Die Afrikaanse Forum

Kom skryf saam in jou eie plekkie => Kom deel jou woordwerke => Gawelina se plek => Topic started by: Gawelina on May 30, 2012, 10:26:36 PM

Title: as drome sterf
Post by: Gawelina on May 30, 2012, 10:26:36 PM

blouswart wolke het die son verduister
wyl 'n hadida verskrik  sy smartkreet gee,
stilte het skielik moedeloos gesug
en stomheid soos 'n kleed om my skouer drapeer
die dag toe my drome sterf.

kop omhoog sal ek vorentoe stap
nuwe drome bou op die braakland van my hart
vir jou sal ek 'n rooi roos plant
en vrede met 'n wit duif stuur
want liefde gaan nie dood
die dag as drome sterf

Title: Re: as drome sterf
Post by: Angelica on May 31, 2012, 05:40:32 AM

Pragtig, Gawie.

Title: Re: as drome sterf
Post by: Meraai vannie Baai on May 31, 2012, 06:03:28 AM

Amen Angelica!

Title: Re: as drome sterf
Post by: Naas on May 31, 2012, 08:52:51 AM

Goeiste vriendin, kry Naas nou hoendervleis op sy ganspuisies (Goospimples) Dir is vir my ongelooflik mooi.
Jy het my hart geraak met die een. Dankie.




 :icon_bigsmurf:

Title: Re: as drome sterf
Post by: Ah Willa on May 31, 2012, 03:40:53 PM

Naas myse hoendervleis het ook ganspuisies gekry ... jo!!

en die is vir my die lekkerste toffie: "en stomheid soos 'n kleed om my skouer drapeer"

pragtig!

Title: Re: as drome sterf
Post by: Gawelina on May 31, 2012, 10:46:17 PM

Baie dankie aan almal. Ek het so bietjie geskaaf. Dalk lees dit nou beter.

blouswart wolke, son verduister,
'n hadida se smartkreet
en stilte wat moedeloos sug
stomheid vou sy kleed om my skouer
en ek sien my drome sterf

kop omhoog stap ek vorentoe
bou nuwe drome op braakland van my hart
vir jou plant ek 'n bloedrooi roos,
stuur vrede met 'n spierwit duif,
want liefde gaan nie dood
die dag as drome sterf

Title: Re: as drome sterf
Post by: adele on June 01, 2012, 12:20:39 AM

baie baie mooi... :hello2:   

 :grommit:

Title: Re: as drome sterf
Post by: PM on June 01, 2012, 05:47:19 AM

Ons het lanklaas iets uit jou pen gesien Gawie.  Dankie vir die pragstuk.