Spykerkaskenades

[PM]

Dit is nou hoe Beaufort Wes se insleepdiens lyk.

[PM]

Man, dit was nou 'n langdradige storie, die pad is lank en swaar.  Die drywer moes eers stilhou vir 'n versnappering, maar die kalant het so geskree, dit was tyd vir aanstryk.

[PM]

Op 'n afstand het Speurder Reuker die petalje aanskou.

[PM]

"Hierdie storie raak nou holrug gery" sê Speurder Reuker toe hy sien die arme drywer se tong hang al uit. 

[PM]

Speurder Reuker gryp toe in.  Hy steur hom niks aan die vuil kyk wat hy kry nie.

[PM]

Toe besluit die agterryer dat 'n koue stort beter sal wees as om vir Speurder Reuker teen te gaan. 

[AB]

lekker lag ek nou

[Fransi]

  Ook nou breed geglimlag.

[PM]

Ek is bly ek kon die stukkie pret met julle deel. 

[Rainier]

Ek hou van die geraas (geluide) wat die mannetjies maak, as hulle die klas spelletjies speel, soms oordryf hulle bietjie dan wil my kinders (die kleintjies) huil, omdat hulle dink die ou is in pyn. 

[AB]

ek kan glo dit kan 'n gekreun en steun afgee.

[PM]

Ja-nee,  dit is nie maklik om so 'n insleepdiens te bestuur nie.   

[Naas]

2013 Se kaskenades in fotos gevang. Hierdie eiers het sekr lankal uitgebroei. 

[PM]

Lank gelede se spykerkaskenades nadat ek twee pikkewyne gesien bou het aan 'n nageslag.

Spykerkaskenades

Jy wat manel dra,
ek lag vir jou in my hand
as jy so sukkel om bo te bly,
met vlerke wat wild swaai en
‘n stertjie wat wikkel
van kant tot kant.

Met daai stomp bek
gryp jy vashou plek
en ek is verbaas dat jy
so lank bo kan bly.

Vroulief sit gedwee en staar
na die velde tot wie weet waar.
Sy is gládnie verwonner nie
as jy sommer net so áf donner nie.

As jy opspring en voor haar kom staan,
skud jy daai vlerke wel gedaan.
Dan gooi ek my kop agteroor en lág,
nou kan ons net wag vir die nageslag.

[Assie]

Dit vat die slak drie dae om vanaf die voordeur tot bo-op die aanklagtetoonbank te kom.
Kan ons help? Vra konstabel
Ja, se slak. Ek wil 'n verkragting aanmeld.
Wanneer het die verkragting gebeur?
Drie dae terug.
Waar het dit gebeur.
Hier voor in die tuin.
Wie is verkrag?
Ek.
Wie was die verkragter?
Twee ander slakke.
Sal jy hulle kan uitken?
Nee.
Hoekom nie?
Want dit het te vinnig gebeur.