Die Afrikaanse Forum

Kom skryf saam in jou eie plekkie => Kom deel jou woordwerke => Maruis se plek => Topic started by: Marius on February 21, 2013, 10:26:06 PM

Title: Stilte
Post by: Marius on February 21, 2013, 10:26:06 PM

Stilte

Laataand jazz
filter deur
die ruis van reën
en straatligte skakeer vertrekke
in donker art nevoux kubisse.
My hart
pols rustig-ritmies
in tandem
met die pendel-suis
van asem -
longe toe en terug.
Veraf
vrablaf 'n hond opsoek na 'n langafstand geselskap
en my bed
kreun
as ek van sy verwissel.
Gate in die geute allouette-minjouette
in kontradruppel
en 'n kasplank knet as die nag se koue dit laat
krimp.
Alleenloop het sy voordele as jy die enorme
stilte
kan waardeer. . .

Kopiereg Marius Buys 2012

Title: Re: Stilte
Post by: PM on February 22, 2013, 08:00:09 AM

Sover is hierdie my gunsteling.  Baie mooi geskryf.   :notworthy:
Jy weet natuurlik nog nie dat ons 'n woorddief hier het wat deur die lyne wandel en dit dan gaps vir ons boekie van woorde nie.  Sy is net 'n bietjie weg vir die naweek. 

Title: Re: Stilte
Post by: Fransi on February 22, 2013, 08:05:48 AM

Ongelooflike skep van atmosfeer. Besonders geskryf.