Die Afrikaanse Forum

Kom skryf saam in jou eie plekkie => Kom deel jou woordwerke => Maruis se plek => Topic started by: Marius on February 21, 2013, 10:30:05 PM

Title: "Sneldicht" gedigte oor verhoudings.
Post by: Marius on February 21, 2013, 10:30:05 PM

Drie afsonderlike "Sneldicht" gedigte oor verhoudings.

(sonder titel III)

Jou lyf my lief, is Rubicon,
my visum onbeperk,
jou vonkel, ewig horison
die weg in braille gemerk.


(sonder titel II)

My woorde, soos water,
vervorm tot jou verwysing,
verraai ons vermoeë,
word Hydra - onverslaan.


(sonder titel I)

Ek wil vir jou dig in regte woorde
maar my dogma dra Ahasveros se kleed,
en daar leef en sterf ek,
en daar leef en sterf ek.


Kopiereg Marius Buys 2013

Title: Re: (sonder titel III) - sneldicht
Post by: PM on February 22, 2013, 05:15:40 AM

Baie mooi geskryf Marius.  Dankie vir die deel. 

Title: Re: (sonder titel III) - sneldicht
Post by: Fransi on February 22, 2013, 08:02:00 AM

" The die is cast" :-)

Besonders geskryf. Dit lees ongelooflik lekker.

Title: Re: (sonder titel III) - sneldicht
Post by: Marius on February 22, 2013, 09:19:06 AM

(Dit is makliker om die fisieke intieme grens in 'n verhouding oor te steek, as om intieme insig te verkry in wat jou maat werklik gelukkig en opgewonde maak, en is inteendeel, 'n lewenslange soektog met rigtingwysers in' n onbekende taal wat jy letterlik op aanvoelingl moet aanleer. Braille word geleesdeurdat die leser iemand anders se gedagtes lees deur fisies in kontak daarmee te bly en ek wil n gelyk trek met die liggaam, die kop en hart wat gelukkig gehou moet word)

Title: Re: (sonder titel III) - sneldicht
Post by: Fransi on February 22, 2013, 09:30:30 AM

Baie waar.

Title: Re: (sonder titel III) - sneldicht
Post by: PM on February 22, 2013, 09:32:10 AM

Deurdat 'n mens braille met jou vingers lees, het die "fisiese gevoel" duidelik na vore gekom.  Dit is wel kort en bondig maar spreek boekdele.  

Title: Re: Drie afsonderlike "Sneldicht" gedigte oor verhoudings.
Post by: Marius on February 22, 2013, 12:17:53 PM

Sien asb die eerste plasing vir die wat ek bygevoeg het. Om elkeen afsonderlik te plaas is onnodig.

Title: Re: Drie afsonderlike "Sneldicht" gedigte oor verhoudings.
Post by: PM on February 22, 2013, 01:37:08 PM

Ek dink daar is 'n potloodskets van Rembrandt in die Louvre in Parys waar Esther aan die heer Ahasveros voorgestel is. 

Goeie werk Marius.  Regtig mooi geskryf. 

Title: Re: "Sneldicht" gedigte oor verhoudings.
Post by: Marius on February 22, 2013, 01:38:37 PM

Oe! daai ene is n moet google. Dankie en dankie.

Title: Re: "Sneldicht" gedigte oor verhoudings.
Post by: Marius on February 22, 2013, 01:56:52 PM

Daar is 'n hele paar en self skilderye.

http://www.artbible.info/art/large/94.html

Title: Re: "Sneldicht" gedigte oor verhoudings.
Post by: PM on February 22, 2013, 02:02:54 PM

Die een waarvan ek praat is die heel eerste skyfie.  Dankie Marius.