Die Afrikaanse Forum
Kom skryf saam in jou eie plekkie => Kom deel jou woordwerke => Adéle se plek => Topic started by: adele on February 10, 2018, 09:13:18 PM
-
in die Grand Canyon vernietig ...
hy huiwer op die walle
van die Grand Canyon
met emosies
onbeheersd
aan die gallop
tot hy vir die winter
van sy lewe
nesskop
in een van die vele grotte
teen die myldiepte afgrond
eeue later
meedoënloos vervolg
vind sy kind hom daar
deur ‘n haat
(vol muggies gevoed)
gun hom geen vrede
geen deel
aan ’n liefde
waarvoor hy alles uit sy verlede
as offer gegee het
vrywillig
gee hy weer mee
en tuimel die rotsdieptes
onder kinds-oorstamphand af,
want tussen die geskenke
uit wyse Hand
Geloof, Hoop en Liefde
bly kindliefde die grootste
die kosbaarste
(selfs buite bloedband)
aan ’n ouer geleen
©adéle theron
-
Dit gee my rillings van lekkerkry. Pragtig geskryf matertjie.