Die Afrikaanse Forum
Voorstelle en klagtes => Baie geluk... Baie welkom => Topic started by: PM on July 25, 2016, 09:11:10 AM
-
Marieliefie, ons wil jou graag welkom heet hier by die Afrikaanseforum. Soos jy sal sien is ons heel rustig en deel die groot liefde vir Afrikaans. Voel welkom om enige plek deel te neem.
As jy met iemand op die forum wil kontak maak kan jy net na "My messages" gaan, begin die persoon se naam tik en siedaar, daar gaat jy! :icon_biggrin:
Jy kan hier enige vrae vra en ons help graag. Indien jy 'n antwoord wil plaas kan jy net "reply".
Indien jy graag jou eie plekkie wil hê om van jou eie werk te plaas, kan jy net "skrou" en ek rig vir jou een in.
Nogmaals baie welkom. :love7:
-
Ek wonder hoekom wys hierdie plasing nie. Kom ons kyk of dit nou werk.
-
Hy wys. Ek is baie opgewonde om vir Marieliefie beter te leer ken.
:mumum:
-
Skuus dat ek nou eers hier aangesit kom. Ons was verlede week doer diep in die bos waar daar nie opvangs was nie.
Marieliefie woon hier in Leeupoort. Hier sukkel ons net so met opvangs. Wees net geduldig, sy sal kom draai.
-
Het jy geweet dat jy "home" kan druk en dan afrol tot heelonder, daar sal jy die laaste plasings sien.
-
Dankie! Waardeer. Ek sal vir seker kom kuier.
-
Liewer laat as nooit - kom ek ook aangehaas. Welkom vanuit die buiteland Marieliefie. Sien saam uit na jou inloere en plasings. Welkom in ons midde hoor.
-
Hallo Marieliefie :wave:
-
Dit is tipiese Bosveldweer. Bedags braai ons en vannag word dit ysig koud. Ons woon in die paradys maar hier is skaars 'n blaar wat nog te sê 'n vyeblaar. Die wild kry swaar en die bos smag na reën. Dalk, net dalk reën dit op oom Paul se verjaardag. Wel die 'ou mense' het dit geglo... Lekker slaap nuwe vriende. M
-
Ons grond bars al oop van die droogte. Hoop julle het lekker reentjie gekry in die bosveld Marieliefie. Jy doeks nou heerlik en ek woel al van vier uur vanoggend af. Gaan nou my derde koppietjie koffie by ons kampmaat bedel :coffee2: :icon_biggrin:
-
Hier by ons is dit weer winter - wind en reen. Ek hoop darem die bosveld kry ook 'n paar druppeltjies.
Meraai, ek gaan nou koffie maak :coffee2:
-
Vergewe ons jou drumpel so vol spore trap Marieliefie. Wil darem net vir vrind Anton seg ek het koffie gekry en nou nooi ek sommer vir jou saam na sy erfie hoor. Hy het tee ook as jy teeliefhebber is :coffee2: :hello2:
-
Skuus julle. Ek het so pas daar by Anastasia verskoning gemaak dat ek so skaars is, maar as dit skoolvakansie of langnaweek is staan ons Leeupoorters tot by die hek in 'n ry om die internet te gebruik. Volgende week sal dit weer beter wees.
Dankie dat julle spore trap hier op Marieliefie se erfie matertjies.