Die Afrikaanse Forum
Kom skryf saam in jou eie plekkie => Kom deel jou woordwerke => Ans Botha se plek => Topic started by: Ans Botha on February 26, 2013, 04:21:57 PM
-
Net 'n begin om vir julle te wys hoe dit van tussen die klowe deur op ons plaas lyk. Dit is hier waar ek elke dag 6 km ver stap. Ek gaan nou weer die pad aandurf. Met die wete dat daar dalk vir my 'n luiperd of 'n slang op die pad kan wag. Maar die natuurskoon is so mooi, en die vars lug maak alles die moeite werd.
-
Watter voorreg is dit nie Ans! Dankie vir die deel. Ons sien uit daarna om saam met jou te kan kuier rondom die woordtafel en julle lieflike omgewing te leer ken.
-
Dankie vir die wys Ans. Ons is klaar gepak en durf die lang pad Kaap toe aan. Sodra ek weer opvangs het kom kuier ek weer hier. Hoop jy kry nog 'n paar mooi foto's.
-
Een aand terwyl ek oppad is die veld in. Die wolke het soos 'n klein paradys gelyk, die aantrekkingskrag so groot, en met die blote oog kon 'n mens die wonderwerk ervaar en met die wind wat deur die blare gewaai het, kon mens die Grote Heer hoor met jou siel werk.
-
Baie mooi foto's.
-
...kon mens die Grote Heer hoor met jou siel werk. Prikkel die mooi woorde van jou rillings teen my ruggraat af. Mooi gesê Ans. Pragtig!
-
Wil net hierdie veldblommetjie met julle deel. Hierdie jaar was daar min van hulle al het dit so baie gereen hier by ons.
-
Baie dankie Ans. Dit is die klein diamantjies in die natuur. 'n Voorreg om dit met jou te deel. :love7:
-
Soms is die grootste skatte daar reg teen ons voete, ons moet net afkyk! Dankie vir die deel Ans, ons het geniet!
-
Dan is daar ook die hartseer oomblikke, as een van die bobbejane dit nie gemaak het nie.
-
'n Tyd om te kom en 'n tyd om te gaan ... :crybaby2:
-
'n Uitsig van daardie selfe grot af waar ons die bobbejaan geraamte gekry het. Daardie bobbejaan het gesterf met die mooiste uitsig langs hom. Daar waar hy ver oor die mampoer vallei kon uitkyk, die golwende natuur kon sien. Daar glo ek sou hy weet, sy lewe was die moeite werd.
-
Ag dis so mooi. Eendag is eendag dan gaan ons dit ook kom waardeer. Dankie vir die deel Ans.
-
'n Sonsopkoms vanuit my voordeur.
-
As ons meer tyd gehad het kon ons maklik die pad verby gehou het reguit plaas toe! Ek droom maar net drome, 'n mens mag mos maar!
Dit is baie mooi.
-
Lieffffflik!!
-
Dit is hoe dit in die Mampoer valei lyk as die wolke na ons aangerol kom, as ons in die ry staan vir 'n moontlike bietjie reën.
-
Pragtig. Ons het vanaand 'n stort buitjie gekry. Net genoeg om 'n lafenis te bring. More sal ek maar weer tuin water gee.
-
So mooi. Ek het oor die naweek net weer besef dat elke plek sy eie mooi het.
-
Dit is waar ja. Ek was al op mooi plekke, en elke plek het sy eie tipe mooi. Ek hou van berge watervalle en riviere, maar die plat karoo en die see hou sy eie bekoring in. 'n Mens moet net dit raaksien. Hier word die perde aangejaag huis toe vir hulle dip teen borsluise, en 'n Perdedag op 'n plaas in die omgewing.
-
Die paadjie lyk so mooi met die groen gras.
-
Een van die kranse op ons plaas wat ek met julle wil deel. Ongelukkig kan ek nie stap tot daar nie, die tyd is bietjie min as ek gaan stap, as ek dit moet doen sal ek vir seker donker by die huis aankom. Ons gaan kamp party sondae daar, maak kos daar en verkeer maar net rustig. Nuwe jaar sit ons daar tot ou aand toe voor ons huis toe gaan.
-
Dit is pragtig. Ek sou wat wou gee om dit te deel, op voorwaarde ek kan daarheen ry. Ek is bly jy is weer uit en tuis en by die huis.
-
Ek sal my man ompraat om jou me sy noagbakkie soontoe te vat.
-
Dit klink gevaarlik! :icon_biggrin:
-
Dan moet jy maar saam met my stap vriendin! Of dit of die Noagbakkie
-
Ek sal die Noagbakkie vat dankie, dan is ek eerste daar! :icon_biggrin:
-
Hie hie dan kan jy solank die koffetjie regkry, ek hoop jy bak beskuit, ek nie 'n huisvrou nie!
-
Dit maak twee van ons, ek koop dit by die tuisnywerheid. :icon_biggrin: Sal liewers 'n morg mielies plant. :icon_biggrin:
-
Ja daai tannies kan vir jou lekker beskuit bak. Maar ek wonder of hulle kan stap en die natuur geniet? Ek kan darem lekker koffie brou!
-
Ek is mal oor lekker sterk boeretroos, swart en sonder suiker asseblief. :icon_biggrin:
-
Wil julle net so 'n bietjie jaloers maak. Dit is vrydag en ek is op die plaas en dit is hoe ons ou plasie my groet as ek tuis kom
-
Ek is baie jaloers hoor. Dit kan net lekker wees. Ans, ek weet nie wanneer nie, maar eendag is eendag dan kom kuier ek vir jou op die plaas. Net 'n om stukkie van daardie rustigheid in te drink.
-
Ek wag vir jou PM
-
Wil net vir julle wys hoe 'n sonsopkoms voor die winter lyk in die mampoer vallei
-
Pragtig.
-
Dis "viskikik" mooi Ansie. Baie dankie dat jy dit met ons gedeel het. Toe ek die foto groter maak toe klap daardie pragtige gekleurde wolke my teen die hart. :hello2:
-
Jy wat so rond toer moet bAie mooier sonsopkomste as dit sien. Maar die ou mampoer vallei is my hart, als hier is vir mooi wat die natuur aanbetref.
-
Dit is so, ons sien baie, maar elkeen is uniek en ek lief elkeen, al is dit net 'n kleurtjie in die lug.
-
Jy is baie stil Ansie. Wat doen jy dat ons jou nie hoor of sien nie?
-
Behalwe dat die griep my vir twee maande plat gehad het, is ek nou besig om my "hoe noem julle dit?" Autobiografie te skryf. Ek was halfpad met hom toe ek eendag iets raaklees, 'n gebed, toe besef ek, ek is op die verkeerde pad met die boek. Dit is toe dat ek alles delete, en van voor af begin. Ek skryf nou so ek dink as mense my op straat sien sien hulle net hoe die alfabet by my ore uit spiraal. Jy was self ook maar stil. Hoe was julle Vryburg trippie toe gewees?
-
Ons het besluit om eers 'n paar dae te rus. Was in Marloth Park vir 10 dae en toe gaan kuier ons by Hannes se sus in Leeupoort.
Ons is besig met die finale houtwerk in die huis en dan is daar 'n boel goed wat agterwege gebly het wat ons op datum moet kry.
Hannes is hierdie week op 'n noodhulpkursus. Eskom vereis dit nou van alle konsultante. Dan wil ons nog 'n paar dae leegle, e met 'n kappie op. :icon_biggrin:
Die griep het ook gedink ek sal my wat verbeel as hy by my verbygaan, maar nou gaan dit baie beter.
Die boek hou my vreeslik besig. Dit is nou op die puntjie om drukkers toe te gaan.
Hierdie keer nommer ek die bladsye en tot my skok het ek agtergekom dat 80% van die nommers verdwaal geraak het in die kleure. Ek is nou besig om dit een vir een aan te pas sodat dit leesbaar is.
Ons vier vandag ons 1ste vloedverjaarsdag. Dit was laasjaar die 26ste toe ons lewens drasties verander het. Die berg se versekering baklei nog oor wie se skuld dit was dat daardie 20 miljoen liter water en 10 ton modder en klippe daar van bo van die berg af gekom het.
Verder gaan dit goed en ons kan nie kla nie. Dit is heerlik om by my eie kaia te wees. :love7:
-
Bly om te hoor dit gaan goed en jy is weer aan die gang. Iewers a long the line het ek die vloed storie gemis. Jy sal moet vertel vriendin.
-
Dis 'n lang storie. Ek sal dit in my eie plekkie gaan plaas sodra ek 'n tydjie kry.
-
ek kyk uit daarna
-
Net om julle weer lekker jaloers te maak.
-
Nog so 'n ou enetjie.
-
:hello2: So mooi!
-
Baie dankie vir die deel Ans. Jy maak my baie jaloers hoor!
Ek is bly om te sien dit gaan beter met jou.
Ek het toe die eisbeintjie probeer, dit was heerlik, baie dankie vir jou raad.
-
Het dit toe uitgekom soos jy dit wou gehad het?
-
Die vel wou nie kraak nie, maar ek reken dit is van die gerokery. Aartappels, wortels en uie in groot stukke gesny, het saam met die coke gekook tot amper sag en dit saam in die oond gedruk. Sustertjie, dit was koningskos. :hello2:
Al wat ek daar in die bos gehad het was 'n soet-suursousie uit 'n bottel. Het jy dalk 'n reseppie van hoe jy dit maak?
-
Ja gewoonlik maak die gerokery die vel te sag. Ek is natuurlik nie baie lief vir gerookte kosse nie, hoewel dit manlief se beroep is, as 'n mens dit so mag noem. Hy maak van Eisbein tot kabbenoisies, tot salamies alles van wild.
Suursous om self te maak. Ek gaan nie hoeveelhede noem nie, jy moet toets tot dit vir jou reg is. Chutney (maak nie saak watter maak jy vat nie) appelkooskonfyt, asyn, pynappel, (jy kan net die sous gebruik maar is vir my lekker as jy die crushed pynappel gebruik), gemmer, en 'n bietjie sout, en water om mee te verdun. Ek is 'n kerrie mens, maar kerrie vir smaak nie kerrie vir brand nie, jy kan dan 'n telepel matige kerriepoeier bygooi. En as jy die spulletjie gemeng het proe jy dit en jy maak hom soet na smaak met bruin suiker.
En Sussa as jy lekker vet briskit (o gonna ek weet nie of daai spelling reg is nie! maar jy sal weet), het, en jy het 'n swart pot sonder pote, dan pak jy daai vleisie saam met 'n aartappeltjie daarin, en jy gooi hierdie sousie bo oor, en jy sit jou oond op 160 grade, en jy vergeet vir drie ure van daardie pot. Sorg net dat jou vleis en aartappels onder die sous le as die sous te min is gooi water by tot alles toe is. Mmmmm. Ai togggie. Lekker eet.
-
Baie dankie Ans, dit voel werklik of ek daar by jou oppie plaas kuier. Manlief is mal oor briskit, ek sal dit beslis probeer.
Dit is ook wat heerlik is van die forum, ek hoef nooit reseppies af te skryf nie, dit is sommer net hier. Dankie dat jy dit deel, ek sal dit sommer by resepte ook gaan plaas. :love7:
-
Alles reg so. Ek stem saam met jou manlief daardie briskit is heerlik.
-
Ons braai plekkie in die somer na die Augustus winde gewaai het.
-
O dis pragtig Ans. Dankie vir die deel matertjie. 'n Mens kan werklik ure daar deurbring.
-
Hierdie pot het ons op ons plaas in 'n klipkraalmuur ontdek. Hy was toegebou toe ons hom die eerste keer gekry het. Die vee trekkers het vroeër jare mielies of koring daarin gebere om te eet as hulle met hulle vee daar oornag het. Die bobbejane het die muur nou al so beskadig ek gaan nou maar die pot uithaal en dit by my huis kom bewaar.
-
Sjoe, dis super interessant, Ans.
Sou hulle dit daar weggesteek het tot die volgende keer as hulle daar verbykom?
Goed dat jy dit bewaar.
-
Wow! Wat lê nog daar verskuil? Dit is so interessant, ek stem saam met Els.
-
Dit is werklik besonders.
-
Die kraalmure word met leiklippe gepak en dan word die pot in 'n opening gesit amper heel bo op die muur. 'n Paar leiklippe word dan bo op die pot gepak om die pot te versteek. Daar is spesifiek vir die vee trekkers kos daarin gelos. Wie dit gedoen het weet ek nie. Maar die kos was vir hulle bedoel en hulle het geweet van die versteekte pot. Die pot is maar net versteek sodat dit nie nat moet word as die reen nie.
-
Dit is regtig baie interessant.
-
Daardie pot moet regtig bewaar word. Ek wonder hoe oud dit is? Kan jy skat?
-
Ek gaan terug kom na julle toe wil net eers in my argiewe 'n draai gaan maak.
-
'Seblief.
Wat ek oor wonder: Mag jy die pot jou eiendom maak, in jou besit he?
Sien jy kans om dit aan 'n museum te skenk?
-
Ek glo wat jy op jou eie plaas ontdek behoort seker aan jou? Dit is 'n baie interessante vraag.
-
Jare gelede toe ons die plaas gekoop het was hier novorsing gedoen op die plaas oor al hierdie dinge, hulle het niks gese nie. Die bobbejane verwoes in elk geval nou alles. Ek gaan daardie pot verwyder net om hom te red. Anders word hy stukkend gegooi van die kraarlmuur is daar in elk geval nie veel meer oor nie.
-
Ja beslis, doen dit. Dit is te waardevol om aan die bobbejane se genade oor te laat.
-
Ek stem saam. Hierdie pot hoort in die Mampoer vallei, en as julle hierdie museums sien wat hier is, sal julle verstaan dat ek dit gaan hou. As ek eendag hier weggaan sal ek dit aan iemand skenk wat net so lief is vir hierdie wêreld as wat ek vir dit is. Sodat hier kan bly waar dit hoort.
-
:icon_salut: Dit is 'n uitstekende antwoord. My oom het familiegeskiedenis-dokumente en 'n ou familiebybel aan 'n museum geskenk en toe ons daarna wou gaan kyk het dit net voete gekry. :dontknow:
-
By ons museum het daar blykbaar ook al 'n paar dinge voete gekry. Veral die speelgoed. Dit is jammer, want ek glo dat as jy iets so besonders ontdek wil jy dit graag met ander deel. Dit maak my vies as ek bv. hoor van 'n kunswerk deur 'n meester wat privaat gekoop is en weggebêre word in 'n kluis, maar ek verstaan beslis hoekom jy dit eerder self wil bewaar.
-
:hello2:
Ek stem, sommige mense heg geen, maar geen waarde aan die historiese en nalatenskap van ons voorgeslagte.
So, ons kan hulle in dieselfde kamp jaag as die bobbejane... :headbang:
-
Daar slaan jy die spyker op die kop Els.
-
'n Sonsondergang se strale in my tuin. Dit is so mooi ek moes dit net gou met julle deel.
-
Pragtig. Baie dankie Ans. Nou sien ek waar jy jou inspirasie gekry het vir jou gediggie. Pragtig. Dankie vir die deel Nooi.
-
Groot plesier PM