Author Topic: 'n Hand en tand bekgeveg teen die asemdief PH (Pulmonale Hipertensie)  (Read 139725 times)

0 Members and 1 Guest are viewing this topic.

Offline Meraai vannie Baai

  • Global Moderator
  • Wysgeer
  • Posts: 2698
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #510 on: March 20, 2019, 04:03:47 AM »
Ons het hand aan hand net aanhou stap soos al die ander dae die afgelope jare en verwag dat ons weer by kruispaaie van diagnoses gaan kom. Wat ek nie verwag het nie, is dat trane my die keer so gaan verblind dat 'naamborde' onleesbaar is om 'n keuse te kan maak watter rigting ons moet gaan nie.

Vrees vir die onbekendheid en nuwe vyande, stop ook nie die son se opkoms of ondergaan nie en keuses moet gemaak word.

Van iewers het ek moed bymekaargeskraap en gebel om te reel vir die afspraak by die chirurg waarheen dok ons verwys het. Die ontvangsdame het my omtrent 5.30 Aus tyd gisteraand geskakel om te vra of ons dalk Maandag of Dinsdag kan inkom om die spesialis te sien.  Nou wag ons om te hoor watter een van die twee dae dit gaan wees.

Wag... wag... wag.  Ek is te bang om buite te gaan dwaal en so dalk die oproep mis.

Ons is nog nie seker of die spesialis bereid gaan wees om die gebarste prosteses te verwyder met die asemdief en gevaar van narkose nie. Indien hy nie kans sien nie weens die risiko verbonde, gaan ons nie voort met die voorgestelde prosedure van verwydering en verdere behandeling nie.

Intussen het ek soveel liefde en omgee ontvang van familie en maters dat dit voel of ek sweef. Juffrou Gawie het die volgende geskryf:
Raai. Ek kan nie eens begin om te dink waardeur jy gaan nie, maar ek belowe jou, ek hekel vir jou nuwe upholsteries - punt in die wind, windgat goedjies as jy net die woord spreek. Love you sooooo much

Deur die nag het sy laat weet die sagste wolle is bestel vir my nuwe upholsteries en die spesialis het bevestig my afspraak is Dinsdagoggend 10 uur.

 :love7: :hello2: :notworthy:
« Last Edit: March 20, 2019, 11:56:27 PM by Meraai vannie Baai »

Offline Meraai vannie Baai

  • Global Moderator
  • Wysgeer
  • Posts: 2698
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #511 on: March 21, 2019, 12:26:39 AM »
Mens moet nooit die fout begaan om te dink dat as jy kennis gemaak het met een kroniese vyand, dat daar nie nog gaan wees nie. Altyd gespot wanneer iemand vra hoe dit deesdae gaan dat ek nog skop in paaiemente en al die seeninge tel wat my weerhou om in 'n diep donker gat te val en selfbejammering se arms jou ywerig toegooi.

Ek vermoed dat my plasings die volgende paar maande baie 'borstig' gaan wees.  PH is nie meer die enigste twee letters wat hande gevat het in my daaglikse bestaan nie. Uit eie keuse het twee ander kunsmatige byvoegings hulle stemme stom, dik gemaak met 'n 'bang in vain'.

Wat ons saai sal ons maai en in die oesproses hang die woord 'explant' in ons midde. Nadere ondersoek onthul nog woorde - enbloc/total capsulectomy explant en dat beskikbare data en navorsing ten sterkste 'a full capsulectomy/enbloc with capsule and tissue removal' aanbeveel.   

My verslawende voorliefde om woorde van kies tot kies te rol, sterf geweldadig in die uitspoegproses. Al wat oorbly is die galsmaak van selfverwyt wat soos altyd te laat kom.

Al wat ek nou verseker weet is die volgende:
Explant is your first step in this healing journey... NOT an instant miracle cure!

Vir meer inligting:
https://journals.lww.com/plasreconsurg/pages/articleviewer.aspx?year=2019&issue=03001&article=00007&type=Fulltext

https://www.youtube.com/watch?v=WwbvURBqcJY

https://www.fda.gov/medicaldevices/productsandmedicalprocedures/implantsandprosthetics/breastimplants/ucm064106.htm

https://aestheticplasticsurgeons.org.au/news/breast-implants-removal-what-to-expect/

https://www.youtube.com/watch?v=vjDMBYQM19o

As jy wil aansluit by 'n ondersteuningsgroep:
https://www.facebook.com/groups/Healingbreastimplantillness/

« Last Edit: March 21, 2019, 12:48:40 AM by Meraai vannie Baai »

Offline Meraai vannie Baai

  • Global Moderator
  • Wysgeer
  • Posts: 2698
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #512 on: March 21, 2019, 02:12:50 AM »
Ek kan nie glo dat dit wat jy so bitter graag wou he, nou so bitter nasmaak het.

« Last Edit: March 21, 2019, 02:29:59 AM by Meraai vannie Baai »

Offline Meraai vannie Baai

  • Global Moderator
  • Wysgeer
  • Posts: 2698
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #513 on: March 26, 2019, 09:22:25 PM »
Voor operatiewe narkose-ondersoek noodsaaklik vir die PH pasient:

Ons het gister die afspraak met onkologiese chirurg Dr Lee gehad vir verwydering van gebarste borsprosteses. Was gerusgestel deur sy eenvoudige verduideliking van die prosedure sonder dat ons regtig nodig gehad het om 'n vrag vrae te vra. Was gereed vir dit - die ondersteuningsgroep het 'n saamgestelde lys van vrae wat ek op 'n later stadium sal opsom en kom deel vir PH pasiente met bors-prostese probleme.

In die groep waarby ek aangesluit het in AUS en NZ is daar 2 PH'ers (die uwe ingesluit).

Die mede PH'er met dieselfde probleme het gister gehoor weens die feit dat sy bloedklonte in longe het, dat die risiko te groot is om die warfarin dosis te stop vir  die prosedure en dan weer te neem, weens die gevaar van bloeding en klontvorming. Haar plastiese chirurg en narkotiseur het altwee geweier om voort te gaan met operasie.

Ons het gister weer Xtrale van my longe gehad om die gevaar van klonte uit te skakel. Vandag doen hulle ook weer 'n EKG en daarna sal die uitslae seker die finale besluit beinvloed.

Dr Lee het aan ons verduidelik dat hy bereid sal wees om voort te gaan met die verwydering (explant) indien die ICU narkotiseur vandag die groen lig gee vir 20% of minder kans vir 'mortality' tydens narkose met PH. Hulle het ook aangevra vir al die vorige verslae van die kardioloe en narkotiseurs wat reeds betrokke was met en na diagnose van die asemdief.

Ek wil graag ook noem dat ons uitstekende diens ontvang het van alle personeel by die spreekkamer, hospitaal en lab in Toowoomba QLD.

Dit was 'n voorreg en plesier om onder die senutergende, netelige omstandighede rakende die situasie, soveel menslikheid en omgee te ervaar. Nie almal is so gelukkig nie, Vroue getuig van persoonlike ervarings van verbale aanvalle wat selfs 20 minute duur en dit tydens die neem van EKG!

Vir meer inligting:
https://www.uptodate.com/contents/anesthesia-for-noncardiac-surgery-in-patients-with-ischemic-heart-disease?fbclid=IwAR3BkQVhf5VknviIs9D1i4IvTsSWZoJhvkp7i_pNfYdSvTHabNowHw4rrBI

https://www.uptodate.com/contents/perioperative-management-of-heart-failure-in-patients-undergoing-noncardiac-surgery
« Last Edit: March 26, 2019, 11:05:46 PM by Meraai vannie Baai »

Offline Meraai vannie Baai

  • Global Moderator
  • Wysgeer
  • Posts: 2698
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #514 on: April 08, 2019, 11:34:15 PM »
Ek is terug aan't huise. Die giftige sakkies en hulle omhulsels is verwyder. Nou stap ons opgewonde aan op die kronkelpad van genesing en waarneming om te sien hoeveel van die BII (breast implant illness) simptome het oorvleuel met die asemdiefsimptome. Op die oomblik is swelling en kneusing nogals erg ongemaklik maar ons besef dat tyd heling gaan bring.

Die ICU narkotiseur het aangedring op 'n nuwe echo om die PH drukking vas te stel wat nou gedokumenteer is as 60mmHG en daarvolgens was 'n wonderlike spanpoging saamgestel en daar was geen nagevolge van narkose soos gewoonlik nie. Ek het 16 ure in die intensiewe versorgings eenheid deurgebring sodat alles dopgehou kon word en is daarna oorgeplaas na die chirurgiese saal.

Die verwydering van die prostese en omhulsels was gedoen deur die oncoplastic breast surgeon. 'n Man met eg menslike optrede teenoor sy pasiente. Sal my huisdokter ewig dankbaar bly vir die verwysing na hom toe en nie net 'n gewone 'plastiese snydokter' in die volksmond nie.

Vooraf was die grootste uitdaging, die voorbereiding waarvan my warfarindosis aangepas moes word voor die prosedure tot op 'n INR telling van 1.1 met gepaardgaande inspuitings twee maal per dag om bloedklontvorming te voorkom.

'n Dag na operasie het die proses begin om die telling weer op veilige vlak terug te kry. Dosis is van 7.5mg opgeskuif na 10, en toe na 12. Die hoogste wat ek nog moes neem. Na vyf dae in die hospitaal was die laaste dosis net 5mg vir twee dae oor die naweek en ek het gister weer 'n INR bloedtoets gehad.

Ons kry vandag die uitslae en nuwe dosis.

Ter opsomming: Ons is nog besig met waarnemings maar tot dusver kan ek saam met duisende ander vroue getuig dat die eerste gewaarwording was die gemak waarmee jy skielik weer kan asemhaal. Die suurstofaanvulling was net nodig terwyl ek in ICU was.

Die sementgevoel wat my gekelder het vir die afgelope jare, het saam met die gifsakkies verdwyn. Ons is opgewonde om te sien hoeveel, en OF hierdie inwendige vergiftiging wel die PH drukking beinvloed het. 'n Nuwe hoofstuk...



« Last Edit: April 09, 2019, 12:11:14 AM by Meraai vannie Baai »

Offline adele

  • Bouspan
  • Hardebaard
  • Posts: 1679
  • Gender: Female
  • gryp na môre in klein-klein stukkies
Re: 'n Hand en tand bekgeveg teen die asemdief PH (Pulmonale Hipertensie)
« Reply #515 on: April 09, 2019, 09:06:44 AM »
Ek lees en lees, moes weer teuggaan hier op jou spoor om regtig te besef wat die impak van jou sakkies was. Maar sowaar, nooit sal ek wonder hoekom jy dit desjare terug gevra het nie, ken ek nie die idee van kurwetjies nie? En hoeveel mense het nie 'n hupstootjie met die linkervoet nodig gehad vir bietjie selfvertroue nie?

maar sjoe, dat jy nou selfs beter asemhaal, wat 'n wonderlike voorreg en verligting, liefste Raaitjie, ongelooflik om te dink wat die verligting vir jou fisies beteken en geestelik moet wees. Ek is soooo bly om dit te weet. Pas jou ekstramooi op, dankie dat Outop jou aan sy sy het.
« Last Edit: April 09, 2019, 01:29:07 PM by adele »
adéle  :grommit: