Die Afrikaanse Forum

Kom skryf saam in jou eie plekkie => Kom deel jou woordwerke => Naas se plek => Topic started by: Naas on May 18, 2011, 08:07:01 PM

Title: Hang Tien!
Post by: Naas on May 18, 2011, 08:07:01 PM

Hang tien

Ritmies trek my arms
lings, regs, lings, regs
die branders in.

Voel die bewing onder my
soos my plank die see in gly,
Lings, regs, lings, regs
Verder, dieper, wagtend.

Dan staan hy voor my op,
hy is perfek vir my.
Ek draai my plank en wag vir hom.

Voel die plank se stert wat lig.
Een, twee, drie, vier hale met die arms
dan regop op die plank.
Vinniger, afdraend, jagend.

Die spoedwind streel my wange droog,
hare nat, sliertend agterna.
Blitsnel langs die waterwand.

So stootjaag die brander my
teen kop-af dolle vaart.
Op en af ry ek hom
wyl die sand al nader kom.

Skielik gee hy op,
verander in ‘n kalfie en gaan lê
wyl ek stadig strand toe dryf.

Dan draai ek om en
ritmies trek my arms
lings, regs, lings, regs
die branders in.


 :icon_bigsmurf:

Title: Re: Hang Tien!
Post by: Angelica on May 19, 2011, 02:11:38 AM

Jou Titel het my dadelik aan 'Hang Ten' laat dink en daarom branderplankry.
 :angel8:

Title: Re: Hang Tien!
Post by: PM on May 19, 2011, 06:30:05 AM

Dit is uitstekend geskryf Naas.  Ek beleef die hele episode.   :notworthy:

Julle twee kuier liederlik vroeg in die oggend!   :icon_biggrin:

Title: Re: Hang Tien!
Post by: PM on December 09, 2015, 09:19:18 AM

Ek verlang na my mense in die Kaap!