Author Topic: 'n Hand en tand bekgeveg teen die asemdief PH (Pulmonale Hipertensie)  (Read 150065 times)

0 Members and 2 Guests are viewing this topic.

Offline Meraai vannie Baai

  • Global Moderator
  • Wysgeer
  • Posts: 2778
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #465 on: November 13, 2018, 08:03:34 AM »
Dankie vir omgee weereens mater. Ons dra werklik mekaar se welstand op die harte.  :love7: :notworthy: Wonderlike voorreg om die inligting wat ons self ervaar op ons onderskeie paaie met skete en kwale te kan deel omdat ons omgee. Ek sien ons leserstal staan nou op 130 026.  My hart klop warm!

Van harte gepraat - ek het reeds in 'n hele paar plasings genoem dat die groot vrees vir enige PH pasient altyd maar daar is dat die volgehoue drukking in hart- en longare sal veroorsaak dat die hart nie meer kan byhou onder die verhoogde werks-las om aan die liggaam se behoefte te voorsien vir bloedtoevoer en hartversaking gaan intree.

Hierdie toestand kan dan vererger in so mate dat 'n dubbel long- en hartoorplanting die laaste uitweg is.

Vandag wil ek spesifiek gesels oor die ritmeversteurings wat PH pasiente ervaar. Dit is en bly 'n nare ervaring en mens raak onwillekeurig altyd beangs en die onsekerheid of die PH besig is om uiteindelik die finale tol te eis, vreet jou van binne af op, veral as die versteurings skielik meer intens ervaar word. 

Die laaste paar weke het ek erg las gehad met hierdie kalant en het skoon bedons geword want dokters en spesialiste het net nie tyd of geduld om jou toestand se progressie te verduidelik of jou vrese te besweer met antwoorde wat jy verstaan as leek nie.

Dan doen 'n mens maar waarteen jy gewaarsku word.  :dontknow: en begin soek na betroubare inligting op die internet. Beslis nie nog iets wat die laaste asem uit jou wurg met verdoemende, verouderde of onvolledige inligting nie!

So ontdek ek toe 'n kardioloog se reeks videos oor palpitasies ('n simptoom van beide PH en hartversaking) wat pasiente se lewensgehalte erg benadeel - deels omdat niemand dit presies aan ons verduidelik nie. En natuurlik is dit 'n baie moeilike kalant om op heterdaad te betrap. 

Die hop en skiep gebeur spontaan en gewoonlik sonder enige waarskuwing. Dit verdwyn dan ook weer net so vinnig soos dit verskyn het. Soos 'n lig wat jy aan en afsit.

Na  selfs 'n hele reeks toetse is daar soms nog steeds geen antwoorde nie want nou gedra jou hart hom ewe skielik baie vroom. En jy weet nog steeds nie wat aan die gang is nie. Jy word getroos met die wete dat dit net 'ectopic beats' is en dokter verseker jou haastig dat dit nie gevaarlik is nie!

Jy hoop die naam is nou iewers in jou kreukelkamer in 'n laaitjie gebere waar jy dit tuis weer sal kan uithaal, skelm loer wat dit beteken en dan probeer doen wat voorgeskryf was: onstpan en gaan aan soos voorheen.

En natuurlik - hoe dan anders, die oomblik as jy by die deure uitstap van die hospitaal of spreekkamer..... walla!

Slaan die tromme in jou hartkamer verwoed en  two-step so erg dat jy summier wil begin name neerskryf op jou kinders se erfstukke sodat daar nie bakleiery na jou heengane onstaan wat jou dalk in jou ewige rus ook versteur nie  :bootyshake:

As hierdie vir jou bekend is of jou hart hou van tiekiedraai op 'n sesvoetgat-ritme is dit tyd dat jy gaan sit en luister na die wyse woorde van 'n kardioloog wat sy storie ken; nog omgee vir sy pasiente en almal wat las het van kommerwekkende palpitasies.

Wanneer jy na die eerste video geluister het, glo ek sal jy tyd steel om nog te luister. Ek het weer 'n deel van my lewensgehalte terug gekry en die vrees van onkunde is verdryf. Ek is nou toegerus en weet wanneer is dit regtig nodig om met 'n ritmeversteuring die outbackpad hospitaal toe aan te pak of die ambulans op die hoek te ontbied.

Ek sal die video skakels hier onder plaas asook die UK kardioloog Dr Sanjay Gupta se blad op FB: ttps://www.facebook.com/yorkcardiology1/

https://www.youtube.com/watch?v=dzK0eGOeIDQ
(The 4 types of heart palpitations)

https://www.youtube.com/watch?v=mYAST-rniBQ
(In this video, Dr Sanjay Gupta describes why some people get flutters and others thuds when they experience their ectopics.)

https://www.youtube.com/watch?v=-i3b-ureBxs&fbclid=IwAR2re6jttEkrnHI76HZLJKco8w5BKDTYVw-S82299xYn9f9BSB18BqjQ-iA
(Heart palpitations: Ectopic heart beats - conquering your fear)

https://www.youtube.com/watch?v=zEYlYNmvT-A&fbclid=IwAR2L7gF7Ui_C8mMJfoDoJTO7LIMvBB9bj2eMDLRJqVpz9VP7U7dHLYUJ27I
(Anxiety, ectopics and palpitations)

https://www.youtube.com/watch?v=-7rDc5f8muk&fbclid=IwAR2SIreqz7GMEk916Bjgm2MbQPMCwdMK__pO7g6tFdlxkw2BErYIY-rNaqc
(How to tell if the palpitations you are getting are serious or not)

https://www.youtube.com/watch?v=yvJ7KNIgGQ4&fbclid=IwAR05NNqg6QrLATn7GKMOETaBcjMrkTD5iqelu9xLy4QcVvF3te8BYDgya2Q
(Palpitations and the vagus nerve)

https://www.youtube.com/watch?v=zt4Cw-VKIlY&fbclid=IwAR2dtAo_bh4h9cDJ9a13_sprGEJ5vqUrxFAEOCgt5kghW2S8yWDHv_o1gII
(The gastrocardiac syndrome - heart palpitations caused by the stomach)

https://www.youtube.com/watch?v=wo0l2RMdvCY&fbclid=IwAR2DzsiO8Gw7JqLO3ZMUeLeI3QO7YVjoOC4k6T6iZ53XxDVbA_cr8nKYQXs
(Heart Palpitations: A simple exercise to help ectopic heart beats)

https://www.youtube.com/watch?v=OFiAVO7mGuo&fbclid=IwAR01OyV_rbhvK3QGVh7VczUyaj0jk4ZnGIAJvbc1aiQHpC7WmoSZfUaxJnk
(Top 10 tips for people suffering from palpitations)

Ek hoop dat julle hierdie videos net so leersaam en gerusstellend gaan vind.














« Last Edit: November 13, 2018, 08:52:10 AM by Meraai vannie Baai »

Offline PM

  • Administrator
  • Meester
  • Posts: 9520
  • Gender: Female
Re: 'n Hand en tand bekgeveg teen die asemdief PH (Pulmonale Hipertensie)
« Reply #466 on: November 13, 2018, 12:48:52 PM »
Dit is ongelooflik baie inligting en dit help as 'n mens weet wat aangaan.  Hartlik dankie vir jou onophoudelike deurgee van inligting Raaitjie.  'n Mens kan sien aan die hoeveelheid lesers dat hierdie afdeling/onderwerp van jou kosbaar is vir baie mense.   :notworthy:
Om te weet is om te verstaan.

Offline Meraai vannie Baai

  • Global Moderator
  • Wysgeer
  • Posts: 2778
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #467 on: November 14, 2018, 01:06:56 AM »
Soos altyd 'n voorreg om te kan deel PM  :love7:

Ek is gaande oor die eenvoudige manier waarop Dr Sanjay verskillende onderwerpe rakende palpitasies uiteensit en vir my is dit werklik goud werd en skakel onnodige kommer uit. Hy probeer ook so ver moontlik pasiente se vrae beantwoord in die videos.

Vanoggend het ek 'n video gekyk waarin hy verduidelik hoekom 'n mens soms die drang ondervind om te hoes terwyl jou hart amok maak met daardie lastige 'ekstra hartkloppe'. Om dit mooi te verstaan moet ons die natuurlike manier waarop bloed vanaf die longe deur die hart na die res van die liggaam gepomp word, volg.

(Ek het 'n opsomming gemaak vir my familie wat beperkte internet toegang het en nie die video kan kyk nie.)
 
Die hoof pompaksie in jou hart vind in die linkerventrikel plaas en wanneer dit saamtrek word suurstofryke bloed na die res van jou liggaam gepomp. Hierna ontspan dit en die drukking is laag. Soos wat dit ontspan, vul suurstofgevulde bloed vanaf die longe weer die linkerhart en in hierdie proses is die mitrale klep oop sodat die bloed deurgelaat kan word na die ventrikel. Dit is die normale proses wat plaasvind.

Maar wat gebeur wanneer daar skielik 'n ekstra hartklop (ectopic beat) is?

Die hart was besig om te ontspan en skielik word dit gedwing om weer saam te trek. Die normale ritme is dus versteur
en die hart begin noodgedwone van nuuts af saamtrek terwyl die mitrale klep wat nog oop is, geforseer word om inderhaas weereens te sluit omdat die drukking in die linkerventrikel verhoog het weens hierdie hernude saamtrek-aksie.

Dit veroorsaak dat die bloed wat besig was om vanaf die longe na die linkerhart te gaan, nou geforseer word om 'op te dam' in die longe
en dit veroorsaak dat die drukking in die longe verhoog.

Wanneer dit gebeur raak jy benoud en uitasem weens die verhoogde drukking in die longe en wanneer hierdie drukking te hoog word bou vog in die longe op en irriteer die longweefsels en dan ervaar jy 'n behoefte om te hoes.

Sodra jy hoes raak jy ontslae van die opgeboude vog in die longe en teen hierdie tyd is die ekstra hartklop verby. Die hart begin weer ontspan, die klep open en die drukking verlaag want die bloed uit jou longe vul weer die linkerhart en in die proses verlig die kortasemheid en benoude, versmorende gevoel.

Die oomblik as jy weer gemaklik kan asemhaal voel jy soos 'n splinternuwe mens, sien en waardeer die mooi om jou.
 :icon_biggrin:



https://www.youtube.com/watch?v=AOGvUzB3jmE&t=10s
(Ectopic heart beats, shortness of breath and cough)





 

« Last Edit: November 14, 2018, 01:46:05 AM by Meraai vannie Baai »

Offline Meraai vannie Baai

  • Global Moderator
  • Wysgeer
  • Posts: 2778
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #468 on: November 19, 2018, 04:43:53 AM »
Ek gesels gisteraand met 'n vriendin wat 'n familielid het wat gediagnoseer is met PH. Omdat sy dieselfde simptome ervaar het sy haar dokter ingelig en gevra om getoets te word. Die dokter was onge-erg want hy glo nie dat PH wel bestaan nie. Haar simptome word toegeskryf aan asma en hartprobleme.

Geen wonder dat sommige pasiente eers na die verloop van 'n aantal jare korrek gediagnoseer word wanneer hartversaking reeds ingetree het.

Meer bewusmaking is dringend nodig. As jou dokter optree soos my vriendin sin het dit tyd geword dat jy 'n tweede, derde en selfs vierde opinie inwin en aandring op toetse spesifiek gerig om abnormale drukking in jou hart en long are te ondersoek.

Dit is hartbrekend om te lees dat nog 'n PHriend(in) sy of haar 'vlerke gekry het' - dit hoef nie 'n sinoniem te wees vir vrylik asemhaal wat die einde van jou lewenspad aandui nie.

 :crybaby2:



 
« Last Edit: November 19, 2018, 05:11:03 AM by Meraai vannie Baai »

Offline PM

  • Administrator
  • Meester
  • Posts: 9520
  • Gender: Female
Re: 'n Hand en tand bekgeveg teen die asemdief PH (Pulmonale Hipertensie)
« Reply #469 on: November 19, 2018, 05:30:54 AM »
Ek het gedink om 'n kardioloog te sien, hulle weet seker meer hiervan. 
Om te weet is om te verstaan.

Offline Meraai vannie Baai

  • Global Moderator
  • Wysgeer
  • Posts: 2778
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #470 on: November 19, 2018, 07:58:35 AM »
As jy jou dokter gaan spreek PM, vra hom reguit of hy enige kennis het van pulmonale hipertensie. Hartversaking kan aanleiding gee tot PH. Indien die dok met sy gewone bloeddrukapparaat wil 'toets' vir PH dan vertel jy hom daar is 'n massiewe verskil tussen gewone bloeddruk wat so gemeet kan word en die drukking in jou hart en longare. 

My sus en ons jongste seun het hierdie stel afgetrap toe hulle navraag gedoen het. Baie pasiente se huisdokters erken wel eerlik dat hulle nie genoeg kennis het rakende die toestand of behandeling nie. Jy soek eerder so 'n dokter wat dan besef hy moet jou verwys na 'n PH spesialis.

Offline PM

  • Administrator
  • Meester
  • Posts: 9520
  • Gender: Female
Re: 'n Hand en tand bekgeveg teen die asemdief PH (Pulmonale Hipertensie)
« Reply #471 on: November 21, 2018, 10:21:18 AM »
My afspraak is vir 'n wyle op ys totdat ons eers 'n paar noodsaaklike pligte uitvoer.  'n Mens se lewe word meestal vir jou beplan en jy kan nie altyd maak wat jy wil nie.  Volgende week beslis en ja ek sal hard en duidelik vra. 
Om te weet is om te verstaan.

Offline Meraai vannie Baai

  • Global Moderator
  • Wysgeer
  • Posts: 2778
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #472 on: November 22, 2018, 01:39:32 AM »
Sterkte mater met al die draaie wat julle lewe maak. Ek het hierdie inligting ook by die hartversakingsafdeling wat jy vir ons geskep het geplaas maar omdat ek dit ook onder die aandag van ons lesers hier wil bring, gaan ek weer deel.



*Indien iemand meer inligting oor hartversaking soek:

http://forum.afrikaanseforum.co.za/index.php?topic=4448.0
http://forum.afrikaanseforum.co.za/index.php?topic=4458.0
http://forum.afrikaanseforum.co.za/index.php?topic=4462.0
« Last Edit: November 22, 2018, 01:46:47 AM by Meraai vannie Baai »

Offline Meraai vannie Baai

  • Global Moderator
  • Wysgeer
  • Posts: 2778
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #473 on: December 03, 2018, 12:44:53 PM »

Offline Naas

  • Global Moderator
  • Hardebaard
  • Posts: 1815
  • Gender: Male
  • K.N.A.P. (Kan Naas Afrikaans Praat of wat?)
Re: 'n Hand en tand bekgeveg teen die asemdief PH (Pulmonale Hipertensie)
« Reply #474 on: December 03, 2018, 02:37:09 PM »
Never a more true word spoken...



Ek is maar net een, maar ek ís een.

Offline Meraai vannie Baai

  • Global Moderator
  • Wysgeer
  • Posts: 2778
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #475 on: December 05, 2018, 01:34:18 AM »
Dankie vir inloer en omgee geliefde ou mater van ons. Weet jy veg saam in hierdie asemoorlog. Ek wil vandag hierdie woordskepping in jou eie 'tru-rat struktuur' kom uitstal met erkenning.

Asemoorlog

Soos ‘n rukwind deur die huis
rol rammel-gorrel-roggel.
As die donder helder blits in die lug,
die krake in die mure, ruite wys.

Die borrel van geluk geprik
bars met ‘n aaklige pop
en stuur die onlekker
soos ‘n rukwind deur die huis

Asemloos die aanhoor
van feitlike vonnis
en ongenaakbaar waarheid
rol rammel-gorrel-roggel.

Die einde is nie die seerste
maar die doringpad daarheen
ontketen die WAAROM storm
as die donder helder blits in die lug.

In die laaste oorlog vir die lewe
is elke asemteug ‘n veldslag,
elke dag sy eie oorwinning.
Maar die krake in die mure, ruite wys.

Die krake in die mure, ruite wys
as die donder helder blits in die lug.
Dan rol die rammel-gorrel-roggel.
Soos ‘n rukwind deur die huis.
© Naas

http://forum.afrikaanseforum.co.za/index.php?topic=2262.0
 :notworthy: :icon_salut:
« Last Edit: December 05, 2018, 01:40:37 AM by Meraai vannie Baai »

Offline Meraai vannie Baai

  • Global Moderator
  • Wysgeer
  • Posts: 2778
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #476 on: December 11, 2018, 04:17:04 AM »
Gesels ek gister met 'n Afrikaanse vriendin wat kom inloer het na werk. Sy wou weet hoe die asemdief 'n mens se leefwyse beinvloed en terwyl ek vertel hoe Outop en ek aangepas het soos wat probleme ontstaan, was die skok op haar gesig duidelik sigbaar.

Sy het reguit en eerlik geantwoord as so iets haar moet tref, sal sy verseker gou doodgaan en my antwoord: nee, jy sal nie. 'n Mens veg instinktief terug. Jy gee nie op nie want die lewe is so kosbaar en dit is nie so maklik om dood te gaan nie al voel dit soms so as opgeboude vog en benoudheid weens die swelling jou wil kelder.

Dan is sit of lê wraggies net te ongemaklik of pynlik - moenie moed opgee nie. Staan bring verligting en vir my op die oomblik nog die enigste uitweg.

Hou net jou hande (en verstand) besig met iets wat jou aandag gaan aftrek en jy geniet. Opbeurende musiek in die agtergrond is deel van die terapie wat werk vir my.

Natuurlik gaan daar dae wees wat jy net wil gil uit frustrasie en smag na die kwaliteit lewe wat jy gehad het en nie waardeer het nie!

Ander kere kry jy jouself skandelik jammer, pik 'n traan of tien en kry jouself daarna maar net weer aan die kraag beet en doet voort in stadige aksie - dan kom die satisfaksie brokkiesgewys en hou langer. Klink na 'n 'bargain' ne  :icon_biggrin:

« Last Edit: December 11, 2018, 04:23:17 AM by Meraai vannie Baai »

Offline PM

  • Administrator
  • Meester
  • Posts: 9520
  • Gender: Female
Re: 'n Hand en tand bekgeveg teen die asemdief PH (Pulmonale Hipertensie)
« Reply #477 on: December 12, 2018, 12:02:21 PM »
'n jaar gelede het ek hierdie bydraes gelees met 'n hart vol trane, maar ek het nie regtig besef waardeur mense met pulmonale hipertensie worstel nie.  Ek sê beslis nie dat ek dit nou verstaan nie, want ek is nie daarmee gediagnoseer nie, maar ek het nou so 'n voorsmakie gekry van wat benoudheid, kortasem en borspyne is.  Daardie -naar-van-benoudheid- as jy plat lê - gevoel.  Die doodse moegheid wat jou ootval, al sit jy en niks doen nie. 
Die bloedtoetse wys ek het  NIE  harversaking nie, maar wat het ek?  Piepiekonders!   :icon_biggrin:   Ek het gelag dat die trane loop oor die "bloedlatings", maar wie is ek om te stry.  Teen hierdie tyd is ek al so moedeloos dat ek maar soos 'n skaap aanstap.  Ons sal maar wag tot die proses verby is. 
Intussen hou ek almal wat so stry teen die asemdief styf teen my hart vas.  Hou moed!
Om te weet is om te verstaan.

Offline Meraai vannie Baai

  • Global Moderator
  • Wysgeer
  • Posts: 2778
  • Elke dag aan ons Geskenk, is 'n kosbare voorreg.
Re: 'n Hand en tand bekgeveg teen die asemdief PH (Pulmonale Hipertensie)
« Reply #478 on: December 12, 2018, 12:12:01 PM »
Vou jou toe met omee en liefde liefste PM  :love7: Jou ondersteuning deur die afgelope ses jaar was en is 'n ware kruk. Sterkte met jou eie pad vorentoe. As die simptome aanhou - dring aan op tweede en derde opinies. Mag ek vra watter toetse het hulle alles gedoen?

Offline PM

  • Administrator
  • Meester
  • Posts: 9520
  • Gender: Female
Re: 'n Hand en tand bekgeveg teen die asemdief PH (Pulmonale Hipertensie)
« Reply #479 on: December 12, 2018, 12:59:41 PM »
X-strale van die hart, longe en niere.  Bloedtoetse van my kroontjie tot by my toontjies.   :icon_biggrin: 
Ek het eers waterpille gekry om van die pampoenvoete ontslae te raak, maar na die eerste bloeduitslae seg oom dokter dat ek dit moet los.  Dit maak die bloed nog dikker.  My skildklier is gesond.
Hy wou die bloeddrukpille verander, maar besluit toe daarteen.   :dontknow:
Ek het hartpilletjies gekry en antibiotika vir die sweer wat op my been is asgevolg van 'n verdomde bosluisbyt.  Ek het die ding self verwyder, so ek weet wat my raak gesteek het.   :icon_biggrin:
Om te weet is om te verstaan.