Woordskuur > Gesegdes van toeka tot nou
Ou idiome uit die volksmond
Meraai vannie Baai:
Astoontjie afgelei van die ou idioom: Hy het as op sy tone - sy gulp is oop.
Sy bek hang - kwaad of teleurgesteld.
Wie se brood mens eet, dié se woord mens spreek - afhanklik van
iemand wees.
Nie `n naald hê om sy gat mee te krap nie - brandarm te wees.
Jan Sparriewarrie -Jan spaar die waarheid, lieg
Orige jukskei - nuttelose persoon.
Soos `n ketter vloek - baie erg vloek.
Kontant met die mond -vrypostig.
Spaar vir jou mond, is goed vir die kat en die hond - as jy te
min eet, gaan die oorskiet kos tog maar vir die diere.
Plas en plooi - fyn beplan en spaarsaam met jou geld werk.
Vir wind en weer rondloop - kinders wat alleen grootword.
Meraai vannie Baai:
Vergelykings uit die skatkis:
Hol wange soos 'n toegeslane brood.
Hol toonnaels soos 'n soplepel.
Plooigesig soos 'n mofskaap.
Deurskyn ore soos 'n vlakhaas.
Knopneus soos 'n bakoond.
Stem soos 'n koffiemeule.
Uistaanboude soos 'n melkkoei.
Wegstaan tande soos 'n stalvurk.
Skurwe hakskene soos 'n vleipatat.
Napoleon Bonaparte
1769-1821 "Moenie jou vyand onderbreek wanneer hy ’n fout maak nie."
Eintlik is daar net twee soorte vriende, goeie vriende en slegte vriende. Goeie vriende het jy nodig en slegte vriende het jou nodig.
Meraai vannie Baai:
Met erkenning: Fanus Rautenbach
Ons moet almal eendag sterwe, maar elkeen sterf volgens sy beroep:
Reisigers gaan heen.
Parlementslede op die groen kussings gaan sag heen.
Die melkman en die posman kom om.
Jagters gaan bokveld toe.
Kokke steek lepel in die dak.
Die horlosiemaker se tyd het aangebreek.
Die valskermspringer ontval ons.
Die tuinier is van die gras af gemaak.
Die melkboer het die emmer geskop.
Die begrafnisondernemer sien sy gat.
Die dominee het die tydelike met die ewige verwissel.
Die ouderling is ontslape.
Die koerantman is direk hemel toe.
Die skeidsregter het sy laaste asem uitgeblaas.
Die dokter se hart het gaan staan.
Die elektrisiën se liggie is gedoof.
Die koster het die doodsklok hoor lui.
Die kleremaker se draad is geknip.
Die Springbokrugby-afrigter kom tot rus.
Meraai vannie Baai:
PM:
Hierdie het ek in die gratis e-tydskrif gekry. "Sonder seëls"
Sy is ’n afgelekte meisie. (Sy het al baie kêrels gehad.)
Ek lê vir hom in die hek. (Ek wag vir hom. Ek wil hom in die hande kry.)
Dis net sterk bene wat weelde kan dra. (Dit vra ‘n sterk karakter om nie hoogmoedig te word as jy ryk is nie.)
Hy is van sy eet af. (Hy voel siek.)
Hy lieg blink en bles. (Hy kan baie lieg.)
Moenie jou so inkoejawel gedra nie. (Moenie jou so swak gedra nie.)
Sy hare staan weer vanoggend verkeerd. (Hy is omgekrap.)
Hoekom lyk jy so afgesak? (Hoe lyk jy dan so moeg?)
Hy lieg klippe aanmekaar. (Hy jok erg.)
Hy gaap soos ‘n snoeiskêr. (Hy gaap met ‘n mond wat groot oop is.)
Hy is eergister se dief. (Hy is baie geslepe.)
Ek sal vir jou ‘n been gooi. (Ek sal vir jou sê wanneer ek jou opinie nodig het.)
Laat dit maar aankalk. (Skryf dit op my rekening.)
Hy is van dik deeg aanmekaar gesit. (Hy is ‘n lafaard.)
Meraai vannie Baai:
Ou uitdrukkings oor geld en ruilmiddels (soos aangedra deur PM lankal vir ons boekie van woorde)
‘n Pot vol goud.
Platsak wees.
Geld wat stom is maak reg wat krom is.
Geld wat sleg is maak krom wat reg is.
Ek sal kan doen met ‘n miljoen.
Dit ruik na geld.
Geld groei nie op my rug nie.
Op die koop toe.
Geld groei nie aan bome nie.
Geld in die water gooi.
Vir kwaadgeld rondloop.
Hy staan of hy geld in die bank het.
Hy maak of hy geld in die bank het.
Dit kos ‘n plaas se geld.
Dit is te dik vir ‘n Daalder.
Met iets te koop loop.
Ryk gesaai bankrot ge-oes.
As armoede by die voordeur inkom gaan liefde by die agterdeur uit.
Vir geen geld ter wêreld nie.
So arm soos ‘n kerkmuis.
Moenie al jou geld op een perd sit nie.
Twee mossies vir ‘n stuiwer.
‘n Stuiwer in die armbeurs gooi.
‘n Duit in die armbeurs gooi.
Kop bo water hou.
Geld wat geel is maak reg wat skeel is.
Tyd is geld.
Hy is ‘n geldwolf.
Gierigheid is die wortel van alle kwaad.
Vir dertig stukke silwer.
Agter geld soos die duiwel agter ‘n siel aan.
Die geld brand in sy sak.
Geld uit iemand se sak jaag.
Hy besit geen duit nie.
Die goudpot aan die einde van die reënboog.
Dis nie alle goud wat blink nie.
Dit is met geen goud te betaal nie.
Hy is ‘n ongeslypte diamant.
Sy is ‘n diamant in my kroon.
Moenie jou pêrels voor die swyne werp nie.
Dit is peper duur.
Die sout van die aarde.
ʼn Man saai nie koring in ʼn varkhok nie.
Navigation
[0] Message Index
[#] Next page
Go to full version