Die Afrikaanse Forum

Kom skryf saam in jou eie plekkie => Kom deel jou woordwerke => PM se plek => Topic started by: PM on May 03, 2012, 11:19:40 AM

Title: Doolhof
Post by: PM on May 03, 2012, 11:19:40 AM

wyl ek ploeter deur die donker woud
met die pes aan die punt van my staf
geknoop deur ʼn vrag vol wrokkigheid
en al die vrae sonder antwoorde
hang die klam muf van verrotting
soos kanker, vermoeiend in die lug

misnoegd met die worstelstryd
die bitter wat my oorweldig
die ongeluk wat ek om my saai
al die hartseer wat dit meebring
sak ek verdrietig op my knieë neer
smagtend na die gawe van vergifnis

die gefladder van die wit duif
laat my opkyk en ek hoor:
keer terug     laat die gemors net hier
dit is nie jou bondel wat jy dra nie
elke ou betaal vir sy eie sonde
en jou skuld is reeds gedelg

sonstrepe dans deur die lowerdak
ek kry weer nuwe moed en krag
die tred in my stap word flink
met ʼn wandelstaf wat swaai
stap ek uit op die spierwit strand
en ek weet     ek is tuis

Title: Re: Doolhof
Post by: Meraai vannie Baai on May 04, 2012, 12:28:43 AM

Vyfster kaalvoetgedig   :hello2: :notworthy: :icon_salut: en weereens is die tipografiese witspasie perrrrfek PM.
Hierdie ene is 'n moet vir boek 2!!!

Title: Re: Doolhof
Post by: PM on May 04, 2012, 05:54:46 AM

Dankie Raaitjie, ek het lank gebeitel aan hierdie een en was steeds baie onseker toe ek dit geplaas het.  Daar is ook 'n perfekte prentjie wat daarby pas, maar dalk bring iemand vir my 'n beter idee, of 'n eie kunswerk, wat ek daarby kan gebruik. 

Title: Re: Doolhof
Post by: Ah Willa on May 09, 2012, 09:02:38 PM

ek's stom geslaan - wind uit my seile uit ... maar ek het so bietjei gaan skep ...

dalk nie helemal die gevoel wat jy wil weergee nie, maar wat dit by my kom anker het ...

klik maar op die prentjie om my binneste oor jou mooi gedig te kan sien ....

Title: Re: Doolhof
Post by: PM on May 10, 2012, 07:22:57 AM

WOW Willa!  Dit is treffend!  Ek is eintlik te bang om daarna te kyk, dit lyk te werklik en die kontras van die blommetjie daarby spreek ook boekdele. 

Title: Re: Doolhof
Post by: Meraai vannie Baai on May 11, 2012, 01:50:07 AM

Dit is 'n blywende, perfekte kombinasie so. Willa jy het beslis 'n aanvoeling vir hierdie soort van ekphrasis woordkuns  :notworthy: :icon_salut:  :book1: PM jou woorde is sooooooo mooi  :love7:

Title: Re: Doolhof
Post by: PM on May 11, 2012, 08:07:52 AM

Willa, kan jy vir my verduidelik hoe kry jy die swart agtergrond by die woorde, asseblief. 

Title: Re: Doolhof
Post by: Ah Willa on May 11, 2012, 12:16:47 PM

as jy hier onder is dan wys ek jou hoe om The Gimp te gebruik - hierdie was toevallig 'n royality free grunge wat ek gebruik het - maar ons kan dit self ook skep met the Gimp 

http://www.gimp.org/

Dis soos Adobe / Photoshop - maar 'n open source program en dus gratis ... dit is beskikbaar vir Window's / Linux en Apple Mac platforms - baie oulike program!

Title: Re: Doolhof
Post by: PM on May 11, 2012, 07:31:31 PM

Ai Matertjie, ek hoop ons sien julle een van die dae, maar ek sal eers Maandag weet as ek Maandag al sal weet.  Julle weet hoe dit gaan, ek is die laaste ou wat weet!  :icon_biggrin:
Dit help nie eers ek gaan kyk nie, want ek is te oningelig!

Title: Re: Doolhof
Post by: Ah Willa on May 11, 2012, 08:31:02 PM

Ek hou duime en tone vas dat julle binnekort hier is ...  :wav:

Title: Re: Doolhof
Post by: PM on May 11, 2012, 10:29:52 PM

Ek Myself!  Julle weet nie hoe ek julle mis nie en dan gaan ons WW se telefoonpudding eet!   :icon_biggrin:

Title: Re: Doolhof
Post by: adele on May 12, 2012, 03:32:04 PM

hierdie gedig en skildery skilder mekaar volmaak aan.

 :grommit:

Title: Re: Doolhof
Post by: PM on July 30, 2018, 11:20:23 AM

Ek het die voetspoor van "Tipografiese Wit) gevolg en hier uitgekom.  Ek soek nog!