Die Afrikaanse Forum

Kom skryf saam in jou eie plekkie => Kom deel jou woordwerke => Naas se plek => Topic started by: Naas on April 01, 2013, 12:30:05 PM

Title: Seisoenaal
Post by: Naas on April 01, 2013, 12:30:05 PM

Uit die spierwit doeke van lentebloeisels
ontwaak die vreugde van lewe.
In somerhittegolwe groei die lewensvrugte.
Die herfs bring wasdom in sy warm wyse kleure.
Aan die einde kom winter en verstrengel, verskrompel
in yskoue vingers die lewe uit die jaar se groei.

‘n Siklus word voltooi.
‘n Siklus gevul met vreugde, hartseer, liefde…
Groei…
Wysheid…
Lewe…
Pyn, lyding…
Dood.

Dit is volbring…
© Naas

Title: Re: Seisoenaal
Post by: PM on April 01, 2013, 12:55:58 PM

So gevoelvol geskryf Naas.  Ons dink aan jou matertjie. 

Title: Re: Seisoenaal
Post by: Angelica on April 01, 2013, 05:52:12 PM

Sterkte word julle toegewens, Naas.
Daar is soveel lekker tye saam met Ma wat ek nooit sal vergeet. 
Sy was baie siek, maar altyd geglimlag en liefde uitgestraal.
Geen bitter lyding meer vir haar.  Net rus aan ons Vader se voete.
<<<<>>>>

Title: Re: Seisoenaal
Post by: adele on April 01, 2013, 07:07:51 PM

ek wil jou hand neem, saamstap ... die seer is nog erg, dit oordek nog die gemis wat wag.
jou siklus-woorde skilder ook 'n goue-raam-liefde.

 :grommit: 

Title: Re: Seisoenaal
Post by: Meraai vannie Baai on April 01, 2013, 11:04:29 PM

Met eerbied en simpatie lig ek my hoed en knak die knieg mater  :icon_salut: :notworthy: