'n Brief aan my "gasvrou", waar ons in 'n kamer geslaap het, sonder 8-ta opvangs (waaroor sy hoog en laag gesweer het) of, DSTV soos wat in die advertensie gesê is, ook sonder lugreëling. Geen "sjampoetjies" of sepies soos by 'n normale gastehuis nie.
Die webtuiste sê: R150.00 per persoon per dag plus R80.00 per persoon vir aandete.
Liewe mevrou gasvrou,
die aanbod wat julle vir ons gemaak het was R550.00 per nag, ontbyt en aandete ingesluit.
Ons het van die 12de tot die 15de November oorgeslaap en slegs aandete ge-eet.
Die nagte van 16, 17 en 18 November was ons nie daar nie, maar het nogtans volprys betaal, etes ingesluit.
Van die 19de tot die 26ste het ons ook R550.00 per nag betaal.
'n Totaal van R8 250.00.
Hannes het uit sy eie aangebied om die res van die tyd R650.00 per nag te betaal.
Van die 27ste November tot die 1ste Desember het ons R3 250.00 betaal wat 'n totaal gee van
R11 500.00.
Ek het probeer onthou wat ons alles gekoop het:
1 kg wors, 4 pakkies kouevleis, 1 pak vienas, 1 pakkie bacon, kaas, sakkie gemsquash, 2 blikkies ertjies, pak boondjies, 2kg vark-boudtjops, 1 en 'n half kilogram fillet steak, 500 ml jogurt, spessery-broodkrummels, vrugtesappe, tee, koffie, suikerpilletjies, melk, 1 pak skyfies, 1 pak nik naks, 1 houertjie vla, 'n bak roomys, sak mieliemeel, 500ml Rama, 2 pakkies kaassous, charcoal, firelighters en ons het al ons tee, koffie, suikerpilletjies en melk, self voorsien.
Kom ons bereken dit op R800.00.
Voeg by die R240.00 vir wasgoed dan is dit R1040.00.
Dit bring ons nou op 'n totaal van R12 540.00.
Sou ons dit nou deur die 17 dae wat ons daar oornag het deel, dan kry ons 'n som van R737.64 per dag.
Sou al jou uitgawes nou aan ons, R237.64 rand per dag wees, dan het jy nog R500.00 per dag , vir 'n kamer, skoon wins, in jou sak gesteek. So, moet asseblief nie weer vir iemand vertel dat ek gratis daar gebly het en my man slegs R150.00 per dag betaal het nie!!!!!!!!!!!!!!!!!!!!!!! Jy lieg!!!!!!!!!!!!!!!!!!!!!!!!!!
En o ja! Ek het nie my arbeid vir die verpakking van die blomme, die dae wat ek jou tuinjong gehelp blomme plant omdat jy gaan "shop" het, die aandetes kook, die verwerking van jou krat tamaties en die inlê van jou beetslaai bygereken nie. Dit was mahala. Ek is half ordentlik.
Ook nie vir die dip, bad en borsel van die honde nie. Dit het ek met liefde gedoen. Amper sê ek ek is heeltemal ordentlik!!!
