Author Topic: Ek vier Lewe...  (Read 6280 times)

0 Members and 1 Guest are viewing this topic.

Offline Angelica

  • Regular Members
  • Hardebaard
  • Posts: 1674
  • Gender: Female
Ek vier Lewe...
« on: June 15, 2013, 11:24:49 AM »
Ek vier vanoggend Lewe met flapjacks en Lyle's Golden Syrup. 
Geroosterde flapjacks gesmeer met botter en sulke dik, goue spirale stroop. Heerlik druppend teen die warm flapjack af.
Maandag drink ek koffie en geselfs met 'n pasient en sy vrou wat die spreekkamer besoek.
Vrydag skakel sy my om te se dat hy die vorige dag, Donderdag, in die hospitaal opgeneem is met bronchitis en later die nag oorlede is.  Baie vinnig.
Ek is verstom. Ons het dan 4 dae gelede nog saam gekuier...
Vanoggend neem ek wasgoed na die wassery en vra terloops waar die dame is wat my altyd help by die toonbank om wasgoed te weeg ens.
Sy is drie weke gelede skielik dood van 'n longembolis terwyl sy oppad was die oggend werk toe. Nee!! 
Albei hierdie mense is my ouderdom. Ons almal, skynbaar, gesond. 
Of is jy gesond en dan skielik nie meer?
Ek sal Mnr Brand en Ina nie vergeet.  Hulle het 'n kwaliteit kwartuur saam met my spandeer die laaste keer wat ek met hulle verkeer het.
So, vanoggend vier ek Lewe.
Ons is een sekond.  Die volgende is on nie meer.
Enige sekond kan my, of jou, sekond van laaste hartklop wees.

elle

Offline PM

  • Administrator
  • Meester
  • Posts: 10692
  • Gender: Female
Re: Ek vier Lewe...
« Reply #1 on: June 16, 2013, 09:00:43 AM »
Dan skink ek my bekertjie koffie vol en eet 'n "flapjackie" saam met jou. 
Ons het gister laat by die huis gekom van ons 2 dae vakansie af.   :icon_biggrin:  Dit was tien dae maar het net soos twee gevoel.
Die griep het my eerste plat getrek en toe natuurlik vir Hannes.  Nou voel ons darem beter. 
Ons gesels toe so oor 'n ander ouma en oupa wat ons aangeneem het.  (Ons vir hulle)  Oupa word 96.  Hulle seun moet sy motor se sleutels wegsteek, want kry hy dit in die hande ry hy winkels toe.   :icon_biggrin:
Ouma kan nie bestuur nie.  Daardie jare het vrouens nie leer motor bestuur of langbroek gedra nie.   :icon_biggrin:
Ek wonder of ek die voorreg sal hê om my oudste se 70ste verjaarsdag by te woon.   :icon_scratch:
Om te weet is om te verstaan.

Meraai vannie Baai

  • Guest
Re: Ek vier Lewe...
« Reply #2 on: June 17, 2013, 12:15:36 PM »
Met my vingers styf geswel en plek-plek blou (ek leer hekel  :headbang:) kom ek ook die saam met julle die lewe vier maters. Jou woorde het my getref Engeltjie: Ons is een sekond.  Die volgende is ons nie meer.
Enige sekond kan my, of jou, sekond van laaste hartklop wees.

Offline Angelica

  • Regular Members
  • Hardebaard
  • Posts: 1674
  • Gender: Female
Re: Ek vier Lewe...
« Reply #3 on: June 17, 2013, 01:15:10 PM »
Ek leef op aanlyn platforms saam met vriende, vriendinne, ander kommentators wat nie altyd dieselfde as ek voel nie en ons soms mekaar in die hare vlieg.
Ek sou graag wou leef saam met 'n asem wat ek kan hoor as die persoon lag, sommer net saam met my grap....
Dikwels, en meer dikwels as nie, wil ek alleen wees. 
Maar dan is daar soms wat jy saam met 'n ander persoon die lewe daar buite wil ervaar. 
Meeste van die tyd dink getroudes jy wil indring en egte vriendskap is baie skaars.   :dontknow:
Dis asof daar net nie meer tyd is vir vriendskap nie. 

elle

Meraai vannie Baai

  • Guest
Re: Ek vier Lewe...
« Reply #4 on: June 18, 2013, 07:33:17 AM »
My aanlynvriendskappe vir my kosbaar en my eie ou asempie saans verruil ek vir niks onder die son. Elke sekond wat ons saam gegun word, 'n Skat sonder weerga. In die buiteland maak mens nie maklik vriende nie en sonder my maters in die tuin, sou ek verlore gewees het Angelica  :love7:

Offline PM

  • Administrator
  • Meester
  • Posts: 10692
  • Gender: Female
Re: Ek vier Lewe...
« Reply #5 on: June 18, 2013, 08:03:49 AM »
Diwels hoor ek hierdie ding van jaloerse vrouens wat "enkel dames" as 'n bedreiging vir hul huwelik sien.  Hoe siek is dit tog nie.  Ek lief my enkel vriendinne en Hannes lief hulle.  Hulle maak ons lewens ryk en lekker!   :hello2:
As Hannes jaloers moes wees op ons enkel mansvriende sou dit vir baie vermaak gesorg het.   :icon_biggrin:

My lewe bestaan meer as dikwels net uit die kontak wat ek met julle het.  Sonder die internet-tegnologie sou ek loshande die eensaamste mens in die heelal gewees het.   :icon_scratch:  Ek is beslis nie gebore om alleen te wees nie.
Om te weet is om te verstaan.

Meraai vannie Baai

  • Guest
Re: Ek vier Lewe...
« Reply #6 on: June 18, 2013, 08:16:06 AM »
Sniksnik. Dit is so jammer dat jaloesie vereensaming veroorsaak julle  :crybaby2:

Offline Meraai vannie Baai

  • Wysgeer
  • Posts: 3662
  • Elke dag aan ons Geskenk, is 'n kosbare voorreg.
Re: Ek vier Lewe...
« Reply #7 on: February 18, 2018, 10:54:39 PM »
Ons het juis die afgelope naweek gesels oor dieselfde onderwerp. Skokkend as jy hoor hoeveel van die niggies en neefs ook al die die knie moes knak vir die laaste maal. Wat my telkens verstom is dat dit nie altyd die ou is wat 'n jarelange stryd teen skeet en kwaal het, wat die lewe groet nie. Super fikses sak in hulle spore neer. Morsdood.  Vandag vier ek dus die Lewe saam jou Elle  :notworthy: :icon_salut:

Offline PM

  • Administrator
  • Meester
  • Posts: 10692
  • Gender: Female
Re: Ek vier Lewe...
« Reply #8 on: February 19, 2018, 11:57:47 AM »
Dit is erg ja.  Vanoggend is een van ons vriende dood aan 'n hartaanval.  Hy is gisteraand opgeneem en ons het vanoggend die tyding gekry.  Hy is nie meer.  'n Vrou en ses kinders!
Om te weet is om te verstaan.

Offline Naas

  • Hardebaard
  • Posts: 2283
  • Gender: Male
  • K.N.A.P. (Kan Naas Afrikaans Praat of wat?)
Re: Ek vier Lewe...
« Reply #9 on: February 19, 2018, 12:27:58 PM »
Ja... Selfs ons volgende asemteug is nie gewaarborg nie.  :dontknow:  :angel7:


 :icon_bigsmurf:
Ek is maar net een, maar ek ís een.

Offline Meraai vannie Baai

  • Wysgeer
  • Posts: 3662
  • Elke dag aan ons Geskenk, is 'n kosbare voorreg.
Re: Ek vier Lewe...
« Reply #10 on: February 20, 2018, 10:22:40 AM »
So so waar Naas.

Offline adele

  • Hardebaard
  • Posts: 1932
  • Gender: Female
  • gryp na môre in klein-klein stukkies
Re: Ek vier Lewe...
« Reply #11 on: February 20, 2018, 10:55:15 AM »
Hierdie is nou loshande die mees sinvolle gesprek vir hierdie tyd in ons lewe want jong mense kom mos nie hier aansluit en saamgesels nie. Maar sowaar, ons lewe is een sekond, want die vorige een is verby en die volgende is nie gewaarborg nie.

Ek het gister reeds so in die ry gewonder (ek moes na 'n ander reservaat toe ry) wat gebeur wanneer jou laaste asem ingetrek word .... ek het iewers sin vir gewone gedagtes verloor en skielik baie na aan God gevoel, met Hom gesels en weer besef hoeveel ek uitsien na die Hemelse lewe hierna.

Sniksnik. Dit is so jammer dat jaloesie vereensaming veroorsaak julle  :crybaby2:
En hierdie gedagtelyn is so vrek waar, dis hartseer verby. Ek beleef mos nou weer die erns daarvan. Ek het dan opgehou om by al ons dierbaarste vriende op die dorp te gaan kuier want ... ek is alleen. En o ja, wat maak dit saak, my vriende weet mos ek gaan nie verder man soek nie en beslis nie 'n getroude man nie, maar .... dit werk nie so nie. As jy alleen is, is jy alleen. 'n Man kan nog saans geselskap by 'n alleenvriendin gaan soek, 'n koffie of 'n uiteet, maar waar sou ek nou heengaan. En as jou posisie so is dat jy alleen op die platteland is, is dit fataal. Ek het so alleen geraak, dat mense nou vir my sê ek het amper asosiaal geword. Nou maak ek 'n punt daarvan om te luister en gesels wanneer ek by 'n groepie mense moet inskakel. Maar dit het ook net begin omdat ek weer deels op die dorp bly.
adéle  :grommit:

Offline PM

  • Administrator
  • Meester
  • Posts: 10692
  • Gender: Female
Re: Ek vier Lewe...
« Reply #12 on: February 27, 2018, 11:29:16 AM »
Wat is jaloesie nou eintlik?  Dit is 'n persoon wat so onseker is van hom/haarself en so min sekuriteit (onsekerheid) het, dat dit sy/haar lewe vergal.  Dit is 'n gevoel dat jy dit wat joune is gaan verloor.  Dit is besitlikheid, want ons besit mekaar nie. 
As my man eendag iemand ontmoet met wie hy wil saamleef, sal sy geluk vir my eerste kom. 

Solank jy net weet dat die gedrag nie teen jou gemik is nie.

Ek hoop van harte jy sal gou weer 'n maatjie kry Sustertjie. 
Om te weet is om te verstaan.

Offline adele

  • Hardebaard
  • Posts: 1932
  • Gender: Female
  • gryp na môre in klein-klein stukkies
Re: Ek vier Lewe...
« Reply #13 on: February 27, 2018, 05:31:53 PM »
mmmm, lief PM, hoekom dink jy is ek deesdae weer op die dorp?
adéle  :grommit:

Offline Meraai vannie Baai

  • Wysgeer
  • Posts: 3662
  • Elke dag aan ons Geskenk, is 'n kosbare voorreg.
Re: Ek vier Lewe...
« Reply #14 on: February 27, 2018, 11:13:04 PM »
Geniet die dorp liefste mater.  :love7: Wens ek was naby dan sou ons jou beslis gereeld oorgenooi het. BAIE lief vir kuier en geselsskap. So jammer dat kleingeestigheid en jaloesie 'n wig indryf tussen enkelinge en paartjies  :crybaby2: