Die Afrikaanse Forum

Kom skryf saam in jou eie plekkie => Kom deel jou woordwerke => Louis se plek => Topic started by: Louis on May 19, 2011, 09:19:02 PM

Title: woestynduin
Post by: Louis on May 19, 2011, 09:19:02 PM

Korreltjies woestynsand skerp geslyp
slaan hard en seer hier teen my been

met skreef-ogies tuur ek oor die woestyn uit
sand vloei soos water oor die duine heen

huilend, skreeuend kom die wind hier verby
van swaardra aan die sand op sy rug

sover hy gaan gooi hy sy vrag opsy
in die verte kom hy tot rus, met n sug

die duineveld nog gister bekend
se gelaat is vandag erg geskend

Title: Re: woestynduin
Post by: Angelica on May 20, 2011, 03:56:42 AM

Louis weka... hierdie is 'n wenner.
 :angel8:

Title: Re: woestynduin
Post by: Trapsoetjie on May 20, 2011, 09:13:49 AM

Baie beskrywend, pragtig. Dankie

 :angel12:

Title: Re: woestynduin
Post by: PM on May 20, 2011, 09:52:42 AM

Eendag as ek groot is gaan ek ook so mooi skryf soos julle hoor!   :bootyshake:  Dankie Louis,  dit is baie mooi.  'n Mens moet seker die ervaring hê om die omvang hiervan te besef.  Ek wil graag 'n versreël uithaal,  maar dit is alles ewe mooi.   :hello2:

Title: Re: woestynduin
Post by: adele on May 26, 2011, 07:18:25 PM

so skuif woestynduine met mening onder die winde se aanslag, skitterende werk hierdie. elke waai word so presies beskryf, ek voel daardie seer van die sand teen my bene.

 :grommit:

Title: Re: woestynduin
Post by: Fransi on June 15, 2011, 09:43:56 AM

Ek hou besonder baie van die ritme van die gedig. Baie beskrywend, maar terselfdertyd ook baie simbolies. Goed geskryf.