Author Topic: Juistemint en krakeel  (Read 2317 times)

0 Members and 1 Guest are viewing this topic.

Offline Meraai vannie Baai

  • Global Moderator
  • Wysgeer
  • Posts: 2804
  • Elke dag aan ons Geskenk, is 'n kosbare voorreg.
Juistemint en krakeel
« on: December 18, 2015, 12:08:30 AM »
My rondreisende woordontbyt lei my vandag reguit na Adele se pragtige kersplasing en daar lees ek 'juistemint' raak. Krul my tone om en dadelik begin die vingers 'googleloer'. Kom ek op 'n plasing af wat my soveel plesier verskaf het want daar kruip toe nog 'n skatkiswoord naamlik 'krakeel' tussen die lyne weg.

Lewies skryf dit voel of die woorde fyntjies stukkend gebyt kan word tussen die onderste en boonste voortande. Rice Crispie Woorde.

Juistemint! Loutere taalplesier vir my ook gewees en ek beaam die skrywer se kreatiewe (alliteratiewe) opmerking: pure pikante peper!

 :love7: :book1: :icon_salut:

Dalk sal Assie en haar oupa ons meer kan vertel oor die 'gehuggie in die Langkloof' genaamd Krakeel. Sou jy die pikante woord inspan as 'n werkwoord beteken dit blykbaar 'n hengse lawaai/rumoerery. So mooi beskryf in die plasing as 'n naweek sjebien lawaai :icon_biggrin:

Bron: https://pasella2013pasella.wordpress.com/2010/10/02/krakeel-juistemint-krakeel/
 



Offline Assie

  • Regular Members
  • Suigeling
  • Posts: 155
  • Passievol Afrikaans!
Re: Juistemint en krakeel
« Reply #1 on: December 18, 2015, 08:53:26 AM »
As mens van George en Oudtshoort se kant af voor Uniondale die Langkloofpad vat na die Baai toe kry jy die volgende dorpies. (Hulle sal Antie Raatjie met 'n nat sakdoek dood vermoor as hulle hoor Antie noem dit gehuggies. Daar is 'n kerk en 'n kroeg op elke dorpie.)
Eerste gaan jy neffens Haarlem verby en dan kry jy Misgund. Na Misgund kom Louterwater, Krakeelrivier en Joubertina. Krakeelrivier le halfpad tussen Louterwater en Joubertina. Ja, dis 'n klein plekkie en die kroegman is dieselfde ou wat die nagmaal bedien. Na Joubertina ry mens by Heights verby. Dis nie veel meer as 'n spoorwegstasie waar daar omtrent nooit meer 'n trein verby gaan nie.  Die laaste, en grootste, dorpie voor mens weer by die N2 aansluit op pad Baai toe is Kareedouw. En daar het ek julle vinnig deur die hele Langkloof geneem.

 :mumum:

Offline Meraai vannie Baai

  • Global Moderator
  • Wysgeer
  • Posts: 2804
  • Elke dag aan ons Geskenk, is 'n kosbare voorreg.
Re: Juistemint en krakeel
« Reply #2 on: December 18, 2015, 09:43:55 AM »
Haai oe nooit Assie! Issie ek wat dit so noem - belowe met hand oppie tikker  :icon_biggrin: Dit was ynste ou Lewies se aanmerking. Dog toe ek vra maar. Nuuskierig gebore mos.

Offline PM

  • Administrator
  • Meester
  • Posts: 9517
  • Gender: Female
Re: Juistemint en krakeel
« Reply #3 on: December 18, 2015, 10:07:01 AM »
Pragtig!  Heerlik om die dag te begin met 'n goeie skoot humor en pragwoorde. 

'googleloer'

rumoerery

 hand oppie tikker  :angel12:
Om te weet is om te verstaan.

Offline Meraai vannie Baai

  • Global Moderator
  • Wysgeer
  • Posts: 2804
  • Elke dag aan ons Geskenk, is 'n kosbare voorreg.
Re: Juistemint en krakeel
« Reply #4 on: May 30, 2018, 05:06:24 AM »
Ek grinnik nog steeds van oor tot oor vir Naas: (Hulle sal Antie Raatjie met 'n nat sakdoek dood vermoor as hulle hoor Antie noem dit gehuggies).

Offline PM

  • Administrator
  • Meester
  • Posts: 9517
  • Gender: Female
Re: Juistemint en krakeel
« Reply #5 on: June 20, 2018, 06:07:45 AM »
Dag ek toe ook dit is mooi gewaarsku!  Lees ek "dood versmoor", maar dit is seker dieselfde ding, of is dit?


Dankie Naas, al is ek ses maande later, maar geniet dit nog steeds.
Om te weet is om te verstaan.

Offline Meraai vannie Baai

  • Global Moderator
  • Wysgeer
  • Posts: 2804
  • Elke dag aan ons Geskenk, is 'n kosbare voorreg.
Re: Juistemint en krakeel
« Reply #6 on: August 13, 2018, 11:54:42 AM »
Kyk, ek laat my nie vertel daar is nog 'n forum soos ons sin nie.  :icon_biggrin: :bootyshake: :book1: :notworthy:

Offline PM

  • Administrator
  • Meester
  • Posts: 9517
  • Gender: Female
Re: Juistemint en krakeel
« Reply #7 on: August 13, 2018, 12:00:30 PM »
Heerlike samesyn.  Jy kan dit tog nie anders beskryf nie.
Snoesig in ons eie woorde toegewikkel.
Om te weet is om te verstaan.

Offline Naas

  • Global Moderator
  • Hardebaard
  • Posts: 1829
  • Gender: Male
  • K.N.A.P. (Kan Naas Afrikaans Praat of wat?)
Re: Juistemint en krakeel
« Reply #8 on: December 02, 2018, 08:12:26 AM »
Ek lees nou weer hier oor 'n besoeker se skouer.
Die oorlewing wil dit he dat die plaas waardeur die Krakeel riviertjie loop in die eienaar se testament beland het. Die plaas moes tussen die twee seuns verdeel word en daar ontstaan toe 'n rusie tussen die twee oor wie die deel moet kry waardeur die riviertjie loop. Daar was letterlik 'n geskreeu en gestoei op die walle van die rivier wat aan die rivier sy naam van Krakeel rivier gegee het. Die dorpie is dan ook na die rivier vernoem.
Krakeel: 'n onderonsie wat gepaard gaan met 'n geskreeu en gestoei."



 :icon_bigsmurf:
Ek is maar net een, maar ek ís een.

Offline Meraai vannie Baai

  • Global Moderator
  • Wysgeer
  • Posts: 2804
  • Elke dag aan ons Geskenk, is 'n kosbare voorreg.
Re: Juistemint en krakeel
« Reply #9 on: December 02, 2018, 09:49:34 AM »
Kom lees ek weer oor jou skouer en gaan ingelig hiervandaan. Ons gedooi van die hitte en ek het so paar uur gelede my familie laat weet die brande genadiglik ver van ons af. Ek het te gou gepraat. Ons gebied val nou ook in die 'waarskuwing-zone'.  Die rook het alreeds dig gehang terwyl ons huistoe gery het van waar ons oornag het tussen die berge. Heel gerus - die brande nog ver. Min wis ons. Daar was geen selopvangs of internet nie. So vinnig kan dinge verander!

Offline Naas

  • Global Moderator
  • Hardebaard
  • Posts: 1829
  • Gender: Male
  • K.N.A.P. (Kan Naas Afrikaans Praat of wat?)
Re: Juistemint en krakeel
« Reply #10 on: December 02, 2018, 11:02:17 AM »
Ai toggie. Sterkte. En die rook is ook nie goed vir ons twee suurstofvrate nie.



 :icon_bigsmurf:
Ek is maar net een, maar ek ís een.

Offline Meraai vannie Baai

  • Global Moderator
  • Wysgeer
  • Posts: 2804
  • Elke dag aan ons Geskenk, is 'n kosbare voorreg.
Re: Juistemint en krakeel
« Reply #11 on: December 03, 2018, 12:48:07 AM »
Verseker nie goed nie mater. Kry ek lag (met innige simpatie) vir ons twee suurstofvrate  :icon_biggrin: :bootyshake: :angel4:
« Last Edit: December 03, 2018, 01:00:11 PM by Meraai vannie Baai »

Offline PM

  • Administrator
  • Meester
  • Posts: 9517
  • Gender: Female
Re: Juistemint en krakeel
« Reply #12 on: December 04, 2018, 02:32:13 PM »
Juistemint!  Die rook is nie goed nie.   Hoe lyk die brande nou Raaitjie.
Om te weet is om te verstaan.

Offline Meraai vannie Baai

  • Global Moderator
  • Wysgeer
  • Posts: 2804
  • Elke dag aan ons Geskenk, is 'n kosbare voorreg.
Re: Juistemint en krakeel
« Reply #13 on: December 04, 2018, 10:45:30 PM »
By ons is daar geen gevaar nie en die rook van afgelee bosbrande het ook die wyk geneem PM. Daar is nog steeds vure in verskeie dele van Queensland maar dit op die oomblik almal ver van ons af.

https://newsroom.psba.qld.gov.au/Content/State-News/04-Bushfire-Warnings/1020/1086

Offline PM

  • Administrator
  • Meester
  • Posts: 9517
  • Gender: Female
Re: Juistemint en krakeel
« Reply #14 on: December 05, 2018, 04:30:23 PM »
Ek is bly julle is veilig en jy is "rookvry" sustertjie. 

Om te weet is om te verstaan.