Digkuns > Kom ons help mekaar

Die wind.

(1/3) > >>

Bestuur:
PM is besig om 'n artikel te skryf oor alliterasie en assonansie en sy vra dat julle haar help om hierdie gedig reg te ruk sodat sy dit kan gebruik as 'n voorbeeld.  Groot seblief. 

Die wind.

Daar woed ‘n woeste wind
wat aan die bome ruk en pluk
en die blare met sweepslag
van die takke los ruk.
Dit kletterklink die straat af;
klappende perdepote
deur die wind aangejaag.

Dit is donker dowwe grys grou wolke
wat die aarde  in skemer  omvou;
in die verte trek die weerlig wit flitse
teen  die liglose blou.

Dit is ‘n woeste  wind wat so mistroostig
om die huis se hoeke loei,
wat die reën rukkend in vlae
oor die dorre aarde gooi.

Dit slaan die reëndruppels stukkend
teen die vensters aan;
net biggelende trane
wat traag teen die ruit afgaan.

Die wind wig deur die ou venster
wat nog net aan sy skarniere hang;
dit dawwer teen die dak se ou sinkplate
wat ook al  besig is om op te lig.
‘n  Waterval swoeg  met ‘n gedruis deur die geute,
om met ‘n swierige boog
‘n bek vol reënwater  uit te spoeg.

Al wat oorbly
is  die laaste paar stroompies
wat deur die geute sing,
die vars reuk
van ‘n aarde skoon gewas van stof
en die laaste paar druppels
wat uit die blare
op die grond
neer plof.
Dan is dit stil.

Jeannedarc:

--- Quote from: Bestuur on May 05, 2011, 02:07:42 PM ---PM is besig om 'n artikel te skryf oor alliterasie en assonansie en sy vra dat julle haar help om hierdie gedig reg te ruk sodat sy dit kan gebruik as 'n voorbeeld.  Groot seblief. 

Die wind.

Daar woed ‘n woeste wind
wat aan die bome ruk en pluk
en die blare met sweepslag
van die takke los ruk.
Dit kletterklink die straat af;               wat van "dit rommelrol" of dalk "rammelrol"
klappende perdepote                         "trillende tromme doem doem"
deur die wind aangejaag.

Dit is donker dowwe grys grou wolke
wat die aarde  in skemer  omvou;
in die verte trek die weerlig wit flitse
teen  die liglose blou.

Dit is ‘n woeste  wind wat so mistroostig
om die huis se hoeke loei,
wat die reën rukkend in vlae
oor die dorre aarde gooi.

Dit slaan die reëndruppels stukkend
teen die vensters aan;
net biggelende trane
wat traag teen die ruit afgaan.

Die wind wig deur die ou venster
wat nog net aan sy skarniere hang;
dit dawwer teen die dak se ou sinkplate                   "dawerkreun teen oudakplate aan
wat ook al  besig is om op te lig.
‘n  Waterval swoeg  met ‘n gedruis deur die geute,
om met ‘n swierige boog
‘n bek vol reënwater  uit te spoeg.

Al wat oorbly
is  die laaste paar stroompies
wat deur die geute sing,
die vars reuk
van ‘n aarde skoon gewas van stof
en die laaste paar druppels
wat uit die blare
op die grond
neer plof.
Dan is dit stil.


--- End quote ---
PM   dis maar wat ek sou gebruik

Naas:
MMmmmmm...
Jy het dit uitstekend reggekry om die alliterasie en assonansie te verduidelik... miskien, net miskien, te goed.
Laat ek verduidelik. Daar is baie mense wat mal gaan wees oor jou gedig en met reg so. Persoonlike smaak slaan my egter hier neer teen die teer omdat daar vir MY, persoonlik, te veel van alles in is. Dit proe dan op die ou end (net vir my) of ek 'n koppie koffie drink met twaalf eetlepels suiker in.
Dis nie net jou gedig nie, daar is ander groot skrywers wat ook partykeer die gevoel by my laat daarom moet jy my kommentaar asb nie negatief ervaar nie. Ek gee maar net my eie, eerlike, persoonlike gevoel.  :dontknow: Partykeer hou ek nie van myself nie.



 :icon_bigsmurf:

PM:
100 jaar later kom ek weer hier uit.  Noudat dit 'n bietjie rustiger gaan en ek hier in die bos kuier, glip ek deur 'n paar afgeskeepte onderwerpe en sowaar, hier is nog een wat ek gemis het.

Dankie Natalie, ek sal beslis van jou voorstel gebruik maak.

Naas, ek waardeer jou inset en ek stem met jou saam.  Ek het dit 'n "bietjie" oordryf!  :icon_biggrin:
Sou ek nie jou eerlike opinie wou hê nie, sou ek nie gevra het nie.   :nono:
Weet ek ook uit ondervinding dat jy  MY  nie kritiseer nie, maar net jou mening oor die gedig gee, dus, ek aanvaar jou opinie soos dit kom, uit jou liefdevolle hart!  :love7:

Naas:
As 'n mens na die gedig kyk in diekonteks van "so lyk alleterasie" maw as leermiddel slaag dit in sy doel.





 :icon_bigsmurf:

Navigation

[0] Message Index

[#] Next page