Author Topic: My seun se 'speel met woorde'  (Read 2767 times)

0 Members and 1 Guest are viewing this topic.

Offline Anastasia

  • Regular Members
  • Snuiter
  • Posts: 423
  • Gender: Female
  • My taal is Liefde
My seun se 'speel met woorde'
« on: August 18, 2018, 06:06:45 AM »
My seun het die wonderlike vermoë om met woorde te speel, en hulle een vir een in die komieklikste rye te ryg, dat jy jou slap lag. 

Whatsup hy my anderdag:  Watter soort vrug eet 'n towernaar?  Nee, antwoord ek, jy HET my!  Watter vrug eet hy?  Antwoord hy:  Dis 'n Peer!  (Disappear!)

Verlede jaar het ek 'n skeur in my kolon gekry.  Groot moles, want die afvoer materiaal het natuurlik gegaan waar dit einlik niks verloor het nie!  Bo en behalwe die feit dat die oorsaak daarvan ernstig kon wees, soos moontlike kwaadaardigheid wat dit weggevreet het, het 'n groot operasie gewag, met groot ingrypende lewensveranderende gevolge:  dit was 'n uitgemaakte saak dat ek 'n stoma sou kry, en die ongemak en bang daarvan het maar aan my gevreet.

Kom hy een aand van die werk af, en kry my op my bed in 'n bondel aan die huil.  Sit hy sy arm om my en troos:  Ag ma, dis mos nie so erg nie.  Jy is mos al die jare 'n Engelse taalonnie gewees.  Al wat dit behels is dat jou colon nou in 'n semi-colon gaan verander!  Nodeloos om te sê, my glimlag was dadelik terug geplak op my bakkies.

Die operasie was juis geskeduleer vir daardie angswekkende oggend toe ons deur die inbrekers oorval was.  Die hele Bester gesin het toe saam in een saal opgeeindig.  Soms skud ek my kop vir die vreemde storie van my lewe. 

Maar die goeie nuus is, dat ek stoma vry is.  Die dr het 'n hegting gedoen wat 'n 30% kans op sukses gehad het, wat toe 100% suksesvol was! 

Braai hy en sy kollegas een aand.  Hy is 'n geswore oujongkerel van 34.  Vra die een so vir hom met die vleis aanbieding vir sy bord:  Die Wors?  Nee, antwoord my seun.  Ek was nog nooit gedroud nie~ (Divorce)
« Last Edit: August 18, 2018, 07:21:25 PM by Anastasia »
Ek huppel en dans deur die lewe met drie bene!

Offline Naas

  • Hardebaard
  • Posts: 2283
  • Gender: Male
  • K.N.A.P. (Kan Naas Afrikaans Praat of wat?)
Re: My seun se 'speel met woorde'
« Reply #1 on: August 19, 2018, 03:33:13 AM »
Wonder waar hy dit vandaan kry?  :notworthy:



 :icon_bigsmurf:
Ek is maar net een, maar ek ís een.

Offline Meraai vannie Baai

  • Wysgeer
  • Posts: 3662
  • Elke dag aan ons Geskenk, is 'n kosbare voorreg.
Re: My seun se 'speel met woorde'
« Reply #2 on: August 19, 2018, 05:43:54 AM »
Ek lag en vee 'n traan af terselfdertyd. Jou seun klink na 'n moeder se hartspunt mater en sooooooo dankbaar dat jy stoma-vry is!

Offline Anastasia

  • Regular Members
  • Snuiter
  • Posts: 423
  • Gender: Female
  • My taal is Liefde
Re: My seun se 'speel met woorde'
« Reply #3 on: August 19, 2018, 01:46:35 PM »
Ja, nee Naas, die appel val seker nie te vêr van die boom af nie?  Of Dis 'n Peer (dalk?)  hie hie

Meraai, omtrent.  Daardie seun ondersteun sy ma behoorlik.  Maar ons doen na beide kante toe.  Ek is daar vir elke sterkmankompetisie wat hy aan deelneem, en my stem klink luid!  Sorg vir die regte kosse vir die oefenprogram, tel die wasgoed LANGS die wasmandjie  op ens ens.  My man grom baie dis waarom hy nog nie uit die nes gevlieg het nie, ook maar met 'n kamma kwaai gesig.  Daardie kind is ons oudag se vreug en ondersteuning.
Ek huppel en dans deur die lewe met drie bene!

Offline PM

  • Administrator
  • Meester
  • Posts: 10692
  • Gender: Female
Re: My seun se 'speel met woorde'
« Reply #4 on: October 02, 2018, 01:58:53 PM »
Ek is ook bly jy is stoma-vry matertjie.  Hannes was amper daar, maar gelukkig het hy dit ook vrygespring.  (Tot nou toe.)

Dit is wonderlik om so 'n seun te het.  (Buig my knie vir hom.)
Om te weet is om te verstaan.

Offline Anastasia

  • Regular Members
  • Snuiter
  • Posts: 423
  • Gender: Female
  • My taal is Liefde
Re: My seun se 'speel met woorde'
« Reply #5 on: October 04, 2018, 08:04:29 PM »
Hy is sy ma se oudag se goud.  Ek is vreeslik dankbaar vir hom en sy ondersteuning.  Was ook al die pad langs my, en my hospitaal toe geneem, oorgebly en terugbesorg met my laaste hospitaal omswerwinge.  Dit gaan al stukke beter met die ou vrou
Ek huppel en dans deur die lewe met drie bene!

Offline PM

  • Administrator
  • Meester
  • Posts: 10692
  • Gender: Female
Re: My seun se 'speel met woorde'
« Reply #6 on: October 05, 2018, 01:45:31 PM »
Ek is werklik bly om dit te hoor.  (Skuus, dit is skoolvakansie en Leeupoort se kleinkinders kuier die dorp vol, opvangs is skaars en ver uitmekaar.)
Ek weet wat dit is om 'n seun te hê wat soveel beteken.  Ek verruil my Gerhard vir niks in die lewe nie.   :love7:
Om te weet is om te verstaan.