« previous next »
Pages: [1]   Go Down

Author Topic: Brandertjie  (Read 2347 times)

0 Members and 1 Guest are viewing this topic.

Offline Naas

  • Hardebaard
  • Posts: 2283
  • Gender: Male
  • K.N.A.P. (Kan Naas Afrikaans Praat of wat?)
Brandertjie
« on: June 01, 2011, 08:29:31 AM »
Jou gryskop hare sproeiend in die wind
terwyl jy onkeerbaar oor die water kom,
huppel jy baldadig soos ‘n kind
En breek dreunend met die slag van ‘n trom.

Uit niks word jy gebore,
deur niks laat jy jou bind.
So stoomroller jy na vore
Jou gryskop hare sproeiend in die wind.

Ek wag en hou my asem op.
Jy raas maar ek staan stom,
wagtend vir jou om my om te dop
terwyl jy onkeerbaar oor die water kom,

Jy weet jy is vir my te veel,
Jou sagte water is my goedgesind.
Omdat jy weet dat ek wil speel
huppel jy baldadig soos ‘n kind.

As jou skuim spattend oor my blom
huppel jy baldadig soos ‘n kind,
terwyl jy onkeerbaar oor die water kom,
sproei jou gryskop hare in die wind.


 :icon_bigsmurf:
Logged
Ek is maar net een, maar ek ís een.

Offline Trapsoetjie

  • Regular Members
  • Penkop
  • Posts: 657
  • Taranee, onse Beertjie.
Re: Brandertjie
« Reply #1 on: June 01, 2011, 08:45:13 AM »
Dis wragtig pragtig.

Jou woorde laat my sien, al is dit so koud vandag, wil ek saam met jou in die son baljaar, en my soos 'n kind gedra.

 :angel12:
Logged

Offline PM

  • Administrator
  • Meester
  • Posts: 10692
  • Gender: Female
Re: Brandertjie
« Reply #2 on: June 01, 2011, 09:08:36 AM »
Dit is pragtig Naas.  Lyk vir my na die Tru-vers?   

Ek is mal oor   Jou gryskop hare sproeiend in die wind
Logged
Om te weet is om te verstaan.

Meraai vannie Baai

  • Guest
Re: Brandertjie
« Reply #3 on: September 09, 2011, 03:52:27 AM »
Dit is so mooi ek wil dit oor en oor vir myself voorlees!!  Boektoe-gehalte skryfwerk hierdie Naas  :book1: :notworthy:
Logged
Pages: [1]   Go Up
« previous next »