Die Afrikaanse Forum

Kom skryf saam in jou eie plekkie => Kom deel jou woordwerke => Naas se plek => Topic started by: Naas on May 23, 2011, 08:32:14 PM

Title: Distrik 6
Post by: Naas on May 23, 2011, 08:32:14 PM

Soos kunstig vlinder vlerke
los jy vlugtig kleurvol spore
in die harte van jou mense

Van vervlenter kaalvoet klonkie
wat vrolik sing in die reën
tot hartseer uitset woede
was op jou verhoog gespeel.

Eenheid in die reënboog
van jou vlietende bestaan.
Skilder jy die toekomspad
waarop jou nuwe land sou gaan?

Kortstondig was jou vlinderspore
soos trane oor die wang
maar diep getrap in seer onthou
lê jy nog in lief en leed vasgevang.

Sal daar eendag uit die seer-oogvlek
teen tafelberg se hang
‘n nuwe vlinderdrama
Uit die rommel op kan staan?


 :icon_bigsmurf:

Title: Re: Distrik 6
Post by: PM on May 24, 2011, 09:39:43 AM

Gevoelvol skep jy die beelde en die emosies Naas.  Dit is uitstekend! 

Title: Re: Distrik 6
Post by: Naas on November 02, 2015, 02:00:36 PM

Snaaks. Hierdie was vir my een van my better gedigte en net een komtaar.



 :icon_bigsmurf:

Title: Re: Distrik 6
Post by: Meraai vannie Baai on November 02, 2015, 10:45:09 PM

As jy nie hier kommentaar kom lewer het Naas, het ek dit helemal gemis  :crybaby2:

Title: Re: Distrik 6
Post by: Marinda Kemp on November 17, 2015, 02:22:43 PM

Ek hoor en ruik die Kaap. Hou van jou gedigte.

Title: Re: Distrik 6
Post by: PM on December 09, 2015, 09:09:20 AM

As ek dit nie mis het nie Naas, is hierdie mooie gedig van jou ook in 'n ander gleuf geplaas.  Ek sal bietjie gaan loer.