Author Topic: Die dwergies C Louis Leipoldt  (Read 1339 times)

0 Members and 1 Guest are viewing this topic.

Offline PM

  • Administrator
  • Meester
  • Posts: 8604
  • Gender: Female
Die dwergies C Louis Leipoldt
« on: December 04, 2012, 01:27:04 PM »
C Louis Leipoldt

In 'n gat daar onder die sukkeldoring
Het 'n dwergieman sy huis.
Die mure daarvan is goudgeel klei,
En die vloer van silwergruis.

En die lampe is klein vuurvliegies,
Wat skitter soos sonneskyn
As die groen van die skemeraand val
En die son se glans verdwyn.

Die stoele is bergkristalle,
Wat onder die liggies blink;
Die tafel 'n groot wit paddastoel,
Met sy steel in die gruis gesink.

Die kussings is fynste wit kapok
Uit tinktinkie-nes gesteel;
En die deurgordyn is 'n mierkatvel,
So sag soos sagte ferweel.

Hier lewe die dwergie die jare deur
Waar niemand hom ooit sal stoor;
En hy en sy vrou kom net maar uit
Om water te haal uit die voor.
Om te weet is om te verstaan.

Offline Fransi

  • Regular Members
  • Melkbaard
  • Posts: 1275
Re: Die dwergies C Louis Leipoldt
« Reply #1 on: December 04, 2012, 04:29:16 PM »
Ek lief hierdie ene. Ek het dit die eerste keer in die vorm van musiek gehoor.