Author Topic: Gisters se nou.  (Read 2513 times)

0 Members and 1 Guest are viewing this topic.

Offline Naas

  • Hardebaard
  • Posts: 2283
  • Gender: Male
  • K.N.A.P. (Kan Naas Afrikaans Praat of wat?)
Gisters se nou.
« on: May 23, 2011, 08:41:37 PM »
Ek tuur oor Bloubergstrand.
Branders golwe en see.
Deinstig skyn die heimwee
deur mistigheid.

Dof deur newels flikker
moederstad se liggies
soos karoogehuggies
se vetkerse

Verlang se skoene loop
met my die berge oor
om te verdwaal nog voor
ek koers kan kry.

Verdwaal in die onthou
van jare lank geleë.
Met kinderlike tree
Waggel ek voort

Waggel ek deur gange
deinstig in tyd verdof
Rakke onthou, vol stof
Raam die mure

Ek tuur oor Bloubergstrand
en ek leef die gisters
van gekoekte susters,
verlos in nou.



 :icon_bigsmurf:
Ek is maar net een, maar ek ís een.

Offline PM

  • Administrator
  • Meester
  • Posts: 10692
  • Gender: Female
Re: Gisters se nou.
« Reply #1 on: May 24, 2011, 09:44:29 AM »
Ek hou van die titel.  Die inhoud slaat my oor die kop!  Ek hou van "verlang se skoene"  en "Karoogehuggies se vetkerse".
Om te weet is om te verstaan.

Edelsteentjie

  • Guest
Re: Gisters se nou.
« Reply #2 on: June 11, 2011, 10:56:44 AM »
Sjoe, mal oor jou metafore en vergelykings. Tweede laaste strofe veral wow!