Die Afrikaanse Forum

Kom skryf saam in jou eie plekkie => Kom deel jou woordwerke => Gawelina se plek => Topic started by: Gawelina on December 09, 2012, 12:10:24 PM

Title: moeg gewag
Post by: Gawelina on December 09, 2012, 12:10:24 PM

Jy kyk na my met 'n blinde oog
sien jy 'n ander beeld
as jy na my trane staar?
Ek roep jou naam van die hoogste krans
hoor jy iemand anders
met jou dowe oor?

Ek's moeg gevra, gesmeek, gewag
moeg gehoop, gedroom, gesnik
ek soek iemand om lief te hê,
iemand wat nie bang is
om dit terug te gee

Ek moet die grot verlaat
'n rots daarvoor laat rol
vir oulaas 'n teug
uit die bergstrrom drink,
'n laaste eggo uitroep gee

Ek's moeg gevra, gesmeek, gewag
moeg gehoop, gedroom, gesnik
ek soek iemand om lief te hê,
iemand wat nie bang is
om dit terug te gee

Title: Re: moeg gewag
Post by: Meraai vannie Baai on December 10, 2012, 01:17:28 AM

Ek lief die versherhaling!

Title: Re: moeg gewag
Post by: Gawelina on December 17, 2012, 10:35:06 AM

Ek het verander hieraan

Moeg gewag
 
hy kyk met 'n blinde oog,
sien 'n ander beeld
in die trane op haar wang,
hoor met 'n dowe oor
haar uitroep van die hoogste krans

 
moeg gevra, gesmeek, gewag
moeg gehoop, gedroom, gesnik

gesoek: iemand om lief te hê,
iemand wat nie bang is
om dit terug te gee

Title: Re: moeg gewag
Post by: Naas on December 17, 2012, 11:04:29 AM

Beide is vir my vol emosies mooi.




 :icon_bigsmurf:

Title: Re: moeg gewag
Post by: Meraai vannie Baai on December 17, 2012, 11:32:40 AM

Ek lief die eerste ene meeste, seker oor ek hom eerste onder oge gehad het, en die lyne in my hart gekruip het vir ewig :love7:

Title: Re: moeg gewag
Post by: PM on December 18, 2012, 11:06:19 AM

Die eerste een is vir my so persoonlik in die eerste persoon geskryf, ek lief dit.
Die herhalende strofe is ook 'n pragtige aanvulling tot die gedig.
Die tweede een is ook goed, kort en kragtig, maar dit dra nie dieselde emosie oor nie.
Die laaste versreël in die eerste strofe wil vir my seg:
-haar hulpkreet van die hoogste kranse af-