« previous next »
Pages: 1 2 3 [All]   Go Down

Author Topic: Woordgedagtes ....  (Read 9096 times)

0 Members and 1 Guest are viewing this topic.

Offline adele

  • Hardebaard
  • Posts: 1932
  • Gender: Female
  • gryp na môre in klein-klein stukkies
Woordgedagtes ....
« on: January 12, 2017, 08:34:50 PM »
Ons eer met lied en lofgesang
ons Vader wat Lewe gee
na wie ons elke dag verlang

Hy klop-klop weer aan my hart
met vreugde nooi ek Hom in
om te help dra aan swaar en smart

met my hele wese gee ek als aan Hom
om net sy Liefde te ervaar
want Sy genade laat my stom

©adéle theron
« Last Edit: February 21, 2017, 07:27:10 PM by adele »
Logged
adéle  :grommit:

Offline adele

  • Hardebaard
  • Posts: 1932
  • Gender: Female
  • gryp na môre in klein-klein stukkies
Re: Woordgedagtes .... 2
« Reply #1 on: January 12, 2017, 08:37:44 PM »
U breek die brood
 en vyfvissies
dan word dit liefde
wat uitkring en ons voed

Vul dit Mandjies
waaruit ons krummels kan neem
en verder gaan deel
en deel
en deel . . .
liefde wat mense
kan oortuig van U
Getrouheid, Genade en Seën.

©adéle theron
« Last Edit: January 12, 2017, 08:41:34 PM by adele »
Logged
adéle  :grommit:

Offline adele

  • Hardebaard
  • Posts: 1932
  • Gender: Female
  • gryp na môre in klein-klein stukkies
Re: Woordgedagtes .... 3
« Reply #2 on: January 12, 2017, 08:40:38 PM »
Altaarvertroue
 
Abraham het God so vertrou
dat hy 'n altaar van klippe bou;
hy het verseker nie verstaan
hoekom hy Isak moet laat gaan?
 
'n Geloofstoets aan hom gestel,
kon hom wurg tot in 'n hel,
maar aan God egter, al die eer,
Abraham het weer vertrou, soos elke keer!

©adéle theron
Logged
adéle  :grommit:

Offline Meraai vannie Baai

  • Wysgeer
  • Posts: 3662
  • Elke dag aan ons Geskenk, is 'n kosbare voorreg.
Re: Woordgedagtes .... 1
« Reply #3 on: January 18, 2017, 10:50:09 PM »
Wens ek het woorde gehad om jou te kon laat verstaan HOE pragtige voorbeeld jy vir ons is mater. PM lankal dit baie mooi opgesom dat jy vir haar die perfekte voorbeeld is van Christenskap.
Logged

Offline adele

  • Hardebaard
  • Posts: 1932
  • Gender: Female
  • gryp na môre in klein-klein stukkies
Re: Woordgedagtes .... 1
« Reply #4 on: January 19, 2017, 09:15:19 AM »
oh neee, onthou, ek kan net 'n voorbeeld wees as swakste sondige mens met foute en versoekings wat soms onweerstaanbaar is, maar wat wel in Christus se voetspore volg, na die beste van my vermoë met my hand in Syne en onder leiding van die Heilige Gees.
Logged
adéle  :grommit:

Offline PM

  • Administrator
  • Meester
  • Posts: 10692
  • Gender: Female
Re: Woordgedagtes .... 1
« Reply #5 on: January 19, 2017, 08:23:21 PM »
Dit is juis hierdie nederigheid en die pragtige voorbeeld wat jy vir almal om jou stel wat die antwoord is Adele.

Raaitjie, jy moet haar ontmoet en tyd saam met haar spandeer.
Logged
Om te weet is om te verstaan.

Offline Meraai vannie Baai

  • Wysgeer
  • Posts: 3662
  • Elke dag aan ons Geskenk, is 'n kosbare voorreg.
Re: Woordgedagtes .... 1
« Reply #6 on: January 19, 2017, 11:15:05 PM »
Wens ek kon PM. Glo dat ons ure om sou kuier en verryk mekaar groet met 'n regte egte drukkie  :love7:
Logged

Offline adele

  • Hardebaard
  • Posts: 1932
  • Gender: Female
  • gryp na môre in klein-klein stukkies
Re: Woordgedagtes .... 4
« Reply #7 on: February 04, 2017, 10:03:23 PM »
Woordgedagtes 4

Hierdie Pad lei my waar ek moet gaan
en dui aan ons sy Geestelike Rigting aan.
Gebruik dan sy Riglyne aan ons gegee
in sy Woord, die Padkaart van ons lewe.

©adéle theron
Logged
adéle  :grommit:

Offline adele

  • Hardebaard
  • Posts: 1932
  • Gender: Female
  • gryp na môre in klein-klein stukkies
Re: Woordgedagtes .... 5
« Reply #8 on: February 04, 2017, 10:04:33 PM »
Woordgedagtes 5

'n spierwit steentjie
graveer U my naam
'n nuwe naam
U maak my rein
en nuut … geborge
in U ewige liefde
 
Openb 2:17   

©adéle theron
Logged
adéle  :grommit:

Offline adele

  • Hardebaard
  • Posts: 1932
  • Gender: Female
  • gryp na môre in klein-klein stukkies
Re: Woordgedagtes .... 6
« Reply #9 on: February 04, 2017, 10:06:05 PM »
Woordgedagtes 6

‘n Linnelap

U kleed was net 'n linnelap
en die voetpad seker stofgetrap
doelgerig het sy vorentoe gebeur
tussen al die baie mense deur.

Haar vingers het aan
   die soom geraak
      maar haar geloof
          het haar gesond gemaak.
 
                 Matth 9:20 – 21

©adéle theron
Logged
adéle  :grommit:

Offline Meraai vannie Baai

  • Wysgeer
  • Posts: 3662
  • Elke dag aan ons Geskenk, is 'n kosbare voorreg.
Re: Woordgedagtes .... 1
« Reply #10 on: February 05, 2017, 08:51:52 AM »
Pragtig mater. Die rympatroon val sag op die oog en oor.  :notworthy:
Logged

Offline adele

  • Hardebaard
  • Posts: 1932
  • Gender: Female
  • gryp na môre in klein-klein stukkies
Re: Woordgedagtes .... 7
« Reply #11 on: February 05, 2017, 10:46:40 AM »
Woordgedagtes 7

Sy vergifnis
 
Die hand van die man
wat U gaan verraai,
   is by ons aan tafel.
   Wie gaan teen Hom draai?
 
'n Haan moet kraai
voor die son kom groet.
   Gaan ek tot in ewigheid
   vir my verloëning boet?
 
Elkeen van ons wil
suiwer onskuld voorhou,
   maar hoe kan ék 'n graf
   vir al my sondes grou?     
 
Sy oë is sag,
sy stem ruik na bloedsweet-
   “Vergewe hulle, Vader,
     hulle het nie geweet.”

©adéle theron
Logged
adéle  :grommit:

Offline adele

  • Hardebaard
  • Posts: 1932
  • Gender: Female
  • gryp na môre in klein-klein stukkies
Re: Woordgedagtes .... 8
« Reply #12 on: February 05, 2017, 10:51:58 AM »
Woordgedagtes 8

Wie het al verder aan Josef gedink as net sy gesukkel om van Potifar se vrou af weg te kom, daardie tipe mense wat deur valse beskuldigings 'n ander se lewe kan verwoes? Maar deur in God te glo, het ten minste een man waarvan ons weet, beter uit die gemors gekom as wat die vrou ooit kon dink. As mense maar vandag ook wil besef dat valse beskuldigings net jou eie siek binneste verwoes.

Josef
 
Ek dink aan Josef, eensaam,
en wonder oor sy jare verby,
wie het hom ondersteun,
hoe het hy geloof verkry?
 
Ons wil hoort by ‘n groep
om ons gedagtes te help dra,
maar vergeet dat ons
maar net vir Hom kan vra…
 
Gen 40:23
 
Maar die hoof van die skinkers
het nie aan Josef gedink nie;
hy het van Josef vergeet.

©adéle theron
Logged
adéle  :grommit:

Offline adele

  • Hardebaard
  • Posts: 1932
  • Gender: Female
  • gryp na môre in klein-klein stukkies
Re: Woordgedagtes .... 9
« Reply #13 on: February 17, 2017, 11:05:16 PM »
Wanneer vygies jubel

In vreugde stap ons saam met Hom
oor die vlaktes van Sy eiendom.
Daar buk ons af want teen die grond
rank vygies nou, veelkleurig bont.
Klein vetplantjies beur moedig voort
waar sandwoestyn aan Hom behoort.

Toe gaan sit ons eenkant op 'n klip
en dink weer aan die stal en krip-
geen blommekleur was daar te sien,
al het die wyses Hom kom dien.
Maar aan die einde van Sy lewe
het ook die veld na vreugd' gestrewe.

©adéle theron
Logged
adéle  :grommit:

Offline adele

  • Hardebaard
  • Posts: 1932
  • Gender: Female
  • gryp na môre in klein-klein stukkies
Re: Woordgedagtes .... 10
« Reply #14 on: February 17, 2017, 11:06:34 PM »
Woordgedagtes 10

Nog 'n bietjie slaap
wees maar nog 'n bietjie luier
en voor jy jou kom kry
is jy weer aan die sluimer

Skyn die son al deur jou venster
weet net dagbreek wag nie vir jou
die deur na God se sonskyndag
is die skemeruur se grou

©adéle theron
Logged
adéle  :grommit:

Offline adele

  • Hardebaard
  • Posts: 1932
  • Gender: Female
  • gryp na môre in klein-klein stukkies
Re: Woordgedagtes .... 11
« Reply #15 on: February 17, 2017, 11:07:49 PM »
Woordgedagte 11

Jabes

Jabes het Israel se God gevra
om hom elke dag te dra
wye velde te gee as grondgebied
smart weg te keer, Sy Wil geskied.

Ek is klein in dié lewe rof
my wêreld eens radeloos verdof
vra ek Hom ook om my te leer
en lê elke hunkering voor Sy voete neer.

©adéle theron
Logged
adéle  :grommit:

Offline Meraai vannie Baai

  • Wysgeer
  • Posts: 3662
  • Elke dag aan ons Geskenk, is 'n kosbare voorreg.
Re: Woordgedagtes .... 1
« Reply #16 on: February 17, 2017, 11:08:13 PM »
Net toe ek wou dankie skryf is daar nog 'n woordskat geplaas  :notworthy: :icon_salut: Dankie vir kosbare deel matertjie.
Logged

Offline adele

  • Hardebaard
  • Posts: 1932
  • Gender: Female
  • gryp na môre in klein-klein stukkies
Re: Woordgedagtes .... 1
« Reply #17 on: February 21, 2017, 07:11:29 PM »
dankie dat jy dit lees, lief Raaitjie, ek gaan nou aan met skryf spesifiek hiervoor, maar ai, my gedagtes verloor my soms langs die busstop.
Logged
adéle  :grommit:

Offline adele

  • Hardebaard
  • Posts: 1932
  • Gender: Female
  • gryp na môre in klein-klein stukkies
Re: Woordgedagtes .... 12
« Reply #18 on: February 21, 2017, 07:16:47 PM »
Woordgedagtes 12

Sy plan

Hy het 'n plan met my naam gemerk
en lei my om gewillig vir Hom te werk.
Met basuin en simbaal het Hy my geroep
maar ek dwaal weer weg na die aardse groep,
dan fluister Hy my naam, Sy stem sag en teer,
deur trane draai ek terug, ewig te jubel tot Sy Eer!

©adéle theron
Logged
adéle  :grommit:

Offline adele

  • Hardebaard
  • Posts: 1932
  • Gender: Female
  • gryp na môre in klein-klein stukkies
Re: Woordgedagtes .... 13
« Reply #19 on: February 21, 2017, 07:17:50 PM »
Woordgedagtes 13

Jakobus sê ons het nie
omdat ons nie vra nie …
 
maar ek het as kind
geleer om respekvol
afhanklik, aan Christus te vra
 
So kom ek, Heer
met my versoek
om elke dag hier
in die skaduwee
naby U te kniel
 
In eerbied aan U
my lewensnodige te vra;
te ontvang wat in
U Raadsplan beskik is
vir my liggaam en my gees
dit wat nodig is …

©adéle theron
Logged
adéle  :grommit:

Offline Meraai vannie Baai

  • Wysgeer
  • Posts: 3662
  • Elke dag aan ons Geskenk, is 'n kosbare voorreg.
Re: Woordgedagtes ....
« Reply #20 on: February 21, 2017, 11:24:36 PM »
Neem hierdie gebed met my saam op die lewenspad.
Logged

Offline adele

  • Hardebaard
  • Posts: 1932
  • Gender: Female
  • gryp na môre in klein-klein stukkies
Re: Woordgedagtes .... 14
« Reply #21 on: March 11, 2017, 08:09:44 AM »
Woordgedagtes 14

Ontferm U oor my

Waarheen gaan al my gebede
as ek opsoek is na U vrede?
Help my, Heer, in hierdie land,
hou my veilig in U hand.

Hy gaan my beskerm
Hom elke dag oor my ontferm-
sê nié ek gaan nie swaarkry nie,
maar gee my elke uur hulp daarby.

©adéle theron
Logged
adéle  :grommit:

Offline adele

  • Hardebaard
  • Posts: 1932
  • Gender: Female
  • gryp na môre in klein-klein stukkies
Re: Woordgedagtes .... 15
« Reply #22 on: March 11, 2017, 08:10:39 AM »
Woordgedagtes 15

Gee als prys
 
Ons staan in Geregtigheid van God
Christus het dit volbring, Sy Gebod
ons leef in vreugde onder sy Genade
met vrede vermy ons die kwade
slawe van sonde is ons nie meer
dit het ons gebreek, dit was so seer
dit kan nie anders, ons gee als prys
loop daarvan oor om almal te wys
Hy is al in my lewe, my volle Verlossing
die Ewige Lewe het Hy vir my gebring.

©adéle theron
Logged
adéle  :grommit:

Offline adele

  • Hardebaard
  • Posts: 1932
  • Gender: Female
  • gryp na môre in klein-klein stukkies
Re: Woordgedagtes .... 16
« Reply #23 on: March 30, 2017, 08:01:41 PM »
'n Kraai vlieg

verwonderd oor die water
sonder naat of strand
geen takkie of holte
om sy pootjies in te plant
te gou het hy sy nes verlaat

het die duif nie langer gewag
voor hy met wye draai
oor aardse kontoere
en skeerkringe
gesoek het na 'n rusplek nie

kom skep jy dan eers
uit God se genadekruik
sy hulp en raad en liefde wyd
eer jy voortvarend
jou lewensboom gaan soek

©adéle theron
Logged
adéle  :grommit:

Offline adele

  • Hardebaard
  • Posts: 1932
  • Gender: Female
  • gryp na môre in klein-klein stukkies
Re: Woordgedagtes .... 17
« Reply #24 on: March 30, 2017, 08:03:25 PM »
Genade

Gee ons, VaderHeer, U seën
en lei ons na Sionshoogte
na die Nuwe Jerusalem
al is ons nietig mens
dra U genade ons weer
en dank en loof ons U heeldag deur.

Gister was my hart
en siel vanmekaar geskeur,
nog nooit was my binnekant so seer
almal op aarde het my verlaat
daar in my leegte vul U my
en dank en loof ek U heeldag deur.

©adéle theron
Logged
adéle  :grommit:

Offline adele

  • Hardebaard
  • Posts: 1932
  • Gender: Female
  • gryp na môre in klein-klein stukkies
Re: Woordgedagtes .... 18
« Reply #25 on: March 30, 2017, 08:05:34 PM »
Het jy vir my ’n sakkie meel?
Ek wil vyf broodjies bak,
want sien … die wêreld is so skeel.

Elkeen soek ’n wonderwerk,
maar mis die teerheid in
’n brose vlindervlerk.

Blind staar hul verby die maan,
of God se koloriet
daar waar die son ondergaan.

Daarom wil ek Sy broodjie gee
aan almal wat wil hoor!
“Kom! Kry en neem ekstra met jul mee.”

Later kan ons die brokstukke weer
optel en God prys,
ja, twaalf mandjies vol, suiwer tot Sy eer.

©adéle theron
Logged
adéle  :grommit:

Offline adele

  • Hardebaard
  • Posts: 1932
  • Gender: Female
  • gryp na môre in klein-klein stukkies
Re: Woordgedagtes .... 19
« Reply #26 on: April 16, 2017, 09:16:04 PM »
Ek wil U dien, Here
(sonder tromme en simbale)
in die ruising van die wind

met gebed en omgee
wat van U af ons omvou

dankie gee vir genade
en seëning aan elkeen van ons

gevul met U Liefde
(my tranedam loop oor)
wat my skoonwas van alle vuil
tot ek rein en seker
U Liefde en Genade
alles myne kan noem.

©adéle theron
Logged
adéle  :grommit:

Offline adele

  • Hardebaard
  • Posts: 1932
  • Gender: Female
  • gryp na môre in klein-klein stukkies
Re: Woordgedagtes .... 20
« Reply #27 on: April 16, 2017, 09:21:52 PM »
      Hy hoop futiel
     vir agt-en-dertig jaar
    nooit kon hy eerste
   die roering ervaar
  maar voor 'n engelhand weer
 die water by Betesda beweeg
het Iemand hom reeds daar voorgekeer.
 
Hy bekla sy lot en lê sy seer
voor hierdie Man se voete neer
maar op die Sabbat stuur Jesus hom
met bed en al op 'n nuwe weg.
 
Kom geliefdes en prys die Heer
  en laat geen fariseër jou weerhou
   om Christus se liefde
    elke dag in jou hart toe te vou.

©adéle theron
Logged
adéle  :grommit:

Offline Meraai vannie Baai

  • Wysgeer
  • Posts: 3662
  • Elke dag aan ons Geskenk, is 'n kosbare voorreg.
Re: Woordgedagtes ....
« Reply #28 on: May 08, 2017, 01:00:47 AM »
Vandag neem ek vanuit jou kosbare mandjie vir my Woordbroodjies as padkos  :notworthy: :icon_salut:
Logged

Offline adele

  • Hardebaard
  • Posts: 1932
  • Gender: Female
  • gryp na môre in klein-klein stukkies
Re: Woordgedagtes ....
« Reply #29 on: May 10, 2017, 10:19:53 AM »
dankie vriendin, ek het 'n stilte beleef, maar moet weer gaan woordwortels grou vir verdere woordgedagtes ....  :toothy4:
Logged
adéle  :grommit:

Offline Gerhardus Ebersöhn

  • Regular Members
  • Suigeling
  • Posts: 7
  • Passievol Afrikaans!
Re: Woordgedagtes .... 20
« Reply #30 on: February 10, 2018, 05:29:35 PM »
Quote from: adele on April 16, 2017, 09:21:52 PM
      Hy hoop futiel
     vir agt-en-dertig jaar
    nooit kon hy eerste
   die roering ervaar
  maar voor 'n engelhand weer
 die water by Betesda beweeg
het Iemand hom reeds daar voorgekeer.
 
Hy bekla sy lot en lê sy seer
voor hierdie Man se voete neer
maar .
 
Kom geliefdes en prys die Heer
  en laat geen fariseër jou weerhou
   om Christus se liefde
    elke dag in jou hart toe te vou.

©adéle theron

Wonderlik! Kom ons prys die Here, want: "op die Sabbat stuur Jesus hom
met bed en al op 'n nuwe weg."
"Kyk dan, julle veragters, en wees verwonderd en verdwyn! Want Ek gaan iets in julle dae doen, iets wat julle sekerlik nie sal glo as iemand julle dit vertel nie ... dat God Hom opgewek het uit die dode: om na verderf, nooit, weer terug te keer nie." “In julle dae”, op God se Sabbat. Ja!
« Last Edit: February 10, 2018, 05:49:52 PM by Gerhardus Ebersöhn »
Logged

Offline PM

  • Administrator
  • Meester
  • Posts: 10692
  • Gender: Female
Re: Woordgedagtes ....
« Reply #31 on: February 12, 2018, 08:25:51 AM »
Ja regtig Adele, jy kan nie toelaat dat hierdie woordgedagtes opdroog nie.  Dankie sustertjie.
Logged
Om te weet is om te verstaan.

Offline Meraai vannie Baai

  • Wysgeer
  • Posts: 3662
  • Elke dag aan ons Geskenk, is 'n kosbare voorreg.
Re: Woordgedagtes ....
« Reply #32 on: February 13, 2018, 10:45:51 PM »
Ek staan vanoggend weer verstom oor hoe iemand uit twee 'heilige' monde kan praat. Dit wat G.E hier skryf en wat hy op openbare media 'getuig' is twee kante van een munt. Mater Adele, jy is en bly vir my en baie ander DIE mooiste voorbeeld van 'n volgeling van Jesus. Doet groot asb voort.
Logged
Pages: 1 2 3 [All]   Go Up
« previous next »