Kom ons maak Boek 3 'n KOOKBOEK...

[Angelica]

Ag toe, 'seblief.
Ons het hordes lekker resepte hier en AB kan vir ons 'n wyn by elke gereg sit.
    

[Meraai vannie Baai]

Jy sal nie glo nie, ek probeer nou al die afgelope twee en 'n biekie jare om een saam te stel. Kinders dit belowe as 'erfenis' want die kis onder die kooi met dollartjies in, toer ons uit soos wafferse 'grys-nomades' al om die ander drie maande 

[Angelica]

Ek het begin met my kookboek, selfs 'n Titel vir die boek...
Ouma aangese om deur haar oer-oue resepte te kyk met staaltjies daarby.  En dit is sover dit kom.
So, ek het nodig dat iemand my gai skop.
Enigiemand??

[Meraai vannie Baai]

Draai bietjie skuins... nog bietjie...   so ja SKOP!!!
Voor jy terugskop, Outop gisteraand na hy deur ons hoekie hier op die forum gegaan het, gese ek moet die resepteboekie maak vir ons 35ste huweliksherdenking. Se ek doodreg my ding. Hak hy af: jy weet dit is nou Saterdag ne?

Laat ek groet   

[PM]

Goeie griet Elle, jy praat nou weer van baie groot werk.   

Kom met voorstelle dat ons daarna kyk.   

[Angelica]

Ek WEET dis groot werk.  Maaaaar...  ons doen net beterder en beterder soos ons vorentoe gaan met boeke.
Ek is versot op C. Louis Leipoldt se 'Kos vir die Kenner'.
Ken julle hom?
Dis oeroue, natuurlik, staaltjies en vertellings met 'resepte' daarby.  Skreeusnaaks. 
Hier volg 'n afval-soppie uit die boek:
Pluimvee-afvalsoep
Gebruik die magies, lewer, hart, nekkies, ens van hoenders, duiwe, eende of enige soort pluimvee.  Maak goed skoon in kokende water en sny in stukkies. Sit in die kastol met die koppies water vir elke koppie afval, twee fyngesnyde uie, 'n bossie tuinkruie en die skil van 'n halwe suurlemoen. Laat mooi kook totdat die vlees sag is. Haal die afval uit en voeg nou 'n paar koppies goeie bouillon (??) by die soep, kook stadig totdat dit tot die helfte verminder is, gooi deur 'n doek, verdik met fynmeel, voeg by twee kelkies sjerriewyn, die sap van 'n suurlemoen en 'n lepeltjie vol worcestersous of ketjap (???). Roer in sout en peper, kook vir 'n paar minute en dien op.
Nog een:
Gebraaide Likkewaan (JA, likkewaan!!):
Likkewaanvlees is soms te kry, maar daar die dier as 'n lekkerny deur die Chinese beskou word, is dit duur.  Soms is daar egter geleentheid om 'n likkewaan op die plaas te skiet, en dan is dit die moeite werk om dit vir die tafel klaar te maak... 
Bid jou dit aan.  Maar as jy krokkedil kan eet, kan jy likkewaan eet.  Seker maar die selle ding.
Wat van :  Skilpad in Aspiekjellie..??
Ek dink dit sal 'n pragboek wees.  Bietjie resepte met baie humor.
 

[Angelica]

Ek sms my boeties (daar is hordes van hulle - nee, nog net vier) en se:  Terwyl julle so besig is met julle dag se dinge, dink bietjie watter gereg of gebak Ma gemaak het doer in die oertyd wat jou nou nog bybly en laat my weet.
Dinge soos Brood en Afval en Kerriebone kom terug na my foontjie. 
Saterdag sit ek vir Ma aan om haar geskrewe resepte-boeke uit te ruk en soek vir reseppies.  Melkterte wat eers jam-terte was en tweede prys gekry het op die skou omdat die kors (mos jam-tert kors...  ) nie reg is nie.  (Of was dit nou Tant Let wat so 'n sonde gepleeg het?) Ewenwel, ons maak groot penmerke by hordes resepte dated back to the '50's.
Nou moet hierdie net uitgesorteer kom...
Julle moenie op jul louere sit nie.  As PM se ons doen, dan moet dit al amper gedoen wees.   

[Angelica]

Voorstelle:

Ek het al byna twee jaar 'n idee (en droom) om ons kinderjare se herinneringe om die tafel in 'n resepteboek te sit.
Boek opgedra aan Ma en elke kind se geliefkoosde geregte aan te bring. Resep en staaltjie rondom dit.
Dit kan 'n heerlike humoristiese strekking he, wel, myne altans.
Soos Johann wat onmiddelik aan rooi jellie en vla dink, maar hy vergeet van daai ryspot wat hy ALTYD gegaps het en dan volroom-melk ingegooi en ge-eet het.  En hy hat ALTYD op 'n Sondag die skaapboud-been gegryp en gaan oopslaan met 'n mes en alleen die murg uitge-eet.
AB kan wyn by elke gereg voorstel.
Lewies kan die vis-geregte doen.
Dit hoef nie weer 'n volkleur te wees, miskien maak dit die boek bietjie duur.
Elkeen het weereens sy eie plekkie.... ens ens ens..
Sien julle kans??

[adele]

heeeerlik, ek sal saamwerk hieraan en hou van daardie wyn-idee. maar moet dit nou nie net vir die hogere mense saamstel nie.
Raaitjie, hoe vorder julle vyf-en-dertigjaarhuweliksherdenkingresepteboekie ... eishhh, lekker gelag hieroor 

[Angelica]

Nou moet ons net vir PM in die hande kry.  Yoooohooooo... is jy daar???

[PM]

Dit klink na 'n heerlike uitdaging Elle.   
As ons praat van 350 gram buitebladpapier is dit R8.50 per buiteblad = A5 = volkleur.
Om 'n A5 boekie te bind is R4.00
A5 per bladsy = wit en swart = 10 sent.
Volkleur werk R1.50 per bladsy.  'n Mens kan 'n paar volkleur bladsye inwerk. 

Wat het ek uitgelaat?

[Angelica]

Dit klink uitstekend, uitvoerbaar, bekostigbaar. Ek like!!!
Ek gaan sommer nou vir Ouma aansit om daai resepte te merk en datums by te sit.
Right...  ek is besig met die volgende boek, BOEK3...

[Angelica]

Weet julle hoeveel geskrewe, amper onleesbaar al, resepte in daardie boeke is? 
En al daardie los papiertjies!!
En hoevell is 1oz??   

[Meraai vannie Baai]

Hiehiehie, ek wens jou allllie sterkte toe met die onze en ponde Elle.
Adele, die resepteboekie begin vorm aanneem. Ek moes eers 'n dubbelsterkte
boeretroos vir my gaan aanslaan na ek weer op sommige van my eie kookkunsfotos
afgekom het lol! Ek kan 'n eier kook dat dit soos 'n rillerkarakter lyk!

 

[PM]

Ha-ha.  Monster Eier. 

[Angelica]

PM,  is daar nog mense wat belangstel om Boek 3 'n Kookboek te maak?
Ek wonder of dit net ek is wat die wille perd wil opsaal.

[Meraai vannie Baai]

Elle ek glo so boek met 'n mens se eie familiegunstelinge sal altyd 'n treffer wees. Maar dit gaan moeilik wees as net jy regtig belangstel vir so iets, om die onkostes te regverdig? Die afgelope twee jaar dreig ek al om vir ons kinders die familie konkoksies in boekvorm te bewaar. Sjieeeee. Weggespring met 'n passie en nou..... het ekke henske taak hierdie kant van die aardbol op hande.

Het al die fotos gelaai vir ons boek, in volgorde met die program van drukkers wat ek altyd gebruik vir ons boeke. Sniksniksniks. Daar is die fotos wat ek op FB gelaai het nou in so klein formaat bewaar dat die program weier om dit te aanvaar. Toe begin ek die reseppies wat ons hier geplaas het op die forum te druk en toe is die formaat waarin ek dit saamgestel het om by fotos te pas weer nie drukkersvriendelik nie. En dit kom ek agter nadat ek deur al ons ink is!! Nou le die spulletjie hier langs my.

Net daar besluit ek, reg - die fotos sal ek uitknip en die resepte gaan ek met die hand oorskryf. Is my Meisiekind amper in trane toe sy dit hoor. Ons gaan vuisslaan oor daai boekie eendag moedertjie vertel sy.Nou gaan ek sorg dat daar so paar koffievlekkies en hier en daar so ou smeerseltjie ook aspris beland vir 'bak-kultuur' en weet my kind gaan elke blaadjie eendag opreg waardeer. Dink nie skoondogters sal regtig die Afrikaanse woorde by meeste van hulle kan ontsyfer nie in alle gevalle lol!

*sal 'n fototjie neem en kom wys - dit sou nooit gewerk het nie  

[Angelica]

Ai jai jai...
Lyk nie of iemand saam met my wil mal raak nie.
Dan maak ek dit maar 'n familie-boek en gee vir elke sib 'n 'eksemplaar'...
Dis koester-goed.

[Meraai vannie Baai]

Ek stem saam. Dis koester-goed. Jy moet sebliefie kom wys Elle!

[adele]

ag grrrrooooooot skuus, Elle... ek gebruik lankal nie meer enige resepteboekies nie ... die alleen wees het my daarvan genees. Nee, ek lieg nou sommer so oopbek ...     dis omdat ek baie min kere regtige etes of teetyd-eetgoed berei en wanneer ek doen, is dit die eenvoudigste bekende reseppies wat lankal lêplek in my vingers-geheue gekry het.    Die finansies het my jare gelede so in die steek gelaat,     dat ek dit nou nog moeilik vind om enige kruideniers ekstra, as die nodigste te koop ....
Maar,ek deel graag dié resepte wat ek het met jou. Sê seblief waarna jy sal wil kyk.   

[Angelica]

Adele,  ek het gedink ons moes weer ons eie 'resepteboek' binne Boek3 he, soos die vorige boeke.
Maar ek verstaan dat dit nie vir almal moontlik is nie.  En die manne sal nie deelneem nie...
So, ek gaan maar my eie ding doen wanneer ek kan.

[Naas]

Wat bedoel jy met die manne? Ek sit wag juis nou vir my rys om te ping voor die beurtkrag kom. Dan kan my gesin lekker potroast en rys kry by kerslig.
Jy moet onthou my vrou is nog steeds 'n nursie. terwyl sy saans portiere skrikmaak moet ek kook.



 

[Angelica]

Whaha....
Wat ek bedoel het, was dat die manne nie hierdie keer sal bydra tot die boek.
Wanneer kom julle weer hierdie kant toe dat ons kan gaan  drink by PnP??
Dalk kom PM en Hannes teen Augustus Kaap toe, dan reel ons weer 'n dans.

[Meraai vannie Baai]

Naas, het jou rys al geping? En wonder ek nou hoe vorder die kookboekdinge Elle?

[PM]

Ek is mal oor die beskrywing "Koestergoed".  Kom ons begin om die "koestergoed" te plaas!  Ek gaan gou 'n plekkie oopmaak terwyl ek 'n strepie opvangs het.   

[Meraai vannie Baai]

Plek geboek vir die 'Koestergoed-afdeling'