Die Afrikaanse Forum

Kom skryf saam in jou eie plekkie => Kom deel jou woordwerke => Gawelina se plek => Topic started by: Gawelina on May 11, 2011, 08:11:20 PM

Title: Verlang gedagtes
Post by: Gawelina on May 11, 2011, 08:11:20 PM

wanneer oggendson die rooidag verf
en voëls hom luidkeels groet,
wanneer dou die vroegdag spieël
en ‘n koel kleed om my skouers hang,
huppel-bons verlang-gedagtes
oor  veld en gras en klip
reguit na jou berg se hang

mag hulle daar kom rus, my lief
en uit jou poele drink?
sal jy vir hulle skuiling bied
en teen jou bors vasdruk?
stuur hul vannaand huis toe
met ‘n boodskap van hoop
voor my hart vasys
in my alleen winterlyf?

Title: Re: Verlang gedagtes
Post by: PM on May 12, 2011, 05:50:56 AM

Pragtig Gawie.  Jy skryf so vol verlange. 

Title: Re: Verlang gedagtes
Post by: Trapsoetjie on May 12, 2011, 08:11:37 AM

Dis baie mooi Gawelina, ek is mal oor jou slot...alleen winterlyf.

 :angel12:

Title: Re: Verlang gedagtes
Post by: adele on May 25, 2011, 06:54:11 PM

baie baie mooi vertel, jy het verlange uitsonderlik gemaak.

 :grommit: