Die Afrikaanse Forum

Kom skryf saam in jou eie plekkie => Kom deel jou woordwerke => Gawelina se plek => Topic started by: Gawelina on October 10, 2012, 06:04:36 PM

Title: My offer
Post by: Gawelina on October 10, 2012, 06:04:36 PM

ek stuur vir jou
 'n bees se bulk, 'n skaap se blêr
 en paddas wat hul aandlied kwaak
 in 'n flessie saam gestoor
 
ek bring vir jou
 pronkertjies en rosegeur,
 lentebloeisels en vars nat grond

 in wierookstokkies vasgevang
 
ek wys vir jou
 'n bloedrooi newelwolk
 wat in die eerste sonstraal blink,
 sing saam met 'n goudgeel vink sy vreugdelied
 as hy vroegdag die son kom roep.
 
ek gee vir jou
 my offerliefde in 'n houtkom,
 sit dit saggies
 op jou altaartrappie neer.
 
ek wag vir jou antwoord
 in die fluister van die wind
 wyl luide eggo's van my hart
 jou naam in oormaat roep

Title: Re: My offer
Post by: Fransi on October 11, 2012, 07:20:27 AM

Pragtige offers. So mooi beeldend geskryf.

Title: Re: My offer
Post by: PM on October 11, 2012, 09:27:31 AM

Dit is 'n fees om te lees, my tone krul.  Dankie vir die deel Gawelientjie.  Dit is in jou boek.