Die Afrikaanse Forum

Kom skryf saam in jou eie plekkie => Kom deel jou woordwerke => Naas se plek => Topic started by: Naas on July 13, 2012, 09:37:50 AM

Title: Die Alleen Ruiter
Post by: Naas on July 13, 2012, 09:37:50 AM

Die alleen Ruiter

Wanneer donker sy swart kombers oor my trek,
rus ek weer my kop op eensaam se kussing
en vaak hardloop weg
om my in alleenheid te los…
alleen vasgevang in gedagtes..,
begeertes…
Is dit die werklikheid
van wees..?
van bestaan..?
van is..?
‘n Smagting na warmte…
Arms omvou…
Nog ‘n lyf…
Soos die ruiter van Skimmelperdpan.
Elke aand maar weer dieselfde galop…
Die galop..,
die galop..,
die eensame galop…
In my kop.
Waarom rus jy nie…
Rus jy nie…
Jou eensame perd..?
Waarom hou jy my elke nag op?
Altyd maar weer die eensame galop…
Die galop…
Die galop…
Die eensame galop
In my kop.


 :icon_bigsmurf:

Title: Re: Die Alleen Ruiter
Post by: Trapsoetjie on July 13, 2012, 10:01:30 AM

Beskryf jy my aande. So goed. Voel of ek weer kan gaan WakkerSlaap.   :hello2:

Baie beskrywend ek hou van die "donker sy swartkombers" en  "Soos die ruiter van Skimmelperdpan."

 :angel12:

Title: Re: Die Alleen Ruiter
Post by: PM on July 14, 2012, 04:21:21 PM

Welkom matertjie, ek dag jy het die aarde verlaat en sit bo in 'n boom!
Jou gedig roep so galoppende aan my hartsnare; kan nie help om eers die emosie te voel en dan komtaartjie te los nie.  Alhoewel ek nie veel van liedjieskryf weet nie, glip daar 'n deuntjie oor my kitaarsnare en wens ek, ek kon dit opneem en deel.  Dit is goed geskryf, ek hou daarvan.

Title: Re: Die Alleen Ruiter
Post by: Ah Willa on July 21, 2012, 12:39:02 AM

die galop in my kop ... jy mag maar Naas ... jy mag maar

dis 'n flippen mooi gedig

Title: Re: Die Alleen Ruiter
Post by: Meraai vannie Baai on August 17, 2012, 12:33:40 AM

Ek stem saam, hierdie is PUIK lirieke  :love7: Trappies se 'wakkerslaap' en Naas se galop...galop weerklink ritmies tot in my vingerpunte waar akkoorde gillend stoei vir 'n plek  :hello2: :notworthy:

Title: Re: Die Alleen Ruiter
Post by: PM on August 17, 2012, 08:06:42 AM

Dit is tyd dat jy 'n skelmpie kry Naas.   :icon_biggrin:

Title: Re: Die Alleen Ruiter
Post by: Naas on March 31, 2015, 12:10:54 PM

Ek het een maar sy weet dit nie.

 :icon_bigsmurf:

Title: Re: Die Alleen Ruiter
Post by: PM on April 14, 2015, 09:44:08 AM

Ek geniet vanoggend die "weerlees".  Dit neem my gedagtes terug na die wonderlike samesyn in die Kaap.

Title: Re: Die Alleen Ruiter
Post by: Naas on September 14, 2015, 02:27:23 PM

Deesdae ry ek weer die perd bloots. My skelmpie het my gelos toe sy hoor ek is getroud.



 :icon_bigsmurf:

Title: Re: Die Alleen Ruiter
Post by: PM on September 15, 2015, 12:57:13 PM

Eish!  Shame!  of nie?  Het ek nie laas gehoor dat jy van "getroud wees" beskuldig was waarvan jy niks kon onthou nie?

Title: Re: Die Alleen Ruiter
Post by: Naas on September 15, 2015, 01:02:20 PM

Dis my vrou wat die rumour versprei dat ek getroud is.



 :icon_bigsmurf:

Title: Re: Die Alleen Ruiter
Post by: PM on September 15, 2015, 01:06:06 PM

Wat 'n remoer van 'n rumour.  Dagvaar haar! 

Title: Re: Die Alleen Ruiter
Post by: Marinda Kemp on November 17, 2015, 02:24:50 PM

Die Ruiter van Skimmelperdpan is een van my geliefkoosde gedigte.

Title: Re: Die Alleen Ruiter
Post by: PM on December 09, 2015, 08:27:35 AM

Marinda, dit is  "nuwe lede" wat die forum weer lewe gee en al "die ou koeie uit die sloot uit grou". 
Lekker verby om weer te lees Naas.

Title: Re: Die Alleen Ruiter
Post by: Anastasia on May 27, 2018, 09:58:02 PM

'Wanneer donker sy swart kombers oor my trek,
rus ek weer my kop op eensaam se kussing'

Wat kan ek meer sê?  Is maar goed, Naas.  Is maar bleddie goed!

Title: Re: Die Alleen Ruiter
Post by: PM on June 20, 2018, 07:04:49 AM

Hierdie laaste twee weke was ook vreeslik eensaam vir my.  Hou tog duime vas dat my ander helfte gou weer saam met my is.

Title: Re: Die Alleen Ruiter
Post by: Naas on June 20, 2018, 09:57:36 AM

Hoe gaan dit met Oom Hannes?



 :icon_bigsmurf:

Title: Re: Die Alleen Ruiter
Post by: PM on June 20, 2018, 01:41:37 PM

Ek kom nou van die hospitaal af.  Hy is nog in ICU.  Moet nog 'n eenheid bloed kry.  Ons wag vir die uitslag van nog bloedtoetse.  Dit is beter dat die dokter 100 seker is dat hy OK is. 

Ek gaan weer 3 uur.

Title: Re: Die Alleen Ruiter
Post by: Anastasia on June 20, 2018, 01:56:09 PM

PM, jammer om te hoor jou man is siek.  Ek dink aan julle

Title: Re: Die Alleen Ruiter
Post by: Meraai vannie Baai on July 01, 2018, 10:06:35 AM

Wonder ek hoe dit nou gaan met Hannes en ook met jou PM. Die kommer wanneer ons maat aan die sy ernstig siek raak is pure hel. Dink aan julle  :love7:

Title: Re: Die Alleen Ruiter
Post by: PM on July 01, 2018, 06:13:00 PM

Dankie matertjies.  Ek het ge-antwoord dat dit nou goed gaan.  Lief julle!