Baviaans kaal skoonheid

[PM]

Elsabe, ek plaas hierdie gedig van jou hier in jou eie plekkie.     PM

In winterkaalheid gehul
vorm hul 'n laning van gryse sekerheid
in die gees   wysheid in die natuur
'n rotsvaste stewigheid

In eensame winterstilte  lê Sy skadukolle
 van ontferming
Hy sorg vir tydfases
wat kom en gaan
selfs die môres   geïnspireer
met lowergroen Somer-grassaad-genade

Nagtuur-belonings
gaan in 'n oogwenk verby
vang dus elke oomblik vas
sien raak   al die Goddelike wonderwerke
dit spreek ons aan
wanneer ons telkens
langs die lewenspad verwyl

[adele]

pragtig, dit lees so vol emosie.