Author Topic: 'n Hand en tand bekgeveg teen die asemdief PH (Pulmonale Hipertensie)  (Read 153066 times)

0 Members and 1 Guest are viewing this topic.

Offline Meraai vannie Baai

  • Global Moderator
  • Wysgeer
  • Posts: 2817
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #435 on: September 21, 2018, 09:40:00 AM »
Vir ons nuutgediagnoseerde leser of as jy inligting soek vir 'n vriend(in), familielid of versorger van 'n PH lyer is:


Offline PM

  • Administrator
  • Meester
  • Posts: 9517
  • Gender: Female
Re: 'n Hand en tand bekgeveg teen die asemdief PH (Pulmonale Hipertensie)
« Reply #436 on: September 21, 2018, 12:18:50 PM »
My groot wens is dat die ander mediese onderwerpe ook soveel aandag kry soos hierdie een Raaitjie.  Jy weet hoe ek voel.  Hierdie onderwerp en die hulp wat dit aan PH lyers bied, die liefde en aandag wat jy hier inpak, maak hierdie forum deur en deur die moeite werd.  Alles te danke aan jou.  Ek knak   MY  knieg vir jou en is werklik baie dankbaar. 
Kyk hoeveel keer is hierdie onderwerp gelees, en dit is nog ver van klaar af. 
Om te weet is om te verstaan.

Offline Meraai vannie Baai

  • Global Moderator
  • Wysgeer
  • Posts: 2817
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #437 on: September 24, 2018, 11:36:12 PM »
Ek waardeer jou woorde en gereelde inloer opreg PM. As iemand inligting plaas oor mediese onderwerpe dink ek is dit belangrik dat hulle gereeld terugvoering gee en nuwe inligting waar moontlik, plaas. Dit verg redelike navorsing en jy moet weet dat die persone wat gaan lees slegs die is wat belang het by die onderwerp hetsy dit as pasient, versorger of 'n bekommerde familielid is.

Soos altyd: 'we share because we care!' 

As jy paaie gekruis het met 'n kroniese toestand en in die proses inligting oor jou eie ervarings daarmee kan deel, voel dit vir my persoonlik of dit darem 'n doel dien in die lewe en ek onthou so goed hoe magteloos 'n mens voel as jy begin soek na betroubare inligting na diagnose - veral rakende 'n raar toestand soos PH wat ekstra las op die werking van jou hart plaas en kan lei tot hartversaking (heart failure).

Dit was dan ook die eerste woorde wat ek gehoor met my eie diagnose: "Daar is abnormale drukking in jou hart en longare. As dit nie behandel word nie gaan jy hartversaking kry en dit kan fataal wees."

Hierna het die nagmerrie van toets op toets gevolg wat soos 'n leeftyd voel want dit duur voort. Maar in die proses begin die simptome uiteindelik sin maak soos wat jy kennis inwin van wat presies PH behels en hoe belangrik dit is dat jy weet watter soort pulmonale hipertensie jou pad gekruis het en jou mediese span spesialiste 'n behandelingsplan voorhou wat jou lewenskwaliteit kan verbeter aangesien daar nog geen cure vir PH is nie.

Een van die simptome van die asemdief nl. onreelmatige hartklop (palpitations) hou dan ongelukkig ook altyd 'n wesenlike gevaar van klontvorming in. Dit is dus nodig dat ons 'n klein bietjie insig rondom die vorming van klontjies en die behandeling daarvan verstaan. Dokter Warrick verduidelik hierdie proses van klontvorming baie eenvoudig in die *skakel (sien bron vir verdere inligting.)

In eenvoudigste terme is daar volgens hom twee hoofkomponente wat aanleiding gee tot die vorming van 'n klont. Een van die komponente is die klein deeltjies wat uit die beenmurg kom nl. bloedplaatjies. Hulle is kleurloos en deel van wat 'n stolsel (klont) vorm.

Die ander komponent in samewerking met bloedplaatjies, is 'n sterk kruisbruggende strandproteïen genaamd fibrien. Dit vorm 'n gaaswerk en hierdie netwerk met bloedplaatjies vorm die stolsel.

As die bloedvate beskadig word, word die inhoud van die bloedvate bewus daarvan omdat proteïene en merkers wat normaalweg nie aan die sirkulasie blootgestel word nie, nou blootgestel is. Sodoende kom die bloedplaatjies in kontak met reseptore wat hulle normaalweg nie sou nie.

Dié reseptore aktiveer die bloedplaatjies en veroorsaak dat hulle veranderinge ondergaan ter voorbereiding van die vorming van 'n stolsel. Terselfdertyd vind 'n proses van verskillende faktore plaas om fibrien te produseer.

*Vir meer inligting: http://drwarrickbishop.com/ep19-how-clots-occur/
« Last Edit: September 24, 2018, 11:38:49 PM by Meraai vannie Baai »

Offline Meraai vannie Baai

  • Global Moderator
  • Wysgeer
  • Posts: 2817
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #438 on: September 25, 2018, 06:36:35 AM »
BLACK BOX WAARSKUWINGS OP MEDIKASIE

Weet jy wat 'n 'black box warning' op voorgeskrewe medikasie soos bv. Pradaxa (om bloedklonte te voorkom en te behandel) beteken?

A black​ ​box ​warning is a​ ​consumer​ ​warnings ​with​ ​a​ ​black​ ​border​ ​placed​ ​on​ ​labels​ ​calling​ ​out​ ​the​ ​product’s serious​ ​health​ ​risks. Black Box warnings are not something to take lightly. For the FDA to warn about a drug means it’s pretty bad. The last stop before a recall notice!

Pasiënte wat byvoorbeeld ophou om Pradaxa te neem sonder om 'n antikoagulasie protokol te volg, het 'n verhoogde risiko van beroerte. Newe-effekte van Pradaxa sluit in ernstige interne bloeding, beroerte, nierversaking, lewerversaking en hartaanvalle.

By ouer pasiënte is daar 'n beduidende neiging tot interne bloeding. Na slegs die eerste twee jaar op die mark was die antistolmiddel, Pradaxa, aan meer as 500 sterftes gekoppel. Daardie getal is nou in die duisende.

Lees asseblief die inligting op onderstaande skakels.

https://www.consumersafety.org/drugs/pradaxa/

Nog 'n black box waarskuwing verskyn ook op CIPRO (voorgeskryf vir bakteriese infeksies)
Ciprofloxasien is 'n antibiotika genaamd "fluorokinolone" en sluit in Levaquin en Avalox wat gebruik word om verskeie bakteriese infeksies te behandel soos chroniese brongitis, aansteeklike diarree, urienweginfeksies (UTI's) en meer.

Hoekom 'n Black Box waarskuwing?

Verhoogde risiko van tendonitis en tendonbreuk (insluitend Achillespees)
Voorkoms van akute lewerskade.
Senuweestelselskade en neurotoksisiteit. (Verslae gevind in meer as 300 studies).

Vir 'n lys van nog medikasie wat 'n black box waarskuwing het, volg hierdie skakel asseblief!

https://deeprootsathome.com/black-box-warnings-drugs/

« Last Edit: September 25, 2018, 06:54:13 AM by Meraai vannie Baai »

Offline Meraai vannie Baai

  • Global Moderator
  • Wysgeer
  • Posts: 2817
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #439 on: September 25, 2018, 11:26:25 PM »
Ek glo met  my hele menswees dat Megan Marjorie se woorde 'n spieëlbeeld sal wees vir elkeen wat lewe met 'n kroniese siektetoestand. Haar uitdrukking van 'ek is 'n professionele pasiënt' het my diep getref en wil graag haar wysheid deel met diegene wat ook 'professionele pasiënte' is.

Om siek te wees, is nie wie jy is nie. Dit is net iets waarmee jy moet saamleef.

Ek sal lieg as ek sê my siekte het my nie beperk nie. Dit het om 'n "suksesvolle" lewe te lei volgens anders se maatstaf, verfonkfaai.

As gevolg van my siekte het ek geleer dat ek krag besit wat die meeste gesonde mense sou beny.

As gevolg van my siekte het ek geleer dat die lewe 'n geskenk is wat nie vermors moet word nie, so ek behandel dit dienooreenkomstig.

Wanneer die geleentheid vir avontuur kom, gryp ek elke geleentheid aan, alhoewel ek later later fisies gaan betaal vir die pret beleef. Ek maak seker dat die genot ervaar, elke ons van pyn agterna die moeite werd gaan maak.

As gevolg van my siekte kan ek skoonheid en vreugde vind in selfs die mees alledaagse of pynlike ervarings.

As gevolg van my siekte het ek my 'stem' gevind. Ek het my passie gevind. Ek wil hê ander moet weet dat 'n lewe vol pyn en stryd nog steeds 'n pragtige en wonderlike vol lewe kan wees.

Dit mag nie vir 'n gehoor van duisende wees nie, maar ek het geleer dat wat ek moet sê en wat ek skryf, saak maak.

Deur my ervarings te deel, kan ander minder alleen voel, maak nie saak wat hulle beleef en ervaar nie.

My lewe mag nie wees wat ander as "suksesvol" beskou nie - maar ek is trots op wie ek is en wat ek bereik het.

En my toekoms, hoe lank dit ookal gaan wees, mag dalk nie die wêreld se weergawe van "suksesvol" wees nie maar dit sal pragtig en die moeite werd wees, want ek werk hard daaraan om my lewe te laat draai om die dinge wat ek lief het en ek is trots daar op.

BRON: https://themighty.com/2018/09/hearing-im-sorry-being-chronically-ill/?utm_source=engagement_bar&utm_medium=facebook&utm_campaign=facebook_share
« Last Edit: November 01, 2018, 09:22:05 PM by Meraai vannie Baai »

Offline Naas

  • Global Moderator
  • Hardebaard
  • Posts: 1832
  • Gender: Male
  • K.N.A.P. (Kan Naas Afrikaans Praat of wat?)
Re: 'n Hand en tand bekgeveg teen die asemdief PH (Pulmonale Hipertensie)
« Reply #440 on: September 26, 2018, 03:42:39 AM »
Ek is wie ek is omdat ek is... probeer my keer...


 :icon_bigsmurf:
Ek is maar net een, maar ek ís een.

Offline Meraai vannie Baai

  • Global Moderator
  • Wysgeer
  • Posts: 2817
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #441 on: September 26, 2018, 06:37:26 AM »
Amen!  :love7: :hello2: :notworthy:

Offline Anastasia

  • Regular Members
  • Snuiter
  • Posts: 421
  • Gender: Female
  • My taal is Liefde
Re: 'n Hand en tand bekgeveg teen die asemdief PH (Pulmonale Hipertensie)
« Reply #442 on: September 27, 2018, 07:16:02 AM »
Ek is eindelik weer tuis. Dankie vir die goeie wense. Die uitslae van die toetse was goed. Die Angiogram toon mooi oop are, geen hartskade. Verdere longskanderings en longfunksietoetse toon dat vir my jare en onaktiwiteit die longfunksie heel goed is. Die spesialis rule uit dat dit pulminere hipertensie kan wees.

Alhoewel ek steeds so naar voel, met 'n beklemming om die bors en hartkloppings met duisel spells, weet ons nou daardie dinge is reg.

Ek het wel 'n erg flukturerende glukose en suiker vlak, wat ek met regte dieet onder beheer moet kry. Ek het in verlede juis 'n soet ding gegryp as ek so voel, wat die vlakke natuurlik verder versteur het.

Goeie nuus is dat ek ook nou 'n afspraak het agv al die omswerwinge by 'n goeie rumatoloog wat my rumatiek en lupus verder gaan ondersoek en behandel, en ook 'n ortopeed, wat gaan poog om my skeefgetrekte 'chassis' stuk vir stuk reg te kry, van die enkels, knieee en heupe af. Hopelik kan ek dan ook meer aktief weer raak.

So, alles maar ieperkonders van 'n ou vrou!
Ek huppel en dans deur die lewe met drie bene!

Offline Meraai vannie Baai

  • Global Moderator
  • Wysgeer
  • Posts: 2817
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #443 on: September 27, 2018, 07:26:46 AM »
 :love7: :hello2: :notworthy: :icon_salut: :`ip2:

Beste nuus. Baie dankie dat jy laat weet het liefste mater van ons. Sterkte vir jou pad vorentoe. Ek glo jy gaan die wenpaal stralende bereik met elke doelwit wat jy wil bereik!

Offline Meraai vannie Baai

  • Global Moderator
  • Wysgeer
  • Posts: 2817
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #444 on: October 19, 2018, 04:18:28 AM »
Pasiënte met 'n kombinasie van hart- en longprobleme weet hoe belangrik dit is om so gou as moontlik behandeling te ontvang indien jy griepsimptome toon. Dit is soms moeilik om te onderskei tussen verkoue en griep.

« Last Edit: October 19, 2018, 05:56:45 AM by Meraai vannie Baai »

Offline PM

  • Administrator
  • Meester
  • Posts: 9517
  • Gender: Female
Re: 'n Hand en tand bekgeveg teen die asemdief PH (Pulmonale Hipertensie)
« Reply #445 on: October 19, 2018, 10:44:09 AM »
Dankie vir die uitwys van verskillende toestande.  Dit sal handig te pas kom Raaitjie. 
Ek is dankbaar dat jy goeie ruseltate gehad het Anastasia. 
Om te weet is om te verstaan.

Offline Meraai vannie Baai

  • Global Moderator
  • Wysgeer
  • Posts: 2817
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #446 on: November 01, 2018, 12:45:54 AM »
Dit is weer November - en dit beteken bewusmakingsveldtogte van die asemdief. 



Benoud & Uitasem na ligte inspanning? Pyn op die bors & Hartkloppings? Duiselig & Naar? Geswelde bene/enkels & maag? Intense moegheid & blou lippe/vel? Onverklaarbare floutes en ongemak na ete? Hierdie is simptome wat jy nooit ligtelik moet opneem of verontagsaam nie! Dit kan 'n aanduiding wees van abnormale drukking in jou hart en longare.

Raadpleeg jou dokter en dring aan om deur 'n mediese span wat kennis dra van pulmonale hipertensie, getoets te word. PH kan NIE met 'n gewone bloeddrukapparaat om jou arm gemeet word nie!

Offline PM

  • Administrator
  • Meester
  • Posts: 9517
  • Gender: Female
Re: 'n Hand en tand bekgeveg teen die asemdief PH (Pulmonale Hipertensie)
« Reply #447 on: November 01, 2018, 12:41:51 PM »
Ons dink aan julle, ek dink dit gaan makliker as dit koeler is?
Om te weet is om te verstaan.

Offline Meraai vannie Baai

  • Global Moderator
  • Wysgeer
  • Posts: 2817
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #448 on: November 01, 2018, 09:21:22 PM »
Baie belangrike vraag PM. Verseker word PH beinvloed deur sekere klimaatsfaktore.  Dit is belangrik dat pasiënte bewus is daarvan.

Koue weer vererger benoudheid omdat dit jou meer uitasem maak en wintermaande hou groter gevaar in vir verkoues, griep en longontsteking. Pasiënte word aangeraai om serpe te dra waarmee jy ook jou gesig teen die koue lug kan beskerm. Die dra van 'n masker wanneer jy in groot winkelsentrums inkopies doen is ook baie wys aangesien kieme selfs met 'n nies versprei en ingeasem kan word. Sorg dat jy warm aangetrek is. 'n Lekker mus en handskoene help beslis. Tuis is pantoffels en troetelkombers 'n teenvoeter vir die koue vyand. Dit word ook aanbeveel dat jy 'n warm kombers in die motor hou - veral vir diegene waar dit sneeu gedurende die koue maande.

Onthou dat droë, warm lug ook jou longe irriteer.  Besoedelde lug is een van die grootste sondebokke.  :crybaby2:

Baie warm weer kan simptome vir PH-pasiënte vererger en hul risiko van hitte-uitputting en dehidrasie verhoog. Vermy kafeïen en alkohol. Onthou om voorgeskrewe vogbeperking ingedagte te hou. Dit sal dalk nodig wees dat jy hierdie beperking met jou PH spesialis bespreek gedurende erge hittegolwe!

Dra ligte, los klere, gebruik 'n goeie sonblok en dra 'n wye sonhoed. Probeer om in 'n lugversorgde omgewing te bly, rus gereeld en vermy onnodige uitputting gedurende die warmste deel van die dag. 'n Waaier kan verliging bring maar is nie genoeg tydens hittegolwe nie. Oorweeg 'n besoek aan die biblioteek of sentrums waar daar lugversorgers is. 'n Koue stort of bad sal ook help. 'n Nat koel waslap of klein handdoekie oor jou gesig is ook 'n ware lafenis tydens intense hitte.

Hoë hoogtes het 'n beduidende impak op PH pasiënte. Lae atmosferiese druk veroorsaak laer suurstofvlakke in die bloed en die bloedvate in die longe vernou, wat 'n toename in pulmonale druk veroorsaak, beide in PH pasiënte en gesonde mense. Dit kan veroorsaak dat simptome vererger en meegaande afname in oefenvermoë.

Lae humiditeit sal ook jou longe affekteer.

Hierdie skakel het wonderlike inligting:
https://phassociation.org/patients/living-with-ph/climate-and-ph/

« Last Edit: November 01, 2018, 09:23:09 PM by Meraai vannie Baai »

Offline Meraai vannie Baai

  • Global Moderator
  • Wysgeer
  • Posts: 2817
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #449 on: November 02, 2018, 01:30:11 AM »
"Maar jy lyk nie siek?!"
"Jy lyk dan so gesond?!"
"Het jy al die of daai probeer...?"
"Dalk liewers 'n sielkundige raadpleeg...?!"
"Wonder hoekom straf die Here party mense so?"
"Jy moet familievloeke afsny, ons bid bid en jy bly dan siek!"

 :icon_scratch: :pottytrain5: :dontknow:


« Last Edit: November 03, 2018, 12:36:55 AM by Meraai vannie Baai »