Vir almal wat buite staan

[adele]

Here, ek verstaan dit nie?

hierdie lewe is nie maklik nie
maar U is altyd dáár
nie waar U Hemelwoning ver is nie
maar waar U voete op die aarde rus

buite ons warm huise slyt
haweloses verslete deur hulle dae
hulpskuilings roep hosanna
maar verslawings koudketting
daardie kinders van U
aan bome en brugpilare vas

hierdie lewe is nie maklik nie
U gee hulp en troos
huisvesting in winterkoue
waar U voete op die aarde rus

hulle soek nie U warmte nie
Here, of wanverstaan ek dit?

©adéle theron