« previous next »
Pages: [1] 2 3 4  All   Go Down

Author Topic: My bundel  (Read 10337 times)

0 Members and 1 Guest are viewing this topic.

Offline Anastasia

  • Regular Members
  • Snuiter
  • Posts: 423
  • Gender: Female
  • My taal is Liefde
My bundel
« on: June 22, 2015, 10:41:58 AM »
Ek is vreeslik gelukkig dat ek 'n uitgewer gekry het wat my woorde goed ag om uit te gee.  Ek mag wel van die werke plaas.  Gaan hier van hulle plaas, die onder die hofie is almal vervat in die bundel "Verse in Aanhouding".  Ander sal ek plaas onder 'n ander hofie.  Al die gedigte is gemerk volgens datum, vir 'n rede.  Ek sal later aan julle die omstandighede waaronder die verse geskryf is vertel.  Lees maar eers net lekker saam.

Vakuum
 
Ek is teenwoordig
In my afwesigheid.
 
Môre se môres
Het verdwaal in die glipstrome
Van gister se gisters.
 
Uurwyser
Almanak
 
En ek-
‘n Randfiguur
Stille getuie
Dat ek
Eens was …
Steeds is?
 
Vasgevang in ‘n vakuum.
 
© Anastasia Bester 19 November 2011
Logged
Ek huppel en dans deur die lewe met drie bene!

Offline PM

  • Administrator
  • Meester
  • Posts: 10692
  • Gender: Female
Re: My bundel
« Reply #1 on: June 22, 2015, 10:45:56 AM »
Baie geluk Anastasia.  Publiseer jy onder jou eie naam?
Ek is oortuig daarvan dat jou werk uitstekend is.   :hello2:
Logged
Om te weet is om te verstaan.

Offline Anastasia

  • Regular Members
  • Snuiter
  • Posts: 423
  • Gender: Female
  • My taal is Liefde
Re: My bundel
« Reply #2 on: June 22, 2015, 10:50:09 AM »
Ja, PM, onder my eie naam.  Snaaks, ne?  Al die jare het ek gedink dat uit my eie perspektief my gedigte goed genoeg is of was om gepubliseer te word.  Maar geen uigewer wou dit doen nie.  En nou, nou het ek 'n keuse gehad.  Meer as een het belang gestel.  Want die omstandighede daar rondom en die feit dat hulle glo sensasie dit sal laat verkoop, was dink ek die leading factor.  Ai, so snaaks tog.  Dis mos maar hoe die lewe gaan, en die mensdom.  Sensasie sells.  Ek is ook besig om 'n boek te skryf:  "Gekke en Dwase"  - soos in Gekke en Dwase skryf hulle name op deure en glase.  Dit vat egter lank, want dis pynlik.
Logged
Ek huppel en dans deur die lewe met drie bene!

Offline PM

  • Administrator
  • Meester
  • Posts: 10692
  • Gender: Female
Re: My bundel
« Reply #3 on: June 22, 2015, 10:57:08 AM »
Pragtig!  Die lewe loop mos maar draaie met 'n mens. 
Logged
Om te weet is om te verstaan.

Offline Anastasia

  • Regular Members
  • Snuiter
  • Posts: 423
  • Gender: Female
  • My taal is Liefde
Re: My bundel
« Reply #4 on: June 22, 2015, 11:04:01 AM »
Laataand vers
 
‘n Versie wil homself opdring
Astrant laat hy hom nie bedwing
As ek hom in die boek toeklap
Loer hy vir my, dink dis ‘n grap
 
Oplaas het ek hom ingenooi
Net voor Klaasvaak sy sand kom strooi
Gedagtig aan sy guitigheid
Hoop ek vir skaars lighartigheid
 
Vir donker, doolhof, oopkrapvers
Wat seer gevoelens oop wil pers
Sien ek, helaas, vanaand nie kans
Wil eerder in die maanskyn dans
 
Maar woord uit pen word nie beheer
Algou spoeg ink oor wit die seer
Van eensaam, hartseer, hartbreekvers
In flonker lig van digterskers
 
Tussen fragment van hartbreekstuk
‘n Vae onthou van goud geluk
Toe jy en ek ‘n eenheid was
Ons lewe uit een lewenstas
 
Nou gly my vingers oor papier
En wens ek vurig jy was hier
Ek sluit die boek, blaas dood die kers
Dié rondte hoort aan laataandvers
 
© Anastasia Bester 24 Mei 2012
Logged
Ek huppel en dans deur die lewe met drie bene!

Offline PM

  • Administrator
  • Meester
  • Posts: 10692
  • Gender: Female
Re: My bundel
« Reply #5 on: June 22, 2015, 11:06:56 AM »
Die emosies wat jy skep raak diep. 
Logged
Om te weet is om te verstaan.

Offline Anastasia

  • Regular Members
  • Snuiter
  • Posts: 423
  • Gender: Female
  • My taal is Liefde
Re: My bundel
« Reply #6 on: June 22, 2015, 11:10:55 AM »
Dankie, PM.  Ek is nog dom met die emoticons, soek die ene wat buig, kry vi hom nerens! 
Logged
Ek huppel en dans deur die lewe met drie bene!

Offline Anastasia

  • Regular Members
  • Snuiter
  • Posts: 423
  • Gender: Female
  • My taal is Liefde
Re: My bundel
« Reply #7 on: June 22, 2015, 11:19:28 AM »
Snags
 
Snags
As my pen griffel oor papier
In die donker, eensaam, laatnag uur
Mot-om-‘n-kers my gedagtes om jou
Fluweel my gedagtes wat sag om jou vou.
 
Kosbaar die tyd net met ek en my
Voel vir ‘n oomblik gewoon en bevry.
Luister verruk na die reën wat sag daal.
Woorde gebore uit pen in my taal.
 
God het van voor my geboorte geweet
Daarom in liefde aan my uitgemeet
Woorde wat nanag hul eie koers kry
Vir 'n oomblik my uit 'n tronk kan bevry.
 
Vroeg oggenduur kan ek my sterk verbeel
Hoe my hand jou slapende wang liggies streel
Ek stuur hierdie woorde deur tralies van staal
In die sagste hartletters van ons mooie taal.
 
© Anastasia Bester 26 November 2011
Logged
Ek huppel en dans deur die lewe met drie bene!

Offline PM

  • Administrator
  • Meester
  • Posts: 10692
  • Gender: Female
Re: My bundel
« Reply #8 on: June 22, 2015, 11:21:50 AM »
Pragtig geskryf!

Ek sien net hierdie een,  :notworthy: maar ek bedoel dit uit my hart.
Logged
Om te weet is om te verstaan.

Offline Meraai vannie Baai

  • Wysgeer
  • Posts: 3662
  • Elke dag aan ons Geskenk, is 'n kosbare voorreg.
Re: My bundel
« Reply #9 on: June 22, 2015, 11:30:10 AM »
Ek hang aan jou lyne!
Logged

Offline Anastasia

  • Regular Members
  • Snuiter
  • Posts: 423
  • Gender: Female
  • My taal is Liefde
Re: My bundel
« Reply #10 on: June 22, 2015, 12:14:58 PM »
Dankie julle ou staatmakers.
Logged
Ek huppel en dans deur die lewe met drie bene!

Offline Anastasia

  • Regular Members
  • Snuiter
  • Posts: 423
  • Gender: Female
  • My taal is Liefde
Re: My bundel
« Reply #11 on: June 22, 2015, 12:44:05 PM »
Krag
 
Ek hou myself sterk
Deur nie te mis
Wat ek hartstogtelik mis nie
Nie te verlang
Waarna ek hartoopbreek verlang nie
Deur nie te droom
Waarvan ek reikhalsend droom nie.
 
© Anastasia Bester 26 Mei 2012
Logged
Ek huppel en dans deur die lewe met drie bene!

Offline Anastasia

  • Regular Members
  • Snuiter
  • Posts: 423
  • Gender: Female
  • My taal is Liefde
Re: My bundel
« Reply #12 on: June 22, 2015, 12:49:35 PM »
Soveel meer


Soveel meer
 
Meer as die binneperk-
Grendel, slot,
Eindelose tyd wat strek.
 
Meer, veel meer
As sleutelknars in binneslot,
Die ver verwyderd voel van God.
 
Is die soeke na jouself
Die buitekant toe binnedelf.
Die hoop om weer jouself te vind
In ylgrou koue winterswind.
 
© Anastasia Bester 21 November 2011
Logged
Ek huppel en dans deur die lewe met drie bene!

Offline Anastasia

  • Regular Members
  • Snuiter
  • Posts: 423
  • Gender: Female
  • My taal is Liefde
Re: My bundel
« Reply #13 on: June 22, 2015, 12:57:18 PM »
Moedersdag


Korreltjies sand in my hand
‘n Spesiale liefdesband
Geskaad geknip
Met bloed bedrup
Die uurglas leeg
‘n Moeder is té lig geweeg
 
Die water druip deur bak die hand
Hoe herstel mens weer die liefdesband?
Hoe loop mens weer ou paaie na
Om weer jou kind saam te mag dra?
Die water wat deur vingers gly
Is nooit nie nooit weer terug te kry
 
Vir nege maande saamgedra
Maar watter woorde kan dan vra
Om weer net Moeder te mag wees
Al is dit dan maar net in gees.
Geen woorde kan die plek weer vul
Hul vries om mond en raak so stil
 
En in die spieel sien sy die vrou
Haar beeltenis gehul in rou
Haar oë vertel van hierdie tyd
Van smaad en seer en selfverwyt
 
‘n Foto is al wat sy nou
Nog styf teen haar hart toe mag vou.
 
© Anastasia Bester 13 Mei 2012
Logged
Ek huppel en dans deur die lewe met drie bene!

Offline Meraai vannie Baai

  • Wysgeer
  • Posts: 3662
  • Elke dag aan ons Geskenk, is 'n kosbare voorreg.
Re: My bundel
« Reply #14 on: June 23, 2015, 10:39:16 AM »
Woorde ontbreek my. Kan net indink waar deur jy gegaan het, en so dankbaar dat daar 'n ontsnappingsroete via die ABC was! Dankie dat ons mag deel in jou wedervaringe.
 
Logged
Pages: [1] 2 3 4  All   Go Up
« previous next »