« previous next »
Pages: [1]   Go Down

Author Topic: Skuld-trompetter  (Read 2486 times)

0 Members and 1 Guest are viewing this topic.

Offline Naas

  • Hardebaard
  • Posts: 2283
  • Gender: Male
  • K.N.A.P. (Kan Naas Afrikaans Praat of wat?)
Skuld-trompetter
« on: January 29, 2012, 06:10:26 PM »
In die skadu
van die robot
sit sy gatrus wydsbeen.
Leë papierbord
gevul met bedelwoorde
in aasvoëlkloue vasgeknyp.

In die skadu
van die robot
trap my skuldgevoel rem…
Gly my menswees
tot skreeuende stilstand
teen die aanval op my meegevoel.

In die skadu
van die robot
skyn die rykdom deur haar oë.
Wanneer nog ‘n jammerhart
Haar niksdoenbeursie
onverdiend met aalmoes vul.

In die lig
van die robot
val die skille van my geestesoog,
skuif my lewe
weer in eerste rat…
Slaan my lewenslig weer groen.

In die lig
van die robot
los ek my beursie toe,
los ek haar agter,
wyl my skuld-trompetter
gatrus wydsbeen in my skedel verstil.

© Naas

 :icon_bigsmurf:
Logged
Ek is maar net een, maar ek ís een.

Offline Trapsoetjie

  • Regular Members
  • Penkop
  • Posts: 657
  • Taranee, onse Beertjie.
Re: Skuld-trompetter
« Reply #1 on: January 30, 2012, 09:19:30 AM »
Ongelooflik goed geskryf!  :notworthy:

Daai Skuld-trompetter, moet bietjie minder petter, as jy vir almal 'n niks werk aalmoes toe dien, staan jy lang haar by die pilaar en staan jy bekend as  :icon_bigsmurf: die beddelaar.

 :angel12:
Logged

Offline PM

  • Administrator
  • Meester
  • Posts: 10692
  • Gender: Female
Re: Skuld-trompetter
« Reply #2 on: January 30, 2012, 11:26:48 AM »
Pragtig geskryf.  Kry ek kouerillings wat maak dat my gedagtes, in die skadu van die robot, rondomtalie draai.
Logged
Om te weet is om te verstaan.

Offline Fransi

  • Regular Members
  • Melkbaard
  • Posts: 1274
Re: Skuld-trompetter
« Reply #3 on: February 02, 2012, 02:10:58 PM »
 :hello:

Regtig baie goed geskryf.

Ek het al gewonder as 'n mens al die rande wat 'n mens so weggee bymekaar sit, hoeveel dit sal wees en of 'n mens dit dan nie eerder maandeliks vir bv. kinderhuise ens. kan gee nie.
Logged

Offline Lox

  • Regular Members
  • Melkbaard
  • Posts: 757
  • Gender: Male
Re: Skuld-trompetter
« Reply #4 on: February 02, 2012, 07:15:07 PM »
Ons was laas naweek in Somerset wes omgewing. Onder by die Lord Charles verkeerslig staan 'n jongerige wit man met haai siestog plakkaat wat hy vashou, iets van nie werk nie en nie kos nie ens.

Gelukkig? is die lig vir my groen.

Kuier 2 dae later by 'n vriend wat daar naby die plek woon.

Vertel hy:

Een of ander kerk groep het die man daar gaan optel, hom kos gegee, nuwe klere, blyplek gereël, hy kry ontbyt en aandete en 'n werk. Hy het 'n week gewerk.......toe los hy als, sy woonplek, werk die etes als los hy om weer te gaan staan met plakkaat. Die rede: hy verdien meer om te bedel as om te werk.

Logged
wees vriendelik met die boere, hulle sit kos op die tafel.

Offline adele

  • Hardebaard
  • Posts: 1932
  • Gender: Female
  • gryp na môre in klein-klein stukkies
Re: Skuld-trompetter
« Reply #5 on: February 02, 2012, 08:52:37 PM »
sjoe! wat 'n goeie woordskildery, klaar geraam ook.

 :grommit:
Logged
adéle  :grommit:
Pages: [1]   Go Up
« previous next »