Jy kan met reg trots wees op julle produk, dit is uitvoergehalte. In my kassie het ons 'n tros gekry wat ses groot manshande met uitgestrekte vingers, nie kan toevou nie. Dit sou baie baie interessant gewees het om die grootste tros se foto te sien.
Ons besef ook dat tyd nou jou meester is tot na die oes. As ons so tussen die wingerde ry dan kan ons nie glo dat julle so 'n "magtige" groot werk in so 'n kort tydjie kan bemeester nie.
Ons was baie bekommerd dat die druiwe nie sou hou nie, maar dit het goed hier geland. 'n Mens kan nie glo dat dit so warm kan word agter in daardie bakkie nie. Dalk is dit van al die stilhou en wag by die padverleggings.
Met al die padverleggings kon ons die eerste dag nie verder as Beaufort Wes kom nie. Die volgende dag het ons ook eers laat by Gawie aangekom, maar ons het 'n hond uit 'n bos uit gekuier. Hulle is altyd so gasvry.
Ons het gister net gedink ons is deur al die verleggings, toe tref die volgende klomp ons. Gelukkig sal die paaie binnekort eksie perfeksie wees.
Ek stem, 'n mens slaap op 'n goeie matras en dit hou ook baie langer.
Ons het vanoggend met iemand gesels wat vir ons 'n goeie prys gegee het om die teëlwerk te doen. More gaan koop ons teëls en dan begin ons groot regmaak.
Ons het in 'n maand se tyd oor die agt duisend kilometer gery sonder enige insident. Dankie Toyota, jy is 'n wenner.
