Author Topic: 'n Hand en tand bekgeveg teen die asemdief PH (Pulmonale Hipertensie)  (Read 128366 times)

0 Members and 2 Guests are viewing this topic.

Offline PM

  • Administrator
  • Meester
  • Posts: 9165
  • Gender: Female
Re: 'n Hand en tand bekgeveg teen die asemdief PH (Pulmonale Hipertensie)
« Reply #405 on: July 24, 2018, 02:15:25 PM »
Lekker lag ek nou!  Jou sin vir humor is pragtig matertjie.   :love7:
Om te weet is om te verstaan.

Offline Meraai vannie Baai

  • Global Moderator
  • Hardebaard
  • Posts: 2271
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #406 on: August 03, 2018, 12:06:09 AM »
Jy mag maar lekker lag liefste PM. Ek lag met graagte saam want optimisme is die beste gratis 'doepa' vir emosionele welsyn.  Navorsing het die invloed van postiewe uitkyk op die lewe, ondersoek in 'n studie om die rol van 'Lewenstevredenheid en Optimisme' te bepaal by pasiënte met PH - Ek wil graag 'n gedeelte daaruit deel vanoggend.

"Depressie en Angs by Pasiënte met Pulmonale Hipertensie".

Navorsers in Spanje het 'n studie gedoen om vas te stel of die vlakke van lewensbevrediging en optimistiese uitkyk help om simptome van depressie en angs wat in 'n groep PH pasiënte voorgekom het, te verduidelik.

Hulle het bevind dat PH pasiënte baie hoër vlakke van angs as depressie gehad het, en dat simptome van angs beduidend voorspelbaar was vir die kwaliteit van lewe, meer as die erns van die siekte!

Hierdie resultate dui daarop dat emosionele welstand van mense met PH, veral met betrekking tot die vlakke van angs en depressie, beter verduidelik kan word deur die pasiënt se lewensomstandighede in ag te neem en nie die erns van hul siekte alleen nie, aangesien dit die gevolge van pulmonale hipertensie kan reguleer/moduleer," het die navorsers bevind.

En hulle het beklemtoon dat "die hoër voorkoms in hierdie monster van klinies-betekenisvolle simptome van angs, in vergelyking met depressie, daarop dui dat gevoelens van vrees en onsekerheid spesiale aandag onder pasiënte met pulmonale hipertensie vereis."

Bron:
https://pulmonaryhypertensionnews.com/2018/08/02/emotional-well-being-of-pulmonary-hypertension-patients-not-set-by-ph-severity-study-says/?utm_medium=desktop-push-notification&utm_source=Notifications&utm_campaign=OneSignal

Vir die ouens wat meer wil lees oor wat angs/spanning in ons liggaam veroorsaak:
http://forum.afrikaanseforum.co.za/index.php?topic=4266.msg28685;topicseen#msg28685


« Last Edit: August 13, 2018, 03:16:39 AM by Meraai vannie Baai »

Offline PM

  • Administrator
  • Meester
  • Posts: 9165
  • Gender: Female
Re: 'n Hand en tand bekgeveg teen die asemdief PH (Pulmonale Hipertensie)
« Reply #407 on: August 03, 2018, 04:48:57 PM »
Ek stem.  Om vir jouself te kan lag is ook 'n gawe.  Dankie tog vir laggies. 
Om te weet is om te verstaan.

Offline PM

  • Administrator
  • Meester
  • Posts: 9165
  • Gender: Female
Re: 'n Hand en tand bekgeveg teen die asemdief PH (Pulmonale Hipertensie)
« Reply #408 on: August 03, 2018, 04:52:51 PM »
Ek het nou net gou gaan kyk wanneer hierdie onderwerp geplaas is, toe sien ek weer hoe pragtig jy die toestand verduidelik het.  Weet jy hoeveel is 123,000 kere gelees?  Dit wil gedoen word!   :notworthy:
Om te weet is om te verstaan.

Offline Meraai vannie Baai

  • Global Moderator
  • Hardebaard
  • Posts: 2271
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #409 on: August 09, 2018, 01:21:49 AM »
Dankie vir jou gereelde ondersteuning en omgee mater. Ek besef dat dit nie opbeurend is om oor die onderwerpe te gesels nie maar die leserstal staaf die feit dat daar wel mense is wat opsoek is na inligting in Afrikaans oor skeet en kwaal hetsy (on)geneesbaar.

Ons PH gemeenskap treur vandag na nog 'n mater haar vlerke verdien het en nou vrylik asemhaal. Sy was 'n inspirasie vir ons met haar unieke humorsin. Met haar toestemming vooraf verleen, wil ek graag hierdie deel ter nagedagtenis. Haar byskrifte by geleende fotos is kosbaar en sy het gereeld genoem dat ons asb. vrymoedigheid moet neem en deel.

RIP Lilly.



« Last Edit: August 09, 2018, 11:33:01 PM by Meraai vannie Baai »

Offline Anastasia

  • Regular Members
  • Snuiter
  • Posts: 414
  • Gender: Female
  • My taal is Liefde
Re: 'n Hand en tand bekgeveg teen die asemdief PH (Pulmonale Hipertensie)
« Reply #410 on: August 09, 2018, 06:55:42 AM »
Kosbare foto.  Ek het op facebook gelees, en het direk hierheen gekom om met jou te gesels.  Sonder dat ek geweet het jy het hier gedeel.  Ek wou vir jou sê dat elke keer as 'n mater of geliefde aan dieselfde swaar pakkie wat jy self dra, struikel en die ewigheid in vlieg, dit hard aan jou eie vel pluk.  Ek weet.  So, ek hou jou styf vas in my metaforiese arms vandag.
Ek huppel en dans deur die lewe met drie bene!

Offline Meraai vannie Baai

  • Global Moderator
  • Hardebaard
  • Posts: 2271
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #411 on: August 09, 2018, 07:00:48 AM »
Ek weet jy verstaan, spesiale drukkie vir jou Anastasia.  So hou ons mekaar in die gees vas. Soos jy se, elkeen het sy eie swaar pakkie om te dra maar die omgee van maters soos wat ons hier het, is kosbaar!
 :love7:

Offline Anastasia

  • Regular Members
  • Snuiter
  • Posts: 414
  • Gender: Female
  • My taal is Liefde
Re: 'n Hand en tand bekgeveg teen die asemdief PH (Pulmonale Hipertensie)
« Reply #412 on: August 09, 2018, 07:08:41 AM »
 :icon_flower: :love6:
Ek huppel en dans deur die lewe met drie bene!

Offline Meraai vannie Baai

  • Global Moderator
  • Hardebaard
  • Posts: 2271
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #413 on: August 13, 2018, 03:17:24 AM »
Nie alle siektes is sigbaar of geneesbaar nie maar midde kroniese ongesteldhede is daar innerlike heling te vind in iets so alledaags as 'n glimlag - al lyk dit soms meer na 'n grimlag  :icon_biggrin:


Offline PM

  • Administrator
  • Meester
  • Posts: 9165
  • Gender: Female
Re: 'n Hand en tand bekgeveg teen die asemdief PH (Pulmonale Hipertensie)
« Reply #414 on: August 13, 2018, 11:40:02 AM »
Dit is soooo pragtig!  Lief jou stinkend my maatjie. 
Om te weet is om te verstaan.

Offline Meraai vannie Baai

  • Global Moderator
  • Hardebaard
  • Posts: 2271
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #415 on: August 13, 2018, 11:47:36 AM »
 :love7: Jy is dierbaar verby! Lief jou meer PM.

Offline Meraai vannie Baai

  • Global Moderator
  • Hardebaard
  • Posts: 2271
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #416 on: August 23, 2018, 11:53:41 PM »
UITEINDELIK! Is dit moontlik dat daar vir pasiënte met linkerhartversaking in die asemdief-oorlog, 'n lig in die PH tonnel begin skyn?

 :read2: :notworthy: :icon_salut:

Behandeling met Milrinone verbeter hartfunksie by pasiënte met PH as gevolg van linkerhartsiekte het 'n nuwe studie bevind

Tot op hede is daar geen goedgekeurde terapieë vir pasiënte met PH as gevolg van linkerhartsiekte (PH-LHD) nie. Ten spyte van die feit dat verskeie pulmonale arteriële terapieë ondersoek is, het niemand nog kon bewys dat hierdie behandelinge, effektief vir PH pasiënte met linkerhartsiektes is nie.
 :crybaby2:

Gevolglik is daar 'n behoefte om "alternatiewe middels te ondersoek wat effektief is teen hierdie vorm van PH en om hul doeltreffendheid te bewys," het navorsers geskryf.

Milrinone, beskikbaar onder die handelsnaam Primacor (onder andere), is 'n algemene behandeling vir hartversaking, en kan waarskynklik 'n terapeutiese effek op PH-LHD hê.

Navorsers het die gebruik van milrinon getoets in 60 pasiënte met PH-LHD, wat almal konvensionele behandeling vir hartversaking ontvang het. Die navorsingsdwelm wat in die studie gebruik is, was 'n milrinone-inspuiting, vervaardig deur Nonan Bate Pharmaceuticals in China.

Voor en na behandeling het al die pasiënte (die wat behandel was met milrinon en die wat konvensionele behandeling ontvang het) 'n ekkokardiogram ondergaan sowel as 'n ultraklankskandering wat intern na die hart en nabygeleë bloedvate kan kyk,  Bloedmonsters is ook geneem en ontleed.

Resultate het getoon dat behandeling met milrinone die PH-LHD-pasiënte se pulmonale arteriële sistoliese druk (PASP) aansienlik verminder het, terwyl geen effekte gesien is by pasiënte wat met konvensionele terapieë behandel is nie.

Verder, met 'n dosis van 0,5 mikrogram / kg / minuut, het milrinoon uitstekende doeltreffendheid getoon en die hart se linker ventrikelstruktuur en funksie van pasiënte met ligte tot matige PH-LHD het aansienlik verbeter.

Aangesien net 2 uit die 60 pasiënte ernstige PH-LHD gehad het in groepe A en groep B, kon navorsers nie die effektiwiteit van die terapie in hierdie spesifieke groep evalueer nie.

Die instandhoudingsdosis van milrinoon het gedurende die verloop van die behandeling geen beduidende nadelige reaksies veroorsaak nie.

Algehele resultate dui daarop dat "'n klein dosis milrinoon PASP aansienlik kan verminder in pasiënte met ligte (mild) en matige (moderate) PH-LHD, en die hartstruktuur, hartfunksie en biochemiese indekse aansienlik verbeter," het navorsers geskryf.

In toekomstige studies kan die milrinone instandhoudingsdosis binne die vermelde dosis verhoog word, om te sien of hartfunksie en -struktuur, PASP en toetsaanwysers van pasiënte met PH-LHD verbeter kan word en of nadelige effekte gaan toeneem met hoër dosisse het hulle bygevoeg.

Bron: https://pulmonaryhypertensionnews.com/2018/08/23/study-examines-milrinone-role-patients-ph-due-to-left-heart-disease/?utm_medium=desktop-push-notification&utm_source=Notifications&utm_campaign=OneSignal
« Last Edit: August 24, 2018, 06:12:10 AM by Meraai vannie Baai »

Offline PM

  • Administrator
  • Meester
  • Posts: 9165
  • Gender: Female
Re: 'n Hand en tand bekgeveg teen die asemdief PH (Pulmonale Hipertensie)
« Reply #417 on: August 24, 2018, 04:44:15 PM »
Ek glo almal staan saam en hou styf duime vas dat daar 'n helder lig in die tonnel is Raaitjie.  Dankie nogmaals vir die inligting wat jy so getrou oordra.  Jy is in elk geval 'n liggie in ons gange. 
Om te weet is om te verstaan.

Offline Meraai vannie Baai

  • Global Moderator
  • Hardebaard
  • Posts: 2271
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #418 on: August 25, 2018, 03:21:50 AM »
As jy nie die gange vir ons geskep het en in stand hou liefste PM, kan niemand se liggies hier skyn nie. Wil net weer kom dankie skryf vir ses jaar se omgee en ondersteuning. Die forum is vir my 'n toevlug in baie opsigte.

 :love7: :notworthy:

Offline Naas

  • Global Moderator
  • Hardebaard
  • Posts: 1712
  • Gender: Male
  • K.N.A.P. (Kan Naas Afrikaans Praat of wat?)
Re: 'n Hand en tand bekgeveg teen die asemdief PH (Pulmonale Hipertensie)
« Reply #419 on: August 25, 2018, 07:49:24 AM »
Ditto Ta Raaitjie. Onse Forummoeder het 'n groot omgee hart. Ek wil vir Hannes hierby insluit. As hy nie so mooi na mammie kyk nie...


 :icon_bigsmurf:
Ek is maar net een, maar ek ís een.