voor die bril verby
en onder, van die bodem
loer die agpootkop vir my.

Onderwater rotsskeur
wuif twee beetrooi takke voel-voel
om aan te dui
waar daai krapspinnekoppie bly.

Sterke pote kneus
Waar my vingers sy lyf omhels
En sterkstertswiep
poog om wegkom waar te maak.

Maar vanaand,
my onderwater vriend,
langs kuiervuur
gaan jy saam voorsit
as die dinee se eregas.


 :icon_bigsmurf:

Title: Re: Seekos
Post by: Trapsoetjie on May 25, 2011, 10:15:35 AM

Jy woorde is prentjie mooi.

Ek sien hoe jy snorkel  :icon_biggrin:

 :angel12:

Title: Re: Seekos
Post by: PM on May 25, 2011, 10:26:28 AM

Is ek ook genooi vir die dinee?   :dontknow:   

Goed geskryf, net jammer vir die luskol wat nou hier op my maag bly sit.   :icon_biggrin: