Aborsie

[PM]

Ons, ek en ons gasheer, het hierdie week 'n hewige debat gevoer oor aborsie. 
Natuurlik hy daarteen (hewig daarteen) en ek daarvoor, nog hewiger.    Rebels sê ek vir julle!

My vraag of hy net een van daardie kinders sou vat en grootmaak, het die gesprek net daar en dan be-eindig.

[Gawelina]

Wonder ek nou wat hom laat skrik het. Hahahaha

[PM]

Ai, ek weet ek raak te driftig en is sommer ongeskik daaroor, maar as jy daar teen is moet jy tog seker jou hand uit jou mou uitsteek om te probeer help.  Ek het al met situasies te doen gekry waar kinders liederlik verwaarloos en mishandel was.  Kinders het die reg om liefde te kry, goeie kos, 'n goeie opvoeding en opleiding.  Wat is nou beter vir so 'n kind?  Aborsie of 'n leeftyd van ellende.  ???

[Ah Willa]

Ek is met my helewese daarteen - nie oor Godsdiens of dit of dat nie ... maar oor my eie oe gesien het,
hoe dit mooi mensies se binnemens verwoes het ... selfs al het hulle die besluit vrywillig gemaak ...
my vriendin het so 5 jaar terug selfmoord gepleeg ... sy kon nie oor die aborsie kom wat sy laat doen het toe sy 19 was nie - toe amper reeds 40 ...

ek het nie baie geld nie - maar ek sal met liefde help kinders grootmaak ...

maar in my lewe sal ek nooit vinger wys na 'n vroutjie wat so n besluit geneem het nie .. want ons staan nie in haar skoene nie ..
ek sal haar bystaan en lief he sover moontlik ...

maar ek raai altyd aborsie af oor die skade wat die vrou se binnemens lei ... dalk is party sterker as ander  - maar ek het nog nooit 'n vrou ontmoet wat nie binne-skade opgedoen het nie

my moeder het my probeer aborteer - ek was so onbeplan en ongevraag as kan kom ... sy het amper haar lewe verloor ... en tog hier is ek ... maar haar binnemens was weg .. diep diep agter al die eina's en skuldgevoelens weg gepak ...

maar Petra - dis maar 'n baie sensitiewe saakie  ja ...

 

[Fransi]

 

Moet jy die reg tot keuse hê, ja, maar ek glo ook dat baie wat wel 'n aborsie gekry het, sukkel om hulle keuse daarna te verwerk.
Egter eerder in 'n hospitaal as in 'n agterstraat. Dit is 'n keuse wat ek vir niemand toewens nie en een wat ek hoop ek nooit sal hoef te maak nie.

[Ah Willa]

Fransi ek stem ...eerder 'n hospitaal as 'n agterstraat

in my verpleeg jare in die 80/90's het ons so 'n hartseer saak gehad .. die meisie was 17 ..
ingestap by ongevalle (Vrystaatse dorpie) en kort daarna na haar graf gestoot ... baba nog gelewe binne haar
en moes met keisersnit verlos word ... sy was meer as 6 maande swanger ... baba week later oorlede

maar ek sou eerder wou sien dat geen vrou ooit 'n aborsie moet face nie .. nie net fisiese se skade wat aangerig kan word nie,
maar die emosionele skade is soveel erger ... ai ...

maar mens kan net bystaan en ondersteun as iemand deur so iets is ... dis nie vir ons om te oordeel nie ...

[PM]

Ek stem, dit is 'n onderwerp wat baie fasette het. 
'n Mens kan ook vra:  Aborsie of aanneming? 
Dit verg baie spesiale mense om kinders aan te neem.  Die probleme daarom is, in 90%, oneindig.
Ek is bly dat aborsie in ons land gewettig is.  Dit skakel nie al die probleme uit nie, maar dit bring verligting.  Voorheen was daar ook nie berading voor die tyd nie, nou is dit vrylik beskikbaar.  Dit is 'n groot pluspunt. 

[Chichi]

No offence to anyone...

My persoonlike opinie, as jy die daad wil doen en 'n kind wil hê nie dan maak jy seker jy is "versigtig" andersins moet jy verantwoordelikheid neem vir die kind wat jy gemaak het.  En dan voel ek dit is verkeerd om 'n aborsie te doen.

Indien jy verkrag is of iets in daai lyn en daar ontstaan 'n kind, dan is dit debatteerbaar, eerstens jy sal 'n verskriklike sterk persoon moet wees om daar kind op te pas maar steeds bo aborsie kan jy daai kind laat aan neem. l

En dan 'n moeiliker saak, is dit regverdig om 'n gestremde kind in die wêreld te bring? Ek bedoel nou erg gestremd, soosin jou ander kinders gaan hul hele lewe spandeer om daai engeltjie op te pas,  en wie kyk dan na jou kind wanneer jy die dag weg is en jy het nie ander kinders gehad nie?  Die wet se indien jou kind gestremd bewys is gedurende jou swangerskap kan jy nog tot op 40 weke die kind termineer.  Ek dink dit is baie moeilik en ek wil nooit in daai situasie geplaas word.

Op die ou einde van die dag sal die Here jou wys watse pad jy moet loop, mens moet net aanhou glo dat die keuses wat jy maak is die regte keuses en dan baie daaroor bid.

[PM]

No offence to anyone...  Moenie komkommer nie Chichi, ons sal nie aanstoot neem nie.  Dit is interessant om te weet wat elke ou dink.

Gestremde kinders is 'n ander baie teer onderwerp.  Ek het nog nooit van 'n ouer met 'n gestremde kind (hoe erg ookal) gehoor dat hy/sy aborsie sou gekies het nie.  Hulle werk onverpoosd aan die oplossings vir die uitdagings en bekommer hulle ook dood oor "wat van as ek nie meer daar is nie".
Die kontras tussen hierdie liefdevolle ouers en die gespuis wat pragtige gesonde kinders het en hulle verwaarloos en mishandel, is treffend. 
Dit is ouens soos ek wat op die wal staan en in die situasie inkyk, wat gewoonlik makliker 'n uitspraak wil gee.   Ek dink dit is 'n heel ander saak as 'n mens self daarin is. 

[Chichi]

Ag ek stem saam met jou, dit is maar 'n teer onderwerp, ek wonder net soms of ons nie die krag gegee is om te kan sien en dan reg te kan maak nie. 

Persoonlik is ek in 'n situasie waar ek weet ek gaan vir die res van my lewetjie na een van my broers moet kyk, en moet my nie verkeerd kry nie, ek is verskriklik lief vir hom en ek verwens nie dat hy hier is of enigiets soos dit nie, dit maak dit net baie baie moeilik.  Ek bedoel net as iets nou met my ouers moet gebeur sal ons ook maar darem baie swaar kry as ek hom moet "dra".  Maar nouja, dits ook weer 'n ander storie en hy het eers later in sy lewe verander - dink dits 'n mooi woord om te gebruik.

[PM]

Ek dink dat baie mense ander besluite in hul lewens sou  maak as hulle die volle omvang van die nagevolge sou ken. 
Ons het 'n paar kinders in pleegsorg gehad en het twee aangeneem,  maar as ek vandag weer voor daardie keuse te staan sou kom sou ek viervoet vassteek soos 'n donkie en "Aaiiikôôna" skreeu.  Ervaring is die beste leermeester. 

Ongelukkig het broers en susters geen sê in die saak nie.  Ons eie kinders het baie opofferings gemaak. 

[Chichi]

Ag wat ek kan dink!!

Ek weet nie, ja ons het nie die keuse nie, en indien wel ek die keuse gehad het sou ek elkgeval gekies het om na hom te kan kyk.  Mens is mos lief vir jou mense, en mens moet lief wees vir almal in jou lewe, bietjie opofferings maak mens sterk en dankbaar

[PM]

Is dit nie waar die vraag inkom nie:  As die partye geweet het, sou hulle nog steeds so gekies het?

[Chichi]

In sommige gevalle.

[Ah Willa]

ons het 'n hartseer geval waar my vriendin oorlede is - 'n gesamentlike vriendin en eerste vriendin se man is toe na haar dood getroud ...

Eerste vriendin wat oorlede is, is A
Tweede vriendin wat met A se man na haar dood getrou het is B
die man van altwee is c

A en C het drie seun en B en ? het een seun ...

maar C en sy twee seuns gee nie 'n flenter om vir die jongste boetie wat erg verstandlik gestrem is nie.
Vriendin B en haar een seun gee alles wat hulle het om jongste boetie te help ...

as B en C weg val gaan dit B se seun wees wat na jongste boet gaan kyk .. nie sy eie bloed broers nie ...

A en C en drie seuns is wit
B en een seun is tussen wit en swart ...

ek hou my bek 

maar teer en hartseer saak bly die ...

ns .. ek is gegang-rape meer as een keer ... en ek sou nooit 'n kind wat so verwerk is aborteer nie ... die kind het niks verkeerd gedoen nie ... dis die monster-pa wat gestraf moetword