Die Afrikaanse Forum

Kom skryf saam in jou eie plekkie => Kom deel jou woordwerke => Gawelina se plek => Topic started by: Gawelina on April 03, 2013, 08:58:31 AM

Title: Aandlied van die wind
Post by: Gawelina on April 03, 2013, 08:58:31 AM

stom luister ek vanaand
na 'n aandwindlied
soek jou stem in sy melodie,
mis jou vingers
strelend, spelend
oor snare van my hart

droewig kla hy sotto voce
'n hartseer wat my siel aanraak
sy lied van verlange
tjalie om my hunkerlyf

ek knip my oë, 
vind jou beeld in sterrelig
jou glimlag speel 'n minnelied
op  harpe van 'n melkweg

wyl sagte melodieë oor my spoel
volg sagte vingers
sy note oor my vel
waar eens jou warm hande
'n overture uit kon spel

Title: Re: Aandlied van die wind
Post by: PM on April 03, 2013, 10:19:58 AM

Ek lief dit  Juffrou Gawie, dit is baie mooi. 

Title: Re: Aandlied van die wind
Post by: Meraai vannie Baai on April 03, 2013, 10:41:43 PM

Amen!