Die Afrikaanse Forum

Kom skryf saam in jou eie plekkie => Kom deel jou woordwerke => Gawelina se plek => Topic started by: Gawelina on February 04, 2013, 10:30:12 PM

Title: Môre van hoop
Post by: Gawelina on February 04, 2013, 10:30:12 PM

Ek dwaal vandag weer
deur  labarinte van my hart,
soek na verslete blaaie
uit lank vergete  joernale.

Selfs in donkerste hoekies
krap ek stukkies uit,
en sit hul versigtig
by herwinbaar neer.
Die eerste sonstraal
sal 'n nuwe môre
daaruit baar.

Elke leë belofte
skud ek in die wind,
sit al die eensaam nagte
netjies in 'n sloop.
Pleister toe die krake,
grendel lendelam deure,
'n wag met swaard en stok
bewaak elke poort en gat

Dis skoon hierbinne,
geen rommel lê meer rond
als gereed vir 'n nuwe môre,
een van liefde en van hoop.

Title: Re: Môre van hoop
Post by: adele on February 04, 2013, 11:23:57 PM

pragtig gedig. ekke pak sommer 'n stukkie hoop vir my ook in.

 :grommit: 

Title: Re: Môre van hoop
Post by: Fransi on February 05, 2013, 12:08:34 AM

So mooi. Pragtig.

Title: Re: Môre van hoop
Post by: PM on February 05, 2013, 03:09:36 AM

Ek lief die metrum in jou gedig Gawie.  Dit is soos 'n boodjie wat op die water klots.  Die halfrym wat jy toepas voltooi die deuntjie. 

Title: Re: Môre van hoop
Post by: Meraai vannie Baai on February 05, 2013, 04:24:44 AM

Pragtig Gawie!!  :love7: :notworthy:

Title: Re: Môre van hoop
Post by: Ah Willa on February 05, 2013, 10:16:56 AM

hoop het nogal altyd vir my pragtig gesing,
ook hier in jou mooi skoonmaak gedig wat gereed maak vir more se liefde en hoop