Lee oomblikke op hierdie stadium is nie veel nie, net soggens vroeg as Ouma nog kuier met die kussing.
Maar dan skaaf ek aan skriwwels wat ek in Boek 2 wil plaas, FB, lees koerant online en kuier hier.
Ek neem haar daagliks vir 'n stappie. Al is dit koud, moet ons loop om die bene en die verstand en die longe en die hart aan die gang te hou. Ek self kry ook so vars lug en oefening.
Ons gaan koop die koerant en vars vrugte en groente en eet die heerlikste muffins (bacon & cheese is ons gunsteling en dan is dit date & nut) by M&B.
Soms het ons niks nodig nie, maar ons loop. Dis 'n groot lekkerte om in die boekwinkels rond te dwaal op soek na boeke in groter skrif en wat sy sal lees.
En sy lees tjop-tjop. Boek klaar binne twee dae. Dan vat ons maar weer die breinaalde op en brei NOG 'n serpie.
Tyd dat ons wol koop vir moffies brei. Dis nou nie muffins in Engels nie, ok? Dis mittens.