Die Afrikaanse Forum

Kom skryf saam in jou eie plekkie => Kom deel jou woordwerke => Naas se plek => Topic started by: Naas on April 18, 2012, 09:00:54 PM

Title: Onthou se doos
Post by: Naas on April 18, 2012, 09:00:54 PM

Diep uit onthou se doos
krap ek die ou lewenspalet
in die oggend van my soek,
die oggend van my alleen.

Ek sien weer die kleure.
Helder staan elke kleur op
en gil die gebeure uit,
diep uit onthou se doos.

Helder ougoud trek drade,
drade muldelik en kwistig
met vreugdekwas geskep,
so krap ek die ou lewenspalet.

Maar ook 'n traan verwater
die vaalgrys van seerkry.
Seerkry wat palet deurmarmer
in die oggend van my soek.

Die oggend van my alleen,
ja, in die oggend van my soek
krap ek die ou lewenspalet
diep uit onthou se doos.


 :icon_bigsmurf:

Title: Re: Onthou se doos
Post by: Meraai vannie Baai on April 18, 2012, 11:26:05 PM

Van dag een af lief ek hierdie tru-verse van jou.  :love7:  As mens na die rigiede struktuur kyk, krap jy kop en wonder hoe gaan die eindproduk lyk? Hier is weer 'n puik voorbeeld en bewys dat daar unieke gedigte geskep word met die strukture beitel  :notworthy: :book1: :icon_salut:

Title: Re: Onthou se doos
Post by: PM on April 19, 2012, 09:34:46 AM

As daar nou 'n struktuur is wat herhaal kan word in die boek is dit hierdie een.  Pragtige voorbeelde Naas.  :icon_salut:

Title: Re: Onthou se doos
Post by: Meraai vannie Baai on April 19, 2012, 09:43:34 AM

Amen! Besliste ja  :book1: :notworthy:

Title: Re: Onthou se doos
Post by: Ah Willa on April 19, 2012, 10:58:36 AM

My kreukelkammer klap hande oor hierdie mooi
my hartkammer voel hierdie mooi se rou
en my bek is stil, die woorde wat wil uitstorm is stom

ek is mal oor hierdie dig en die mooiste van die mooi vir my is:

Die oggend van my alleen,
ja, in die oggend van my soek
krap ek die ou lewenspalet
diep uit onthou se doos.

Title: Re: Onthou se doos
Post by: Fransi on August 30, 2012, 07:28:56 AM

Ek lief hierdie gedig van jou!

Title: Re: Onthou se doos
Post by: Naas on August 30, 2012, 08:51:34 AM

Dankie julle.
Dis my gunsteling struktuur




 :icon_bigsmurf: